[sakuraka]

話說新手，岩買第一部full frame機，咁係carousell 見到有po話【全新】24-105 f4L USM，諗住應該係水尾加上睇落外觀無咩問題，就約交收，出到黎認到佢係星際既hixxxx pro（光頭個個），當時睇完外觀無咩問題，影過無走焦就返屋企，因為忙，一直放防潮箱，今日出去試鏡，影完幾張發現光圈葉漏油，拎去比師博check話，變焦到105mm既時候，可以清楚見到鏡筒位置有漏油，原因是油唔靚遇熱就溶，而且鏡入面幾多塵（十幾粒），新鏡無乜機會咁既，唔似新似翻新鏡，之後同佢對質，佢又話唔負責，話新鏡唔包無塵，各種卸膊，我話專業既師博都話係翻新，唔通要我信一個買左一支又漏油、又多塵既全新鏡既你咩？當一次教訓囉。。。同想問下我可唔可以報海關？

[ivanivan2]

好多年無入嚟討論區，見到呢個POST忍唔住要分享下，好幾年前同朋友去買支fujifilm 18mm f2，上price睇完價見到星際一間水貨價唔錯就去睇下，去到發現係一間二手店，但佢標明話新貨就叫佢開一支嚟睇，支鏡鏡身第一眼望落去問題不大，但燈光下照一照支鏡入面就見到好多塵同埋鏡片無乜光澤，我就叫佢哥仔唔好玩啦，俾支二手鏡我，佢堅支話係新，但佢話唔緊要拎過支俾我，跟住開過第二支俾我地。。呢盒拎出嚟明顯唔同，第一，佢係要用界刀界貼紙封口先開到盒，第二，支鏡拎出嚟鏡身比之前嗰支"令"面，第三，照燈光下玻璃好清同埋無塵，跟住試完無問題俾錢走人，如果我朋友自己去買，佢可能已經俾人呃咗買咗第一支二手貨，因為佢新手唔識睇，而我自己係絕對唔會去星際呢類細鋪買鏡，包括所謂的全新水貨，但我朋友貪平無計。。我買機買鏡都只會去凶宅，百記，鬚０，肥花，天腸呢啲大鋪買，有時計埋信用咭回贈唔會貴得細鋪幾多而且係行貨。所以大家要小心，唔識睇最好去大鋪買，如果真係要去細鋪買，搵個識貨的朋友同你去睇，免招損失。