[AAC]

請問法律上，是否在香港公共埸所拍攝不認識的人（不論年紀），都係合法？
公共埸所是否包括商場、酒樓、公共交通工具，以及商店？我擔心在公園偷拍小朋友玩樂時，會觸犯有關法例。

[亞典波羅]

理論上好似有.

[aeiouqqb]

呢個問題要分幾個層面去討論。
在法律層面，有好多地方係明文禁止拍攝，如醫院，法庭等。
另外係無禁止拍攝嘅地方，亦有些限制。如果滋擾到他人，阻礙到他人或行動令到他人不安如拍裙底，亦會犯法。

再落去，就算唔犯法，亦唔代表無禮貌上道德上問題。
例如當街了鼻屎，唔犯法，但就會嘔心。
街上大聲罵父母，亦唔犯法，但就好賤格，亦可能引人犯法打你一鑊。

再之後相片用途有否引起私隱權及版權問題亦要考慮。

最基本要互相尊重，影人時，反過來諗下如果自己或家人被影，自己能否接受。

[AAC]

我係幫非牟利社團做newsletter，有時需要一些街照插圖，例如兒童在太古城流冰場內玩耍等等，但未100%肯定假如放在web site 或月刊上，會否有問題。當然得相中人書面同意就最理想，但咁做就更多麻煩，所以有此一問。

[亞典波羅]

OK, 咁可以照做.

[aeiouqqb]

凡事亦無需睇得太極端，合情合理嗟。

有D極端到街邊隨拍影到路人都話甚麼侵犯人權肖像權，咁就唔合理。
唔通旅行去到景點要清晒場影唔到其他人先可以影相。
新聞咪只可以用口齋up。

八個字：互相尊重，合情合理

[AAC]

我都好驚突然有個黑影彈出黎，抬走我個隻 :(

[pongyee]

>> 例如兒童在太古城流冰場內玩耍等等

試過俾保安阻止拍攝。

[aeiouqqb]

在私人管理嘅地方，管理人員亦可作出一些規定，
未必合你意。
例如有些高級餐廳必須打呔先可入內，唔接受咪唔去，
唔使好似黑社會靠大聲靠惡去挑戰。

[kingkonghk]

如有職員叫唔好影， 就唔好夾硬來

有次去非政府管理沙灘， 影小朋友， 家長見到大叫唔好影， 幾唔好意思呀

[pongyee]

>> 例如有些高級餐廳必須打呔先可入內，唔接受咪唔去，

我唔明典解唔展示告示，避免不必要爭拗，咁可以事先決定接唔接受。

但係你話完全唔俾影咩，佢又唔係，我入咗閘後影，溜冰場拍照內就冇人干涉。


>> 在私人管理嘅地方，管理人員亦可作出一些規定，未必合你意。

唔好講到我以為自己大哂，同d 小職員嘈係永遠冇結果ge，慳返啖氣好過。

維園係咪公眾地方？我試過影video 俾管理員叫我去申請拍攝。
　

[kingkonghk]

職員都係打份工， 驚咩鑊o者， 大熱天時仲行埋來叫你申請， 我睬你都3g, 座下唔好

[pongyee]

我係幫非牟利社團做newsletter，有時需要一些街照插圖，例如兒童在太古城流冰場內玩耍等等，但未100%肯定假如放在web site 或月刊上，會否有問題。當然得相中人書面同意就最理想，但咁做就更多麻煩，所以有此一問。

=======================================================

一般來說，用wide shot，冇特定主角，就算有人告都告唔入。

有個意大利球迷，俾電視台影咗佢在球場內的誇張動作，於轉播球賽時作為開場片段之一，播咗幾年，令佢成為友儕之間的笑柄，於是訴諸法庭，獲得賠償。

　

[vickyskkan1968]

香港無俏像權法例,不過如果用影相之理由而做出其他行為就犯法,例如偷拍如厠,或j阻街,如身在私人地方所拍之照片,主人有權去法庭伸請禁止你作商業用途.但如你身在公衆地方,就很難伸請禁止.

[vickyskkan1968]

香港同外國之民事法不盡相同,否則記者(狗仔隊),早就玩完哪,只要心正,就放心影吧.