[kingkonghk]

路線: 屯門良景 -> 良田坳 -> 五渡水 -> 月牙谷 -> 青松紅壑 -> 大冷水 -> 花香爐頂 -> 龍鼓灘北朗

我唔係好有經驗，上次唔識路搵唔到入口而腰斬， 今次唔識路都要夾硬報仇， 結果行錯路4次， 白行左幾公里， 白上左幾百米， 白行左3個鐘， 全程用左6小時45分完成， 再次證實山上面方包夾午餐肉特別好食， 柴皮吞拿魚都清埋。 另外， 碎沙石地一路行一路PK， 行到隊友超級疲… 呢d路線除左體力， 腦力都唔 慳得， 要多次確認地點， 方向， 睇地圖， 山友標記， 每踏一步之前都要諗過， 再諗 下一步踏邊個位， 唔係平時行大徑體驗… 路過呀姐話齋， 條路唔係一般人行， 但我地以一般人身份完成。

今日見聞: 1.招財貓升左上神臺 2.斬草不除根， 春風吹又生 3.一條路線玩晒爆林， 浮沙， 溪澗， 過河， 迷路， 原來遊繩落山比想像中易 4.搵到個已爆炮彈 5.個人之力太渺少 6.差少少俾呀姐點左去下白泥 7.透明路牌搏人睇唔到 8.有市民霸佔土地耕種

*感謝紅色絲帶山友， 同埋地政署出版新界西北實體地圖。
**青山腹地冇手機訊號(緊急電話不能)， 漫遊都收唔到， 直頭係死位， 各位山友出發前記得講低路線俾家人知， 失蹤都有線索搵下。














http://a2.sphotos.ak.fbcdn.net/hphotos-ak-ash4/s720x720/407091_10150542604893994_661373993_8900783_152395532_n.jpg">