[肥婆 pin]

各位師兄，小弟買咗部X-5長炮機，用咗兩個月發覺就算冇用過，只需12小時就冇晒四粒AA電，所以第二個月拎咗去維修中心。中心搞咗剛好一個月比返我，話換咗個有問題嘅底版。
取回後發覺電池只由12小時改為48小時就吸乾，但沒有太多時間再去，因維修中心的工作時間與自己的工作時間完全相同。
兩個月後終於請假一小時再去中心，個職員話：「上次已經換過底版，「應該」唔會架啦喎，你唔好「糾纏」喺冇電哩個問題上啦。」
我話：「我覺得唔係糾纏，有問題就要趁保養期內解決架啦！」
佢話：「你應該用三洋牌的充電池，其他牌子的會吸乾你，就算用一次性的都要用鋰電池！」
問題係我未聽過一定要用「三洋牌充電池」，其他牌子唔得。一次性鋰電池只係長壽啲，吸得耐啲，但解決唔到不正常耗電問題。
佢死死氣收咗部機.......三個星期，收到電話可以取回相機。
我又再請假去維修中心，由另一個職員同我講話換過底版，我話「先前已經換過一次喎」！佢話「係咩？」......
賓得相機我第一次選用，但以後都唔會再用，因為怕咗捷成洋行。