FUJINON XF 10-24mm F4 R OIS WR

1) 以超廣角嚟講呢支鏡真係好輕
2) 一支咁輕嘅鏡頭仲要有埋防震
※ WR 再加埋防震嘅鏡頭都係三百幾gram
3) 再者就係以一支超廣角嚟講， 都唔好講full frame啦 , aps-c就係aps-c , 單係以a psc既基準嚟講 , 呢支 10-24 都係算細支
※ 不包含遮光罩嘅情況之下

4) 造功相當唔錯 ， 感覺相當紮實同金屬感好重， 第二啲唔係以aps-c為主嘅品牌， 呢個 範疇只有啲入門樣嘅膠鏡

5) 配合X-S10使用， 拍片時 防震 效果相當明顯， 我企響渡海小輪邊，拍維港黃昏， 架渡海小輪 一路行一路上上落落咁， 但畫面睇落完全冇起伏👍

總之就係細支同輕， 實用性相當高 😎

光圈4~5.6時四條邊位， 由邊緣起向入數大概10%嘅範圍係比較鬆散， 收到7.1起 開始有改善

建議使用此鏡嘅朋友關閉機身入面鏡頭矯正嘅功能， 因為佢個矯正功能會拉闊左左右兩邊 ， 抵消咗支鏡頭本來嘅桶狀變形 ， 但係就係因為左右兩邊嘅線條被扯闊同拉直咗， 所以睇落先至會比較鬆散 , 同埋有啲本來喺vf入面睇到嘅景物會因為拉直咗個畫面已出咗鏡

簡單舉個例就係， 如果唔關閉鏡頭矯正功能， 譬如我幫我個朋友影相直到相， 隻腳明明店住個畫框， 但係出到嚟張jpeg會冇咗隻腳， 得返小腿。

當我將啲相放返落電腦睇，用LR 還原返未矯正時嘅畫面時， 睇落啲邊位就實番啲， 但係就有少少桶狀變形囉 。

不過老老實實正常人影相都唔會將個主體擺到去邊緣位置㗎喇 ， 所以雖然支鏡頭只有中央大概七至八成嘅位置利嘅， 但係喺呢個範圍入面就真係利嘅，所以So far我係收貨嘅，以水貨價黎講😂

最後就係點解選擇新呢支唔選擇舊嗰支， 原因就係新嗰啲輕啲，同有WR , 唯一唔好嘅地方就係冇咗個防震開關掣， 喺兩個優點大於一個缺點嘅情況底下， 所以我揀咗新嗰支

同埋我本人影相就鍾意邊行邊影 , 極少時間會set腳架 , 所以防震基本上都係開住 , 冇咗粒掣唔緊要啦😅

同埋雖然支新鏡唔單只係數字上比舊嗰支輕咗 35 gram ， 舊嗰支攞上手硬係覺得有啲墜頭 ， i mean係就咁將支鏡頭放喺手掌上面 ，而新支鏡嘅外型唔同咗…… 成支鏡頭直身咗， 所以唔單純係輕咗嗰幾十gram， 連墜頭嗰個感覺都冇埋， 所以感覺更加輕。👍

喺兩支鏡頭嘅水貨價只係相差幾百蚊嘅情況底下 ， 所以我選擇呢支新版

Ok開心使用中😃
點解用水貨價做比較？ 點解買水貨？
富士用家心照啦……