[tedted]

在別的論壇睇到有人講執完既相拎去哂, 出黎效果係唔靚, 只係電腦睇先靚. 話最好都係原檔案交俾哂相店哂出黎效果係最好. 咁我想問下如果我想加下日期, crop相, 紅眼, 雜訊, 清淅度呢d普通野, 哂相店係唔會幫我做啦, 咁自己攪完哂出黎又話唔靚, 咁點算好?

其實係咪真係原檔案去哂係效果最好架? 可能我唔識睇, 我自己執過既相哂出黎又唔覺真係同電腦睇差好遠!

麻煩請師兄指點一下!

[Philippe]

點會呀,我覺得晒出來靚啲喎,解像度都高啲啦

[s178]

如果係ps既話.顏色設定唔好用sRGB.果D色只係比WEB用.最好轉用Adobe RGB(1998).同埋响曲線果度將黑場改為R20G20B20.白場R240G240B240.
灰場R128G128B128

[tedted]

我係用photoimpact的, 唔知可唔可以較RGB?!

仲想問下, 例如哂3R, 如果我把相調整成1500x1050象素, 哂出黎效果同原檔案(2048x1536 3百萬像)交去哂有冇分別呢? 抑或是1500x1050己經足夠, 再多的象素亦唔會靚d呢?

唔該師兄再幫幫忙解答小弟! Thanks~

[Philippe]

1500 x 1050己足夠.同完相有分別,因為你已經裁好相.唔會被意外裁去不想裁的地方.記住儲存時要用最低壓縮

[tedted]

明白了, 多謝指教, 即是再多的像素亦不會比1500 x 1050更好!

我平時儲存時都沒有壓縮的, 這樣做對嗎?
還有一個問題, 在"品質"一欄, 0~100該選值多小呢, 有看過說哂相一般最好係90或95, 這樣可以嗎?

[Philippe]

品質100%就即係最小壓縮.要最好的話品質揀100,不過可能唔多覺靚咗但file size就會大好多.

[tedted]

明白了, 多謝幫忙!

[Timson]

To Mr Philippe:
"晒出來靚啲喎,解像度都高啲啦" 有時靚唔靚是指color或sharp唔sharp定人什麼?如曷指color只要自己tune好color叫相店直出或要相店幫自己改?如是後者, 張相合唔合自己心水就好depend個店員功力和心機(當然個店員只能全張相整體去tune color, 光暗, sharpen..而不能部分去改). 如是前者自己adjust完所有後是應用sRGB color profile去save再去比人,因多時相店個部機平時係用sRBG去keep, 你比Adobe RGB, CYMK or 其他color profile, 人地邊得閒同你reset部機.
但如你是想自己adjust完後比相店直出, 你自己要先tune後自己部monitor d color 係真正RGB standard先, 如果你個mon係LCD就基本上唔好難tune除了你個LCD mon好Pro..例如Apple, EIZO..否則你自己睇d color都唔對比人直出相實唔match color.
另外, 現時相店99%以上都係300dpi, 所以理論上個mon睇係多數靚過睇相
And, 不論你比什麼解像相店,相店其實都能auto幫你adjust大小. 1500 x 1050 如他們不adjust應出5inch x 3.5 inch相 (1500/300dpi = 5 inch).
如有錯誤,煩請指正.

[Timson]

To Mr s178:
如自己去 adjust Adobe RGB standard, 會同全世界其他人用緊個Adobe RGB唔match. 你個setting "同埋响曲線果度將黑場改為R20G20B20.白場R240G240B240.灰場R128G128B128"會令黑場唔係純黑, 光部唔係純白. 其實你會唔會指用Adobe RGB color profile但自己個mon就用你所介紹的setting呢? 但有時個個人個mon都唔同.不能有一定之adjust setting.
如有錯誤,煩請指正.

