優點:
其實真係唔算重,裝入A7度對焦快!亦唔怕頭重身輕,加埋遮光罩就會長咗少少;
防震做得唔錯,長鏡頭其實4光圈係夠哂,除非真係好低光;
用嚟打雀影相夠哂駛,但拍片的話唔用腳架其實個防震都唔差,200呢個焦段算係啱啱好;
外型夠簡潔,拎出嚟都pro;
比起同樣焦段嘅2.8光圈,輕好很多,重點係2.8係冇防震,點揀?自己諗。
缺點:
拎得呢枝鏡你就預咗係重裝備,普通袋仔唔啱駛,幸好跟個皮套可另外裝;
顏色感覺上推到200時會淡色少少,對比之前幾枝蔡司鏡遜色(但其實不好對比);
差唔多成萬銀,真係有需要先好考慮買。
評價:
試過用A7S同A7R試過呢枝鏡,A7S對焦明顯快好多!A7R影出嚟啲相就sharp好多(當然,兩機相片解像度不同),而由於本人以拍攝影像居多,雖然得4光圈但有防震,加上A7系列對低光有一定抗噪能力,所以肯定係首選,但如果係影相影人和運動,當然係另一枝2.8大光圈好啦,但就重好多同貴好多呢... ...。
最後,如果係用A7II嘅用家,呢支就絕對有入得過嘅價值啦!因為個A7II個五軸防震加埋支鏡本身嘅OSS,完全係絕配,就算光圈得4都肯定夠用!