[hlcmarco]

我已從西藏平安返港.
相片已整理妥當,並已放上Facebook內.
因為受到每本相簿相片的數量限制於最多200幅,所以劃分為九本相簿,每天一本.
故此,西藏九天遊_第一天至第九天(總數為1,327幅相片,當然有啲相簿係唔夠200幅啦.)
其實真正拍攝總數當然係不止之數啦.

都係唔鍾意放相上討論區,故各位師兄、師姐,

不 論 是 敵 是 友,

只要曾經有回覆過我在海螺溝旅行或西藏旅行的出貼者,
如蒙不棄,想睇下我啲粗製濫造嘅旅行生活相片的話,
可以給我訊息,內附上個人真實電郵地址,

免 費 電 郵 地 址 則 恕 不 接 受.

皆可收到我以真實電郵地址回覆,內附上9個Facebook相簿的連結,就可以直接到我的Facebook睇相.

希望各位師兄、師姐抱著平常心,唔好抱太高期望,相片只是普通旅行生活相,
平淡如水,絕對沒有半點令人驚喜之作.
預先聲明,不喜勿插.

在討論區的師兄、師姐,恕本人由於Facebook內,有太多個人及家人朋友的相片,
故不便加入各位師兄、師姐做朋友,懇請見諒!

至於眾多塘邊鶴和唯讀光碟機,則要再等下一次機會了.
至於臨急抱佛腳,立即回覆此貼者,亦要再等下一次機會了.

==================================================================================
去完西藏回來,頗有感觸.人的生存意義,確實值得我再重新去衡量及反思.
其實全個行程的評價,是:美景在途上;並不在景點.
少許高原效應,令我疲乏不堪,很累,至今還在適應之中.
政治氣份太濃,局勢令人不安,有點乏味.

一生人,曾經可以到過青藏高原一次,飽覽未曾想像過世上可以有如此的風光,確實不枉此生.
我會否再去,則要三思再三思了.

曾踏足過海拔五千公尺以上的岡巴拉山口,目睹羊卓雍措之美,總算不負此行.
五千公尺有幾高?你可以想想,以一樓層三公尺去計算,即係可以身處1,667樓的高度上.
全港最高的山峰大帽山只是957米,亦即是大帽山的五倍高度以上,
空氣稀薄,稍為行快一點,個頭立即就痛,呼吸亦見困難.
可能由於我背囊負磅的關係,一機,三鏡,一外閃,一部DC,一個潛水殼及小量必備品.

今回其實唔應該帶部D3s去,應該帶部D90,唔好加直度就會更好一點.
支24-70mm f/2.8都唔應該帶,應該帶支18-105重會舒服一點.
如果有支18-200,就真係帶一支算數好過.
真係好重,加上高原缺氧,拎得特別辛苦.

帶一機,要經常換鏡,好煩,心諗如果帶三機去就唔使咁麻煩,但係諗一層,真係隨時有生命危險.
反而部S90就真係好好用,記得要配潛水殼,在第八天晚上去成都寬窄巷子,
又黑,又下著大雨,幸好我素來有兩手準備,在大雨中拍攝,別有一番樂趣,切記帶多兩三包TEMPO紙巾喺身.
唔係用嚟抹身,而係用嚟抹潛水殼的鏡頭膠片.
唔好帶雨傘,但要帶雨衣,方便拍攝.

很累,還未適應過來,今晚要返夜,總之我收到訊息後,會儘快回覆,不再多寫,就此擱筆.

[hlcmarco]

西藏九天遊_第一天至第九天(總數為1,327幅相片)

110521_西藏九天遊_第一天_香港至成都熊貓基地(122幅相片)

110522_西藏九天遊_第二天_成都至青海省塔爾寺(101幅相片)

110523_西藏九天遊_第三天_西寧至青海湖(103幅相片)

110524_西藏九天遊_第四天_西寧清真寺至青藏列車(200幅相片)

110525_西藏九天遊_第五天_青藏高原至西藏拉薩市(200幅相片)

110526_西藏九天遊_第六天_布達拉宮和大昭寺(200幅相片)

110527_西藏九天遊_第七天_岡巴拉山口看羊卓雍措(200幅相片)

110528_西藏九天遊_第八天_拉薩貢嗄機場至成都(192幅相片)

110529_西藏九天遊_第九天_成都機場至香港(9幅相片)

[亞典波羅]

恭喜C hing 豐收滿載而歸.

