[AAC]

用Nikon 105mm 手動對焦拍花/蜜蜂微距，但成功率不到50%，經常走焦，甚至不動的花草也如是，手持對好焦後，小小移動，馬上走焦，需要花很多時間來固定焦距，非常氣釹，各位微距專家，可以指教拍攝貼士嗎 ？

[kingkonghk]

放棄用af同埋防震, 呢2個功能對微距可以講係冇作用, 練手動對焦同埋手定會比較有幫助. 影得多就得

另外, 收光圈去f9左右, 會有助增加景深範圍, 唔夠光就加iso補返

[九龍人]

真係影得大的話,AF係好唔可靠的.不過要放棄防震就有點莫名其妙,你已經係手動對焦,問題就應該係姿勢不穏,光圈太大或者快門太慢.105mm咁短焦距又有防震快門慢小小都得,有利收光圈增加景深,應該好好用先係.但正因為焦距短,好多時要烏前取景.好多人一烏前個架式就散晒.影微距係冇普通題材咁輕鬆,幾時都要搵嘢借力保持身體穏定,乜都冇可以試吓蹲下用雙腳借力,高角度時就將相機放喺塊面度等等,就算乜都冇手肘都唔可以離開身體.
對焦也有技巧,由於個人會郁,呢頭對啱嗰頭又郁咗就會失焦,可以試吓唔好同時做兩個動作,即係又扭動對焦環,又要控定個人.而係扭對焦環對到九成,然後移個頭去對焦,咁會集中好多.
光線再差就要用單腳,三腳,當然換來就係機動性降低.又或者用閃光燈自制光源.控制得好其實都可以好自然的.

[look_yau]

落腳架

[kingkonghk]

SORRY, 唔用防震只係個人見解, 冇科學數據支持

事關我影親微距都係OFF左防震會有比較滿意效果

[AAC]

" 對焦也有技巧,由於個人會郁,呢頭對啱嗰頭又郁咗就會失焦"

大部份都係呢個問題，尤其係"對"到好埋個種，攪到成頭大汗都影唔清隻蝴蝶，兩下就飛走埋，真佩服人地影花草蟲蟻都咁清楚。

[KIH]

各位ching都提了很多好意见，有一點可能有幫助，用af時多留意對焦點的設定，不要用死中心一點。

[hon279973ww]

MARCO鏡本身失光係好嚴重,特別係貼到埋1:1放大率時,仲要收細光圈等景深范圍闊的,此時用AF极難對到焦,除非你离遠的囉,咁入光量就正常翻,當普通鏡咁用AF對焦就好容易,根本影微距手動係最好既選擇,練多囉。

[九龍人]

仲有AF係影唔到1:1的,因為相機必需在最近對焦距離,對焦環跟本冇得郁.

[CHERRIE777]

Ching 我都有你以上問題, 經常失焦, 唯有用腳架成功率増加80%, 不過都唔是想像中咁容易

[AAC]

多謝指教，似乎除了練習、再練習，都別無他法。

[九龍人]

其實唔係一句用腳架就解決到問題咁單純的,即使目標物絶對合作,唔拍你喺側邊用腳架搞來搞去.依然有好多問題要面對.首先就係腳架啲腳好易就會頂住你,尤其105mm咁短,前面係實力位都仲可以縮腳管去就,係草堆或者水邊根本就埋唔到去,打橫伸條中軸出來嗰啲又唔多夠力.所以長焦距係會彈性比較大的.
另外一般波頭其實係唔適合影微距的.一鎖緊個構圖已經變晒.又冇得將部相機前後移動,只適合影細啲再crop來構圖.真正要微調構圖就要買齒輪頭同路軸雲台,又重又貴,要幾發燒吓先會玩.

[lokism3]

Wind, it will move the flower,
put a faster shutter speed when necessary.

[hon279973ww]

落腳架影花就得,的敏感既蟲甚至抖氣大聲的都走埋,不過有時用下單腳架傍下都有的作用,其實都係練多的手動,設定一個安全快門例如你支105,咁埋設定快門1/125或1/160,同設定一個足夠景深光圈例如8. 9 .10, 再配合ISO幾多個人決定400又得600又得,睇部機個測光錶自己黎組合,加埋閃光燈成功率大曾。

[kingkonghk]

我唔建議用閃燈， 可免則免