[Lesliechow]

小弟由今年7月開始加入玩DSLR嘅行列, 當中樂趣多, 問題也多...

想問一下: 攝影器材係唔係一定要放入防潮箱? 唔用有咩影響?
因為現時已經入左3支鏡, 而且, 很快會多入一支, 請各位大佬教下路...

Thankyou very much

[大碗]

d野咁貴緊係放啦
一個好既防潮箱都係600左右
你一支鏡發左mo都唔止啦
自己諗下個價值啦

[JSmith]

如果你屋企全年都可以都keep住4,50% 濕度，你周圍放都得。

[biblekwan]

睇下你有幾愛佢地喇....

窮到冇錢既: 放係陰涼處算喇~
少少窮既: 防潮盒, 幾百舊, 買個心安利得~
唔窮既: 買個電子防潮櫃, KEEP住43-45度, 又得閒就清潔下既, 第二時要放鏡好都價D, 都係一千左右有交易
有錢既: 買個又勁又大既電子防潮櫃, 恆溫恆濕, 放多D野都得~ 半皮野至一皮都有~
超有錢既: 唔洗買, D鏡有"毛"有花, 買過新既, 重有一SET SET買~

我買既係防潮櫃, 主要原因係入左24-70L, 好愛佢, 真係想抱住佢瞓~

[GrootGroot]

我見鴨寮街d電子防潮櫃,最細既 $280-$320 都有個 , 唔知靠唔靠得住呢???

[biblekwan]

貴少少既, 可以用耐少少, 平既, 又唔一定快壞.
不過我唔係太識搵好野既人, 只會係識買人地一般常買既貨色.
如果有時間既, 當然係搵到平又好先買.
我個時, 一買就買左, DC個隻, 應該差極有個譜, 唔會咁易壞, 壞左都有2年保~
都係一千左右, 可以放到70-200
有時買櫃要睇下你放乜鏡喇~
都係買個心安既野, 買完唔心安....我令願比貴少少~

[reflexboy]

如果一個星期只影一,兩次就放入防潮箱好d. 如果日日都用, 就唔需要!

[biblekwan]

哈哈, 如果日日用, 你間屋都應該整成防潮式~

有乜野人會日日用既....嗯...我知, 記者~
嗯...重有, 攝影帥~
嗯....重有....偷拍狂~
嗯....重有冇呢....好難諗.....呀, 龍友~
嗯...重有....記者(咪講左囉....)
呀, 重有, 好有錢既人
咁佢咁有錢,...買多個櫃黎放都要喇, 唔係咁大間屋幾時先放得曬野呀....

以上爛GAG ONLY

[Lesliechow]

多謝以上 大碗兄, JSmith兄, biblekwan兄, 所給予的意見, 小弟唔係咩有錢人, 不過可以算係愛惜物件的人, 我會買個防潮箱, 好好存放我的愛鏡, 呵呵...

大碗兄都講得岩, 6舊水, 支鏡mo左都唔止...
而且, 我家望海, 濕度都幾高

Thinkyou very much...

[Taikin]

你個家都望得海
就唔好慳果幾百蚊....


我用緊lock & lock +防潮珠...

[h0001244]

好慚愧，我窮
用防潮盒，每兩個month換防潮珠
防潮盒細少只夠放鏡加機
故 閃燈, 2X, 配件 等放tidy cat 貓沙桶內(都幾存氣because貓沙都怕受潮的)，每星期換上一份報紙吸溫
此法用上十年了
得閒用酒精清潔防潮盒膠邊

[chris053]

每2個月換一換防潮珠+每星期換上一份報紙吸溫
跟住仲要得閒用酒精清潔防潮盒膠邊

咁麻煩,又驚佢唔準搞到 d鏡死(發毛...)
用耐左d$$ 仲買過你買防潮箱la

咁不如買個防潮箱la - -''

[h0001244]

<<咁麻煩,又驚佢唔準搞到 d鏡死(發毛...)
用耐左d$$ 仲買過你買防潮箱la>>

其實都係呀，我都有意上防潮箱了，有無好介紹呀？
之前見討論過，一種抽濕，一種加熱，那類好呢？

[老叟]

口碑最好淨係得"收藏家"囉

[william_lau]

買個好D牌子，都係六、七舊水。 就算你日日影相，但你唔會日日都全部鏡帶晒出街架嘛，一定有D較為少用的鏡，防潮箱點都要買架喇。