[lamcircle]

無論你收幾錢，既然接咗來做，就要做到最好，要對得住人哋，更加要對得住自己。攝影師應該係一個有修養嘅專業，如果唔係你永遠都唔會影到一張有水準嘅相片！

[patrickyellow]

上年度都蝕死好多攝影，早幾年，結合人數比正常多，好易夾到多一兩pair客，咁一份成本，可以攤分比兩三pair客，但係2014結婚人數大減，泥鯭的唔再work，部分退訂比客人嘔番單job出泥，部分好似樓主遇到嘅，硬食。
其實婚宴攝影行內都知，咩十大吖，出得廣告多，就自然被封，我記得，讀攝影時，導師講過，香港攝影師公會係冇婚禮攝影師，當時唔明白，而家明白晒，冇門檻。
香港地，空間太陜窄，香港人，設計上，好多都比生活空間限制咗，難得去到地球最下端，視野依然擴闊唔到，天大地大，竟然用馬同馬車，夾住對主體，仲要影到咁窄，影多啲唔同焦距裁位，唔使死掛？飛燈入咗鏡，問題唔太，Ps CS5或之後版本，成個人執走，都唔太難，不過支燈咁遠，又冇reflector，究竟打咩？光嘅質感肯定太硬，仲中得頭中唔到腳！光位同環境光配唔配合？我知道有攝影師留意到，不過礙於成本問題，都懶得理，打光塊面就算，因為咁做，已經同冇燈冇後期，完全不同，對於唔太識睇相嘅客人，已經有驚喜。

[lamcircle]

如果個攝影師冇本事，影唔到靚相，咁就係呃人錢！如果個攝影師有本事影到靚相，但因為無錢賺，所以就求其影啲相俾人哋，咁就係個攝影師人格嘅問題！

[patrickyellow]

咁又啱，不過我諗，又未至到人格嘅，2014年行內仲憧景住一兩年前個旺市，好多諗住至多咪硬食一兩單，冇咁唔好彩嘅！
明碼實價收唔到客，海外婚紗攝影package演變成鉤泥鯭形式，又未嘗行不通，不過就真係要睇市道！
但係基於結婚人數少咗好多，爛頭爛尾爛中間，乜都有。我收過兩對客，一對被退訂，因為到期前三日，冇影師喎，於是自己硬食兩張機票酒店，飛咗去玩，番泥揾到我，又飛多次。另一對一月中北海道，自己出晒機票酒店，因為成本高，天氣不穩定，泥鯭價就根本唔會有人接，因為接多一pair嘅機會係零。

[lamcircle]

當然最好就係你開心時我又開心，但如果你自己唔開心，就要其他人陪你一齊唔開心，何必呢！如果你開間餐廳生意唔好，唔通你就要毒死人咩。你釣唔到魚都唔需要污染個海麻！做人千祈唔好損人利己，更加唔好害己害人。

[patrickyellow]

佢地咪就係咁，真係好彩唔係開食肆，諗住都唔會幫襯第二次，久不久毒死一pair，對佢地泥講，冇乜損失。
跟早前萬五蚊，律師都包埋果單嘢咁，差不多！有光棍佬，就有冇皮柴。
呢個topic，樓主週圍post佢遭遇，點慘點慘，而家自己都潛埋水，結果，影相果個，咪又過圍，繼續十大～

[ChiuChiu1970]

好奇上網以這位"香港十大攝影師"的名字Google一下，竟然出現多篇不同的新人幫趁完這位攝影師之後大吐苦水的文章..............

[patrickyellow]

因為佢地以為自己夠精明，唔會係被騙到嘅一對！

早幾年，我都有啲package嘅leaflet响舗面派，不過發覺好大部份都係算著數，寫咗包啲乜就，就搵啲冇寫嘅問你包唔包，A，B，C，D，E，F，G公司有喎，你唔包㗎！

講番啲十大，唔同網站，唔同雜誌，有唔同十大，邊個評䆺，憑咩釐定？join你選出泥果個，有咩保障？衰咗你有冇得賠？根本就冇一個有說服力。

[lamcircle]

個問題就應該係出咗係攝影師唔係老闆上！老闆要賺錢，但攝影師就得唔到應得嘅報酬！其實喺美國攝影師係一份相當高尚嘅職業，相比起香港，攝影師其實真係冇乜地位！如果老闆願意比$20,000至$30,000去請一個攝影師，質素應該有個保證，但係有時出面一啲大公司只會請一個$1,000至$2,000/job嘅散工!

如果有一個網站可以公平咁對婚紗/婚禮攝影師作出一個評分，顧客可以自己選擇喜愛的攝影師，再由專業人士去對相片作出評分，而去判斷收費與相片質素及服務是否合理。如果呢個網站能夠成功，對攝影師與顧客都係一個雙贏嘅途徑，當然個網站唔可以牟取暴利，而增加左攝影師同顧客嘅成本。

1）令到攝影師可以自己做老闆
2）令到顧客可以得到一個適當嘅選擇
3）令婚紗/婚禮攝影師行業走上正常軌道
4）團結攝影師及提升攝影師服務水準

[Jeff Chan]

問題可能只係好簡單，只係供求失衡。

[patrickyellow]

但始終都唔會有咩大作用，如果真係咁嚴謹，價錢一定得一種。如果評分唔合格，咁點算好？唔比佢撈牙？

其實而家問題係，比錢果啲人，唔知點解解會覺得，個package價錢，仲低過成本嘅，先叫合理！賬面根本冇錢賺。

如果係外判，仲可以博個攝影師新紥又有番咁上下技術，諗住用心影番輯(主角當然要係公認嘅俊男美女)，留泥佢自己做portfolio。

但如果自己係老闆，單嘢唔出事至怪，除非佢叫你地，加乜加物都say yes啦！

樓上呀1970師兄提一提，我又Google咗一下，有個個案，同一被點名，遭遇跟樓主差不多，可見呢位阿先生，工作手法都⋯⋯

[ChiuChiu1970]

嘗試用Google或者Yahoo以"香港十大攝影師"或者"香港十大婚禮攝影師"搜尋，竟然找不到上述攝影師的名字，所謂十大，從何說起？會不會是鴨寮街十大？或者豉油街十大之類？又或者是一個我們不熟悉的某個地方十大？

[patrickyellow]

www.weddinghk.hk › ... › Creative {10} Photographer

[patrickyellow]

更正：

樓主付接近三萬，原來佢响另一個網站提過，呀攝影師話佢有其他客人join去澳洲影，機票已被瓜分，所以咁平！

http://wedding.sortviews.com/ShopDetails.aspx?Category=1&Shop=1211

[ChiuChiu1970]

>>>>www.weddinghk.hk › ... › Creative {10} Photographer

原來只係一間商業宣傳網站"揀選"出嚟的各款十大，但睇晒所有十大都唔發覺上述婚攝大師的名字存在，唔知係咪欠交"會費"呢？