文:本香猛
《國產凌凌漆》金槍人有云:「就算一張廁紙、一條底褲,都有佢本身嘅用處。」其實這句說話用在扭蛋上亦得,因為 BANDAI 旗下扭蛋部門 GASHAPON 擅長將扭蛋殻變為玩具一部分,之前就曾把蛋殻變為渣古頭及鬆弛熊頭部,有創意得來仲好環保。所謂橋唔怕舊,最緊要受,最近連龍珠都玩埋一份!
將於今個月下旬推出的全新龍珠扭蛋,將蛋殼設計成七星龍珠其中四粒,打開蛋殼就會找到悟空、無閑、全王或魔人布歐等角色,只需簡單組裝,就可讓四人與所屬龍珠結合起來。每款作品連蛋殻約高 8.5cm,下方有地台方便座枱擺放,而每款各有唔同甫士,例如悟空盤膝坐、無閑搬牛奶、全王後仰、布歐躺下,動作生動鬼馬,龍珠粉絲豈能不買?
以上作品全稱為「ドラゴンボール超 ちょこんと乗っかるドラゴンボール」,單扭一次售價為 300 日圓,2 月尾去開日本不妨扭扭!