優點:
- Sharp大家都知, 但未必知佢係DxoMark排頭幾位, 而且佢係sharp得來有柔和感, 加上全開光圈下sharp既範圍亦夠闊
- 靚色, 明顯同Sony鏡唔同。其實蔡司鏡都唔一定枝枝有靚色, 有D鏡都幾平庸下, 尤其變焦果D, 但這枝係絕對屬於高水準, 個人覺得比GM色水更好。而它是屬於高對比風格那種, 深色位置的顏色會很突出。
- 散景順滑柔和, 雖有些洋蔥圈, 但奶油感亦十足
- 手感正, 造形靚仔
- 同24定焦是最佳組合,連同APSC mode使用,兩枝已能覆蓋標準鏡範圍,兼比變焦更輕便、有更高畫質、更大光圈。24-70/2.8係我眼中除左方便唔使換鏡之外(例如要開工搵食), 基本上價值甚低
缺點:
- 都係全開光圈下暗角果D,大部份鏡頭都會有, 佢唔算嚴重
- 用在舊款機身時對焦會慢,但三代開始已問題不大, 我在室內用AF-C影細路都完全應付到
評價:
個人覺得呢枝係每個Sony用家點都要玩下既鏡頭, 就算唔係長期持有。
用了兩年, 一直想同佢平反一下。好多人話佢貴, 好似係, 但佢俾到你既野係絕對值,當你見到新果枝35/1.8賣差不多價錢既時候, 就唔會再覺得55貴, 因為呢枝完全係另一個級別既鏡頭。
另外要留意個定位。高皆定焦鏡通常光圈1.4/1.2, 畫質當然好,但價錢也上萬,重量體積也不小; 相反入門級的1.8價錢雖然平, 但也別期望甚麼色水、散景、性能。這枝鏡特別在以"略小"的光圈, 做出高皆的畫質,以配合無反的輕便性但同時又不犧牲畫質,所以價錢也是在兩者之間。若以此定位看,今天的價錢甚至算是偏平的。
我自己其實並不是特別偏好40-60mm這個焦段的鏡頭,但有兩個情況這枝鏡頭對我幫助很大。第一是在戶外拍攝自己小朋友,戶外空間較大, 55(同時是APSC 82.5)可跟小朋友保持一點活動距離, 但同時又不會離他們太遠(70-200雖好, 但距離上難於照顧他們,加上又重太多!)。
另外是旅行時拍攝夜景,試過幾次在一些熱門景點拍也不淮用腳架,這時24+55的大光圈組合就成了你的最強武器,變焦F2.8很多時並唔夠用,而最重要是55全開光圈都十分可用,影風景都唔怕你放大聞相。