[ricky-cncheung]

好,見識一下你的行程, 聽你說完,都要重新改慮,我帶什麼鏡去。

cheung@chungyat.com.hk

[hlcmarco]

ricky-cncheung師兄:
身份已核實,電郵已寄出.
歡迎你到我的Facebook參觀我的西藏九天遊.
多謝!

[hlcmarco]

亞典波羅師兄:
單機又點會有滿載而歸呢?換鏡都換到我手軟,重會氣束兼頭痛添.
係真正嘅頭痛,好煩.

有兩次重畀解放軍行埋嚟,要我立即刪掉剛剛拍攝的相片,極無奈.
我都有聽領隊和導遊的說話,千萬不要向著解放軍拍攝,否則絕對手尾長.
我都唔係對住佢哋嚟影,我只不過是對住個列車時刻表影咋,佢地都唔放過.

藏區內,全部寺院一入門口就嚴禁拍影,
導遊話除左會罰錢之外,唔係要你刪掉相片咁簡單,而係會充公你部相機添.....,問你怕唔怕?
罰錢係罰200元人民幣以上,咁即係幾多冇人知,錢財身外物,充公左部相機先至係大件事.
你估佢地唔知刪掉相片可以用救相軟件救得返咩!
佢哋唔止充公張記憶卡,佢哋怕你部相機有內置記憶體,所以連相機都充公埋,咁做真係幾絕!

太多制肘,很多顧慮,極掃興.

[亞典波羅]

>> 太多制肘,很多顧慮,極掃興

marco 兄, 起碼去過西藏同埋影到自己既野, 世事冇咁完美既.

[hlcmarco]

亞典波羅師兄:
我明白,世事係冇咁完美嘅,
布達拉宮內的佛像多不勝數,但係我純粹個人覺得,佢地啲佛像個個啲眼神有點妖異,
我感覺,可能有一天,個個佛像都會企起身,行出寺院,飛哂上天都未定.

絕對不像中國其他寺院或者香港啲佛像咁詳和,當你同藏區不準拍照的佛像有眼神接觸,
總有點令人不寒而慄的感覺.

可能我多心都未定.

我唔係做得虧心事多,喺香港或者其他地方,我喺完全冇呢種感覺的.

西藏人對外來人的眼神,都是不太友善,總之係怪怪的,非筆墨所能形容.

西藏,果然係一個奇特的地方.

[whispermakers]

睇完你d post都覺得好掃慶.
呢樣又唔比影, 果樣又唔比影. 佢地真係咁驚既話不如咪鬼比人入藏區把la!!!
佛像感覺唔同都好正常, 佛教到左中土漢化左之後當然形象都會有分別^^

[jordankclee]

jordankclee2002@yahoo.com.hk

thanks!

[winnwong]

pls check pm

[ssannwong]

平安返來就好~ ^^

Check pm for my email & facebook. 等睇相^^

[howardshum]

多謝你, hlcmarco 兄...

[hlcmarco]

jordankclee師兄:
真對不起!
你的身份經我搜尋過dcfever各討論區,未能符合下列條件:
《各位師兄、師姐,不論是敵是友,
只要曾經有回覆過我在海螺溝旅行或西藏旅行的出貼者,
如蒙不棄,想睇下我啲粗製濫造嘅旅行生活相片的話,
可以給我訊息,內附上個人真實電郵地址,
免 費 電 郵 地 址 則 恕 不 接 受.》

我已名言在先,
至於眾多塘邊鶴和唯讀光碟機,則要再等下一次機會了.
至於臨急抱佛腳,立即回覆此貼者,亦要再等下一次機會了.

在此只好向師兄再次說聲對不起!
至於未能與師兄分享攝影心得,實感遺憾.
下次再有機會旅行,一定會把旅行相片送給你觀看.
但我一定要收到你的真實電郵地址,
yahoo.com.hk為免費電郵地址,我郤恕不接受.
因為我是以真實電郵地址回覆各位師兄、師姐的,懇請見諒! .


winnwong師姐、ssannwong師兄:
電郵已發出,多謝抽空欣賞,謝謝!


howardshum師兄:
你畀面就真啦,唔使講多謝咁客氣.

[hlcmarco]

whispermakers師兄:
現在忙於趕住開車接太太下班,我陪太太飲完下午茶回來才回覆你.