Ernest
註冊: 2002-06-13
上載我的肖像
|
 想問各師兄為什麼會"爆"光? Post time: 8 月 14 日 |
|
|
想問師兄我喺晴天外拍,用F4光圈影人像,但因陰影太多,所以用外閃補光,但問題來了,我已用閃光補償-3,但出來嘅相仲係"爆"灑光,要用F8先有番正常暴光,咁如果我想淺景深又要補光咁應點做?
p.s.因得一人不可能用反光板, 同埋用Av加外閃時快門只能在1/60-1/250間,唔通一定要用M?
唔該
|
|
九龍人
註冊: 2010-04-16
上載我的肖像
|
| Re: 想問各師兄為什麼會"爆"光? Post time: 8 月 14 日 |
|
|
會爆光主要是白天光線充足,再用大光圈影就會令快門速度好高,而單鏡機由於係用機械式快門,速度始終有限制,冇可能快到過千份一秒咁勁.所以有時前簾快門都未行晒,後簾快門已經要跟住關,這時夾硬用閃光燈的話,由於畫面始終冇全部打開過,咁就會有一部份照唔到而變咗黑畫面,所以單鏡機都有一個最高速同步快門的,即係在呢個快門速度下,畫面係會有時間係全部打開,通常在1/200秒至1/250秒左右.
所以一開閃燈影,相機就會限制住快門唔可以高過呢個速度,你會發覺就算光圈值唔同咗,快門都係一樣咁慢,咁自然就會曝光過度,即使用M mode都係無補於事的.
你可以試下用快門先決或者Mode將快門設定在呢個速度,咁就會搵到你最大可以用的光圈值,就算用最低iso,通常光圈都會變得好細而做唔到淺景深的,而另一個問題就係閃燈會好吃力,打遠啲都唔得.
要解決有兩個方法,第一係買有高速同步的外閃,佢會用頻閃的方式去延長閃燈發光時間,即使畫面不是全打開也不會有黑影,但由於要閃好多次,閃燈火力會更弱.快門越快火力越弱.
另一個方法係加減光鏡,那麼即使用大光圈,快門也可以維持在同步快門內,不過減光鏡減自然光之餘一樣會減埋閃光燈既光,所以在太陽下其實閃光燈是頗吃力的.想增加火力可以用離機方式將閃燈擺前一點.有小小幫助.
|
|
