[chris.ng]

好想買一支35mm 鏡當鏡頭蓋， 諗緊買邊支好，兩支評語都不錯，各位師兄你哋會點揀？

小弟現時用緊5D II，有小白兔、 135 2.0L、 17 40，同一支手動35mm 電影鏡(拍嘢用)，有時拍吓片，同影風景、人像、旅行、生活咁，唔該晒！

[ChiuChiu1970]

所謂選擇困難，原於對副廠質素有懷疑，一支係$14150，一支係$5380，既然也將C35L列入考慮之列，自然準備足夠Budget，原廠係不二之選，淨係信心都贏晒。

不過前幾日先陪個影友上星際入咗支S35.4ART。

[chris.ng]

多謝師兄提醒!　不過想請問吓，你影友入咗支S35.4ART 有咩感覺?

[ChiuChiu1970]

我友人只入了幾天，難有詳細意見，你不妨到DCfever的用家意見裡參詳一吓。

論畫質，這支鏡獲評價極高，尤其我友人用在70D上，理應無話可説。

Sigma鏡最令人担心是移焦問題，我陪同友人上去試鏡，就是主要耐心以不同距離測試對焦，要試到第三支才滿意俾錢離開，可能受Tamron的保養服務威脇，Sigma這支鏡亦提供三年保養及永久調焦承諾。

[darkfoxhk]

2支鏡的分別較明顯係發色方面，canon 鏡係陽光充足下影人顏色會較粉紅，sigma 會較青偏冷感覺，無話邊支好唔好，係取決於你想要咩顏色，然後選擇咩工具，你題材係影人像美少女，確實 canon 後期處理較易，顏色較討好， sigma 點調都係有 d 冷，但如果你影其他題材，如風景或街攝，粉唔粉紅就無咩所謂。

對焦: canon 快 dd ，但 sigma 都快，但暗環境 sigma 就較差，要對多 d 時間，但都係睇你影咩，影風景就無問題，影人就用手機照明對焦，除非你街攝趕住影

全開光圈下走焦: sigma 就 10張走 1張， canon 20張走 1張

逆光 : sigma 會有少少光暈，canon 無，但我鍾意相有光暈......

散景: 各花各眼，一樣都可以矇查查，我較喜歡 canon ，但更喜歡老鏡......

總結: 有錢就可以買多 D 方便，人都可以懶 D 。無錢就技術搭救，勤力 一D，一樣影到 。 sigma 各方面都好好，唔會失望
Canon 鏡更加好，上天下海去北極都得，但問題我都唔會去北極影相，買咁勁用唔到....浪費金錢。
所以睇你題材係咩，特別影景分別不大。
係 90% 正常情影下 canon 鏡的特點都係用唔到，但有 10% 特別黃昏光情形下，canon 影得好夢幻，無紫邊，sigma 點影都影唔到

[chris.ng]

多謝兩位師兄意見，非常有營養，解答晒所有我既疑問，謝謝！