[wts310]

小弟多月前曾將在cs的經歷寫在網上名為尋塵記，今次小弟賣兩支鏡出去結果成了尋塵記續集。

話說上周約了個買家到旺角mtr，放一支nikkor魚眼鏡 and 騰龍a16

對話如下：

我：你check check支鏡有冇問題啦﹗
買：(先打開鏡頭蓋)嘩你支鏡咁污漕嘅!!又話九成新，你好粗用ga???
我：唔係ar!!!(接過支鏡看一看)，冇污漕ar!!!
買：(指住鏡面)你睇有幾粒塵wow!!!
我：(心諗：唔係wa，再看的確有幾粒小塵在鏡面)你有沒有泵，吹一足佢啦，一吹就甩ga，都唔係花。
買：(拿泵出來，噴兩噴，之後專心看了近三分鐘)um!!我都係見到好多塵wow!!!
我：(專心再望，真係看唔到).....um我真係睇唔到wow!!!
買：(手在袋拿野出來，我都知仆x!!最後真係電筒)
我：(趁佢未照之前馬上講)你用電筒照實有塵架wow!!!
買：(打開電筒照)咪係law，我都話你支鏡污漕，好彩照一照，如果唔係就真係中招!!
我：(佢講了呢句我真係火火地)咁算啦，你唔好要了，講真係點抹都會有塵。
買：um....一係咁啦平二百玩啦，你支鏡真係好殘。(問心我支鏡買了九個月，用過兩次)
我：不如咁一人讓一步，平一百俾你啦!!
買：(之後打開底的鏡頭蓋，望幾望拿出鏡頭筆)
我：喂!!!唔好用鏡頭筆抹鏡底(我一向唔like人用鏡頭筆抹鏡底，因為我覺得盡量唔抹為妙)，到時你唔要點算。
買：做咩唔俾我抹，你睇下好多塵下。
我：(心想仆x又多塵)你用泵吹沒有問題，用鏡頭筆就唔好喇。
買：(拿泵出來，噴兩噴)，喂你個鏡頭蓋花了，平多五十啦!!!
我：(極火)個蓋一定會花ga(個蓋是磨沙質地)，新買都唔可以唔花啦!!!
買：(個樣好唔滿意，再望望)個接環位又花左wow。
我：(你老x。)支鏡用過o個位一定花o架啦
買：算啦!!一口價4000元(我開4300)
我：你拿返支鏡來先。
買：唉你支鏡又花又多塵.......(下刪三百字，我正將鏡慢慢放入個套)
我：(佛都有火，都要x佢一鑊)唔買無錢就唔好玩野.....下刪三百字(我慢慢離開)

今次之後我發誓寧願送d鏡俾人，都唔拿出去放!!佢老x受氣不特止，仲要浪費的d時間!!!!

[ringomov]

你真係唔好彩遇到D擋新鏡買既人，我之前好好彩放過幾支D ching 都好好人.

萛吧！放鏡其實係好平常不是D事情，呢個唔岩米下一個 law ，不要為這種事情動怒。

[hon279973ww]

呢個世界乜Q傻人都有，幾支野買支鏡都咁煩，比佢買支新既小黑六埋成間舖既貨反轉，買鏡望幾眼己知掂唔掂架啦。

[wts310]

講真!!真係火火地!!佢根本就係想我平俾佢!!他x的在找借口!!

[hon279973ww]

唔使火埋收返當副鏡囉，多支唔多少支唔少，又唔係好阻地方。費事益的傻佬。

[howardshum]

其實想壓價咪直接d, 唔洗用呢d藉口做...

[madwithstocking]

Ching,

Totally agree with your action.
Dont sell to this kind of on9 guys.
If he wants a lens without "1" dust, ask him to move out from this Earth.

[PP518]

擺明係2手佬啦!!!

[DolphinYip]

咁挑剔做乜仲買二手野啫，低B！

[panpan2046]

我都試過放支24-85
個買家帶個驗屍官朋友黎CHECK,
支鏡只鏡帶過迪迪尼一次.
個驗屍官驗左支鏡差不多成半個鐘,用照電筒照到一粒好細既塵.
就話支鏡有塵,叫佢朋友買家 睇你買唔買啦~有塵!!.
最終買家都肯買,
買家爆佢朋友驗屍官 去買支24-70 足足試左2X支 先買到無塵
唔怪得NIKON咁多鏡有塵,原來都係多得班驗屍官.

[kazekyokawa]

有時真係覺得好奇怪...
完全冇塵 同 5粒塵以內的鏡相比,
影到出黎個效果其實係咪真係發現得到?

又或者佢地攞出黎影O個下, 其實鏡面都會買始有塵...
呢班人又會有咩野對策?

題外話, 小弟前排O係二手區入左支二手鏡,
出黎交收O個日我就咁睇下鏡面有冇裂紋花紋就算。
個賣家調返轉怕我未查清楚,
佢反而幫我CHECK返佢自己支鏡。Very Good!

[howardshum]

個賣家調返轉怕我未查清楚,
佢反而幫我CHECK返佢自己支鏡。Very Good!
-----------------------------------

呢d咪叫做好人囉...