[Timson]

To Mr tedted,
"最好都係原檔案交俾哂相店哂出黎效果係最好. 咁我想問下如果我想加下日期, crop相, 紅眼, 雜訊, 清淅度呢d普通野, 哂相店係唔會幫我做啦, 咁自己攪完哂出黎又話唔靚, 咁點算好?"

基本上店相只會幫你光暗,對比, 偏色,和有時清淅度, 其他你所要的都唔會幫. 人地收你個幾蚊好難同人客張張大adjust. 不過自adjust有自己樂趣, 真係幾過引, 同時好多會學到. 如想自己攪, 先tune好自己個mon d color, 再去幾個不同的相店試幾張直出之sample相, 記緊叫人話直出, 回來再set 個color profile比這些相店, o甘未match到自己個mon同張相d color law. 但另外要留意幾個相店出的sRGB color相都係唔同, Potomax 用Fuji機, Kodar 和愛黑發用自己公司. 個人比較鍾愛用Kodar.
如有錯誤,煩請指正.

[Philippe]

To Mr.Timson,我冇咁pro識得去tune準個mon.我用比較原始的方法,去死一間晒相店叫佢直出,晒一兩次翻來對翻個mon再用肉眼調翻個mon,我覺得再晒唔會同預期差好多.同埋我覺得唔駛咁認真的,肉眼睇覺得準咪得囉.始終相係俾肉眼睇.唔駛下下買件儀器翻來調.不過要做Job就要認真啲.
至於你話晒相得300dpi會冇喺mon睇咁靚我就唔係好理解.現今19吋以內的mon出得晒1500 x 1050的,恐怕一般人都買唔起.一個咁低解像度的畫面放到咁大.同一張出足1500 x 1050咁細size的3R相.我諗話後者解像度高都成立呱.

[Timson]

To Mr Philippe, 絕對同意. 事實上不論是用何種方法, 自己夾到自己整相時個樣同出相時差不多, ok就得. 但有時突然發現有其他相店好平想試試, 要突然夾一次color就會好煩. 所以如set file 用回standard RGB唔動而個mon就一個相店一個color profile就方便好多. 另外其實如不要太Pro, 是可以唔用機去tune color, 你install Photoshop 時會幫你install左個叫Adobe Gamma個program在控制台內. 跟instruction去tune就ok.
300dpi出mon比出相靚, 純基於個人意見, 我意思是如出相會出5 inch相(1500x1050), 但出mon如不zoom out是要好大個mon, 但同樣在出mon時把1500x1050 resolution photo 組professional program zoom out 到5 inch時, zoom out 壓縮時之方式和運算方法, 可自己選擇都最好display. 而不是相店部computer之auto運算方法可比. 情況如同一張bmp or RAW photo用同樣壓縮比例但不同program去save as jpeg file一樣, 個program會好影響. 再者, 張相在mon睇光位時個mon真係出光線發出光, 但光位在張相時只是白色或淺色, 人類只係用自己腦內之聯想特性好當相中之白色或淺色area係有光. 所以我就個人覺photo得出mon會比出相正.
如有錯誤,煩請指正.

[tedted]

我都好想學點樣調較個mon既color, 上網找到的有關教學幾乎全是用photoshop, 但我只有photoimpact, 沒有photoshop, 請問photoimpact可以做到嗎?

[Timson]

To Mr tedted, 最近行個書報, 見到本好似純講color management, 用中文和淺白文字, 幾十蚊本, 但我唔記左個書名. 可先去電腦場d書店see see. Photoimpact 我無用過, 所以我都唔知點set or 有無得set. 有時有d photo viewer program會用回自己build-in個set color profile. 例如我自己用ACDsee 6.0, d 相個color就唔同Photoshop 見個色. 但anyway, 自己試得多就知個program偏什麼色, 自己心中有數就得. 情況如我去愛黑發相店, 直出幾次d相都係偏紅, 最後未自已做到偏cyan / green去就law(如我無得選其他相點的話).
如有錯誤,煩請指正.