[DL16032002]

Bothers and Sisters

I have been playing photography for many years. I have a question.

When I use the external flash with my cameras. Even I use TTL mode or Manual mode, the ISO, shuttler, and Aperture will have changed. Why? How to calculate by the cameras??

For example, when switch off the external flash? the the setting is 60/1, F3.5, ISO500

However, when switch on the external flash. the setting will be change to ISO100 even I use TTL and M Mode. Why?

[九龍人]

可能冇開慢速閃燈,相機假設你只需要影到閃燈閃到的範圍.其實用閃燈的話建議唔好用半自動模式,因相機很易搞錯前後景曝光比例,用M mode鎖死環境曝光值,閃燈可以用M mode最好,否則用TTL看結果加減也可.

[DL16032002]

CHing 謝謝你的解答。其實TTL 是否靠不住？因為過往我用TTL 閃燈，成日都暴光過度，好難捉摸。

[九龍人]

TTL測光原理跟相機測現場光一樣,都係反射式測光,影深色物體會曝光過度,影淺色物體又會曝光不足.要預先判斷咗然後增減閃光補償,如果拍攝設定跟跟距離變化唔太大的話,我比較喜觀用手動輸出.

[小小生]

我從來唔用TTL,信唔過,反而以前的AUTO閃光燈更加準,當然如果你識用M係更好
所以我支SB-26用在現在,我覺得發明TTL係為左逼人買新燈和唔比你用其他廠燈>_<!

[DL16032002]

多謝各位師兄指導, 有一樣野我唔明白,

我相機用M MODE, 只用AUTO ISO
例如光圈和快門不變底下
當不用閃光燈時, ISO 是 500
但當我用閃光燈, 不論是TTL 還是M MODE, ISO 會自動轉了ISO100.

點解會咁? 相機係點樣計算??

請師兄指教一下.

[九龍人]

之前已經答咗你,某啲廠既自動閃燈模式係假設你只需要影到閃燈範圍覆蓋的地方,會盡量設定成不會手震的較高速快門例如1/60秒,低ISO例如100避免高雜訊.咁對新手來講未必係壞事,雖然背景會暗晒,但起碼主體夠光及低雜訊.反之用吸足現場光的設定,快門可能會過慢引致手震,高ISO多雜訊等.你只要開慢速閃燈相機就會知道要埋現場光.或直接自行設定ISO便可以.建議唔好太依賴自動ISO,我見好多人都係想搵一個黃金設定,部機一開機就係唔會手震既快門,最佳光圈,然後依賴自動ISO去調光暗,閃燈又TTL.然後當部相機係電話咁用.

[DL16032002]

Ching, 你意思快門，光圈，ISO，都係自定
連閃爍都係M mode, 對嗎

可否分享下你個setting 會點做？

[九龍人]

我會先唔開閃燈,自定光圈,快門及ISO影啱背景亮度.其實除咗要自己郁啲按鈕之外,同用半自動模式係冇分別的,相機一樣會測光顯示,如果用無反仲好,直情睇到實時效果,之後係開閃燈試影一張,再跟據經驗調節閃燈輸出.咁多步驟好似好麻煩,但換來係穏定.影出來實啱光暗,拍攝距離唔改的話,影幾多張都係一樣,用半自動模式又開閃燈,相機跟本唔知你想要點既前後景光線比例,光暗會好飄,就算就啱咗一張,下張構圖改小小又亂晒,反而仲慢.

[DL16032002]

明白了，不過如果影一d 場合例如婚禮，同一場合唔同地方光暗位都不同，但影婚禮過程反應要快，根本冇可能由頭再測光，如果係你，你會點做，請指教。

[九龍人]

越係百搭,越多依賴自動功能既方法係越方便,缺點就係變數大,穏定度低.乜都要靠自己操作既方法就相反.婚禮坦白講光暗變化唔算大,流程亦都係只有幾個位比較緊湊,最難搞都係新人入場只得射燈的場面.我意見其實係更加應該全手動.又點測光,又加減EV你估又會好快?仲要冒爆光或者黑晒既風險.至於熄晒燈既場合用自動模式分分鐘ISO標到12800.至於一般飲宴,敬酒等燈光變化都好細,事情有冇可能有時睇你夠唔夠熟練,自從有咗Liveview可以直接預覽光暗之後我未用過半自動模式,莫講話婚禮,就算舞台表演都係一樣.為咗唔會要做好極端設定,通常我會因應情況儲定多一至兩個自定模式在機頂轉盤位,例如一個應付光環境,一個應付暗環境,轉出來微調就可以用.