[AAC]

HDR處理過的照片，非常吸引，但有點唔真實。HDR的處理程式，一般都要求3-5張不同曝光的照片來合成，如此一來，好似同攝影藝術的方向有矛盾，從前攝影大師的作品，都沒有用ps執相，更無HDR處理，原汁原味，那麼，用HDR處理過，是否應該不屬於藝術的範疇 ？只能當一件電腦設計產品，例如海報，廣告banner？我攪唔清，請達人指教。

[aeiouqqb]

世上本無事，庸人自擾之。

呢個世界本身係彩色，咁黑白相係加工定反映真實？

再極端d，世界係立體，相片只係2D。

咁係歪曲現實，定係創作藝術。

靚相，要自己鍾意。同時間令到其他人都鍾意就更好。
但一定唔會令每個人都滿意。

[micros]

>HDR處理過的照片，非常吸引，但有點唔真實。HDR的處理程式，一般都要求3-5張不同曝光的照片來合成，如此一來，好似同攝影藝術的方向有矛盾

思考有沒有矛盾前﹐究竟攝影藝術的方向是甚麼﹖


>從前攝影大師的作品，都沒有用ps執相，更無HDR處理，原汁原味，

沒有所謂的原汁原味。
以住的攝影師亦會後製﹐令成品合乎自己所想。


>那麼，用HDR處理過，是否應該不屬於藝術的範疇 ？只能當一件電腦設計產品，例如海報，廣告banner？我攪唔清，請達人指教。

不用搞清楚。
甚麼是藝術﹖
作品必要是藝術﹖
不是藝術又有何結果﹖
自己開心﹐做到心中所想﹐夠。

[AAC]

言之有理 !
可唔可以咁講 : 以前見到一張靚相, 會讚賞攝影師的技術, 但現在可能覺得只係後製技術好, 同攝影技術和創作的關係不大 ? 會唔會質疑攝影師的技術 ? 即如以前見到靚女會欣賞天生麗質, 依家可能會先質疑是否去韓國執過 ?
又或者咁講, 作為商業作品, 大量後製是無可厚非, 因為係為商業目的來服務, 但作為藝術創作, 多影幾張不同級數嚗光, 再以HDR軟件合成, 咁算唔算係攝影技術 ?

[jazyee]

你真的懂藝術嗎？

已前攝影大師玩好多黑房技術你又知5知？？？

[yung2]

張相最終出來靚, 首先都要先天影得靚, 亦都需要技術,

唔可以因為人地有合成就當人地無技術, 要分配邊樣用影好d,

邊樣要電腦做好d, 呢d所需o既知識同技術比單純的攝影創作其實更多!



藝術創作就係可以天馬行空, 無所不用其技, 電腦合成也只係其中一環.



HDR處理是一種簡單的合成技術, 影齊d相,

開個photoshop出來做完個步驟就等load張相出來, 後製技術含量低.



HDR只係現代攝影中的其中一個後制技巧,

張相藝唔藝術要睇作者點影同讀者點睇.



另外菲林相都唔一定原汁原味, 生活化一d, 同一張底片, 拎去唔同沖晒公司,

出來d色水對比都可以差很大, d相晒得靚唔靚都要睇個師傅同d材料.

以前d黑白相年代d人玩key相執相已經玩得好勁架啦, 唔係邊有咁多靈異照~

[Trilithon]

很多初接觸攝影朋友的主流心態, 堅持原汁原味.

執相的空間非常廣, 可以只是裁相, 調節光暗............甚至改頭換面.
攝影師可以完全掌握其程度, 要原汁原味或改頭換面, 都是攝影師的作品.

若有天, 某老闆聘你拍攝,
"我只要相片自自然然便是了,"
"那我交原汁原味的相便是了,"

老闆看過你的相好滿意
"影得好, 再幫我拍多次, 今次我要改頭換面."
"我只拍原汁原味的, 改頭換面的我不拍."
"何解不拍? 酬金不夠嗎? 任由你報價"
"因為, 我不懂Photoshop."

甚麼"堅持原汁原味"都是借口, 懂Photoshop而不執相的人,可以講原汁原味,
否則, 說穿了就是不懂Photoshop而又不願學. 踩低執相的, 原汁原味的不會清高咗. 懂執相不一定要改頭換面, 我看作是:" 把相片更優化."

樓主懂Photoshop嗎?

至作為藝術創作, 那會有原汁原味的? 過期菲林, 谷沖, 過曝, 重曝,............黑房內的招式多不勝數.

講到最後, 不論執相與否, 拍好張素材先. 那不是攝影是甚麼?
宮崎駿的才不是攝影.

[AAC]

哈哈, 明白晒.
廿幾年前在家中黑房, 用企鵝放大機, 柏得信沖菲林架生, 又玩中途嚗光, 搞到間屋酸晒, 好似製毒中心.結果俾老頭子下禁制令.

其實我係想買HDR plug-in 去PS CS5, 只係內心有些掙扎, 搞唔清後製被接受的程度, 因為世人見靚相, 就讚技術好, 但知道後製後, 又話我整容, 況且有些攝影比賽, 好似唔接受後製, 所以腦交戰.

多謝各位指導.

[jazyee]

你自己都玩後製玩左廿9幾年啦

玩人咩............

[yung2]

我對HDR的感覺，偶有一張係幾好睇，

但睇得多真係好悶，就算啲相影不同環境或題材，

睇上去張張感覺都係差唔多，亦破壞晒原本光與影所構成的氣氛~

[AAC]

剛剛從facebook 看到呢段, 看來還是有唔少討論 :

http://www.photoblog.hk/wordpress/32443/%E6%B7%BA%E8%AB%87%E6%96%B0%E8%81%9E%E6%94%9D%E5%BD%B1%EF%BC%88%E5%9B%9B%EF%BC%89-%E5%9A%B4%E7%A6%81hdr

[AAC]

"你自己都玩後製玩左廿9幾年啦

玩人咩............"

絕無此意, 正因為覺得後製好似同攝影關係有點疏離, 有如影得唔好時, 就要靠後製去執掂佢, 開始思覺失調, 所以向大家請教.

[micros]

咁新聞攝影又係另一回事﹐畫面o既「真實性」相對要求更高。
從傳統o既角度睇﹐hdr 係違規﹐特別係呢個例子﹐飛機同其他景色並唔係出現係同一時空下。

對於一o的無時間性r﹐純粹為增加細節o既呈現o既hdr﹐爭議性就無咁大。
有時 dhr 反而比單之曝光更接近人o既視覺。

[jazyee]

2 前D大師玩黑房後製,玩到出神入化...............噤....算點？
2 前得而加5 得？？？

[小野麗莎]

構圖, 打燈無得後製, 就是要技術

後製, 是令作品有你自己要求的color而已