[robotech]

我於04年3月8日買左張 Lexa? 1G CF 40X，行貨，
原本冇諗住買呢隻牌子，不過當時周圍都冇 sandisk 1G CF，
而 Nikon 又話呢隻牌子夠快夠穩定，諗住都算大品牌，
應該都冇問題，買時我指定要行貨，寧願比多二百，
有行貨服務有壞咭時會冇咁煩，仲問過店員，行貨咭有五年保養，
有問題基本上一換一好方便，的確，好多品牌都係咁，
即時一換一，唔會有投訴。

05年2月頭我發現壞咭，放入 D70 只會現出 CHA 呢三個字，之後 hang 住影唔到，
我上網去 Lexa? 美國 website 有廿四小時 online CS，
講o左情況，個 CS 話我知我張咭係壞，叫我寄去美國換過張，
不過既然我張係行貨咭，當然去代理換最快最方便。

新年期間代理放長假，2月15日佢正常營業，我上到去，佢 check 完張咭後答我....
張咭壞左，要我放低一個月 !!! 我問佢，我張係行貨咭，點解 check 到壞唔可以即時一換一，
佢答我話佢地已經冇再做 Lexa? 香港代理，要換咭要拎返去 vendor 問下有冇貨先有得換，
我再問，咁即是即使我放低張咭一個月，結果都未必有貨？佢答我唔到！
於是我同佢講，咁你比 vendor 資料我，我直接搵佢唔係仲快仲方便？！
結果我拎到 Lexa? Hong Kong 電話同地址資料，返到屋企打比佢，
搵到一位姓劉員工，佢了解左我個問題後，佢話....
自上年七月後 Lexa? 香港代理公司已經由 Microwor?s 轉左做捷?洋行，
咁我問，我張咭係行貨咭，如果我拎齊單據去捷?佢認唔認數？
劉生答我：捷?唔會認數！！！
咁我即時串左佢一野：咁你地即是老昆我地銷費者啦！
佢話佢幫我跟進，轉頭再覆我，半粒鐘後，佢覆我，
話基本上 Microwor?s 公司係要幫我換咭o既，咁家陣佢地o既母公司？！會認頭，
我可以拎張咭上去呢間乜乜公司，就會有位曾先生幫我跟進....

於是我又打電話去呢間乜乜公司搵呢位曾先生，
問左地址（又係九龍灣！頂！一早話我知我唔使o徙車錢！）
再順口問佢有冇現貨可以換比我，免得我再新春行大運，呢位曾生答我，
要 check 過張咭先，如果真係壞，要放低大約兩個星期先有咭比我....!!!!!

我頂，咁同買其他品牌水貨有乜分別 !!!!!

2月16日我拎張咭去呢間乜乜公司，
上到去結果個 staff 係都話要留張咭兩個禮拜做檢查同維修，
我問佢點解其他公司行貨咭都係即時一換一，基本上我買咭時間舖都係咁講，
但結果係同買水貨冇分別，甚至我上網問過美國 Lexa? CS，
佢都只係答我叫我寄張咭比佢換，個 staff 答我...係囉，我地都要寄返去換丫嘛....!!!!!
我真係無話可說，再糾纏落去都冇意思。
佢話要拎埋 d 單入去影印低，佢臨行入去前我話得架喇，我會寫信去投訴，
佢聽到我話要投訴，竟然停步問我....你投訴係咪即是唔使整？
我即時眼都凸埋，唯一反應就係：o下？！

3月5日，兩個星期已過，打電話去問，結果....當然未有！
對方話 Lexa? HK 未比到咭佢地！我覺得 Lexa? 真係好唔掂！
之前 send email 去投訴，回應一段門面野，之後比左 Lexa? Japan 地址我，
話可以寄咭去日本換，又或者直接寄去美國換.....

3月8日再打去換咭公司問，結果...亦係未有！
於是打去 Lexa? HK 投訴，最可笑係對方將所有責任推晒比舊代理，
話果間公司有責任同你換，而且你家陣都拎左張咭去，你咪繼續等下囉。
真係令我好懷疑張咭面所印 logo 係 Microwor?s 而唔係 Lexa?！
佢地完全冇責任！我同佢講多兩講都覺得o徙氣，最後我講左句：咁唔使煩喇，
我會寫信去壹仔！之後收線費事糾纏！

整件事最令我反感o既係，點解 Lexa? HK 換代理後，舊代理公司原本所作出服務承諾就等於廢？！
咁如果佢地每年換一次代理，基本上所謂保養同保證，其實都只係廢話！

如果有朋友問我買邊隻品牌 CF 咭好，我一定唔會推介 Lexa?!!!

[heman1000]

完全同意你的意見，只希望你沒有資料遺失，我就非常之唔好彩，買左兩個星期唔夠，旅行五日後拍下300幾張相返家時先至壞，真想一手飛佢落街，一肚氣唔在講，重要承受家人的抱怨及冷語，真係見過鬼都怕黑，貼錢加送叉燒飯我都唔會再用Lexa? >_<

[Swansea]

乜堂堂一個美國(??)大牌子會搞到神憎鬼厭！？
代理要好好檢討！

[robotech]

今日3月16日，我張咭依然未有著落，我諗買水貨咭都應該收到咭，我仲要比四轉過海地鐵車錢，加埋成八十幾蚊，先可以換到我張咭，加埋買行貨時多付二百，買 Lexa? 行貨咭呢個教訓真係大，呢隻牌子我將會永世 black list 佢，即使將來買機時免費送，我都寧願加錢換走佢，呢間公司實在太差勁，壞咭已經唔掂，售後服務就更加垃圾！

[Swansea]

robotech：

如果可能的話，我建議你寫封英文信去佢總公司，仲要指明係有總裁收，將你所遭遇既一五一十講晒俾佢聽，睇下佢點回應你。

[Frankieychan]

Robotech,

I agree with what Swansea suggested.