[Garykl]

請問電子防潮箱邊個牌子好及邊到買平呀？

[cheektam]

我用緊三個都係 收藏家 (台灣) 都用左超過六七年 . 買既時候問過一位做採訪攝影記者又係攝影發燒友的朋友 , 佢話佢經驗防潮箱真係一分錢一分貨 ,日本牌子 最穩定及安全 , 較次但都唔錯是台灣貨 , 最後才選大陸牌子 . 佢忡話你買個電子防潮箱都係想好好保護你的老婆家產(相機鏡頭底片) 價值不小 !有能力最好買靚野 , 好話唔好聽有乜事電路短路燒鬼左喊都無喟 !

我三個防潮箱差不多時間一齊買 , 唔知係唔係都係同一批貨 用左一年相繼都壞左 ! 但幫朋友買的其他三個(不同大細容量)又無事 ! 回代理修理 , 個老闆話係個電路板壞左 , 有兩個未過保養期唔收錢 , 另一個過了不久 收了半費 . 佢話叫我唔好將個電源熄吓著吓咁就好易撞壞個電子板 , 另外佢仲講俾我知電路板唔係貴 , 全個防潮箱最貴最值錢原來係裏面個D D 防潮珠 !!! 佢話D防潮珠同係街買個D 唔同 , 可以無限期咁重覆使用好貴架 , 叫我發生乜事都要記得留返D珠來維修如果唔係你買過個箱好過 !

換左電路板之後用左五年都未有壞過 !

[superbowiepo]

請問防潮箱內的濕度應該是多少？

[cheektam]

濕度愈低霉菌愈難生長 , 不過很多年前聽一位都幾有名的龍友師傅(其實佢真係我做機械仔時教過我後仲帶我入攝影會學影相架 ! ) 講過佢個人痛苦經歷 , 佢曾將大量防潮珠放入防潮箱內 , 以為咁夠晒乾燥就無死啦 ! 點佑因為太乾燥鏡頭的鍍漠咁就好快碎裂 , 佢話咁就整壞左好多支鏡( 佢玩rollei , contax 及蝦蘇 )攪到欲哭無淚 ! 我後來都唔記得幾時睇過一些資料講存放菲林底片時更要注意不能太過乾燥 , 又是會將膠片藥漠碎裂 !

我都問過幾位朋友各有說法 , 最後我將相機鏡頭 , 底片幻燈片和重要相片, 各分開存放在三個不同的電子防潮箱內 .放 鏡頭相機的防潮箱 set 左 40% , 放菲林底片及相的防潮箱 就 50% .

以上純個人意見未必正確 . 還需請各位大哥大姐俾意見 !