[呀超]

為什麼要上載作品給別人欣賞或批評?

絕對唔須要批評，只要指出有甚麼地方不太好即可！

反而一些獨孤一味話：好，靚，美圖，欣賞 ........等等，無甚意思 ！

[toby0601]

超兄: 我真係有時會話人地d圖好靚, 因為我唔識評, 目的只為鼓勵更多師兄post好相出來分享。而且小弟經驗淺, 又未懂如何表達, 只知那相片感覺很不錯。看來我要多加努力了。多謝超兄提醒。

[亞典波羅]

>> 反而一些獨孤一味話：好，靚，美圖，欣賞 ........等等，無甚意思 ！

大劑, 我所有的評語都係呢D >_<

[ks chung]

早幾年前買了本叫"拍照前先學會看",幾好! 你不會評別人拍的相好不好. 你怎樣知道自己這樣拍就是好呢?所以學會忠實地去評別人相,對別人對自己都有好處! 下次你按快門後,就可以試找過另一個好D的角度再影! 亦能叫自己不犯別人的毛病!

[呀超]

>> 反而一些獨孤一味話：好，靚，美圖，欣賞 ........等等，無甚意思 ！

大劑, 我所有的評語都係呢D >_<


哈哈哈！我好多時都係咁！ ^O^

應該要改改喇，唔好怕麻煩，加多兩隻字，OK ^_____^

[亞典波羅]

>> 加多兩隻字，OK

都係十個字之內, 不過都係離唔開個"好"同"靚"兩個字 XD

[element_2]

欣賞和評相係兩回事。

前者可以係單一原因，後者係帶有客觀理念分析的意味。

其實拎相出來評，某程度可以係代表發相者有奮鬥心，不過當然，唔拎出來評，淨係影好自己的相，一樣可以係有鬥心。

祇不過，自己影完之後，自己可能短時間察覺唔到個問題出晌邊，但透過評相活動，成長可能會快少。

但對於一些有強烈個人風格的人，或高水平的人，既比如有一定水平，想進而成為大師級的話，則網上評相，大體上就無乜幫助了。有效的方法，去比賽喇，或真係收人錢去影相，咁透過競爭和奬賞壓力去提升自己。

其實評人家的相並唔係咁易，透過評相活動，在評人家之餘，都可以是一種學習怎樣去觀察一張相和對待發帖人的美事。

[呀超]

>>>都係十個字之內, 不過都係離唔開個"好"同"靚"兩個字 XD

唔一定o既 ^___^

好似今日之 ( 今日之選 ) 我就加多 ( 線條優美 ) 4隻字，簡單點出靚在那裡。^O^

[sam1028]

element_2
講得好~~雖然比人狠批個心係會唔開心, 不過如果能從中發覺自己有什麼不足之處,再去改善,這才能力求完美, 才能創作出更好ga相^^

[pigpig2000]

其實評相果個嘅技術水平對於上載作品嘅人都好重要，有D真係費up得好緊要。

有聽過話｛唔識煮嘅都識得食｝，其實呢句野好有問題，基本上係人都識得食，擘開口塞入去有幾難；但懂得欣賞係別一回事。

隔離站照肺室可以見到好多咁嘅齋up大c，成日吹要點影點影，但係你絕對見唔到呢堆大c有任何一幅半幅相。

我已經好耐冇post去果到，因為用心評相嘅人真係寥寥可數。 <_<