Sony Xperia ion LT28i

評測報告

實拍照片

- BRAVIA Engine 顯示，對比度夠、成像清晰亦係我買佢的一大原因。
個人習慣用手機睇video, ion再裝MoboPlayer, 1080p mp4 / flv直入,
前者硬解當然無問題；後者軟解依然播放流暢，抵讚！

- 相機不俗。雖然不及Nexus的零delay shutter鬥, 但整體對焦及快門表現依然敏銳。
成像不過不失, 唯雜訊稍嫌多。f/2.4能作出淺景深, 再有Sony 相機的一掃全景及1080p錄影, 玩味亦不缺,overall個人已相當滿意, 一般日常生活snapshot再upload上facebook / twitter完全不成問題。

- 系統表現順暢。實際用家不求跑分數字, 只在乎實際表現。
睇片1080p mp4硬解無lag, 用facebook app即使profile用timeline依然順暢瀏覽。
用內置Browser開Tinychat (用flash製作的chatroom) 同樣無問題, 上網晒夠用。

另外可能自己old-fashion, 最近才發現ion終於可以跟wmp同步音樂資料庫,
因舊版Xperia Android2.1沒有提供以上功能, 重新pickup s60年代的便利, 極度方便 :D

提供HDMI輸出, 最初我自己也沒留意這個功能, 因覺得一般比較少機會用到。
但最近小弟在開會present時laptop突然打柴, 而興幸ion有HDMI輸出駁projector可以繼續播放ppt做present。意料之外這個看似無大實際用途的輸出端竟然救小弟一命,
所以工作上有相關需要的朋友都可以將呢個輸出端的用處作參考參考。

- 屏幕顏色顯示偏暖, 影相時可能會被誤導而tune錯白平衡。BRAVIA Engine 顯示對比度高,顏色飽和度同樣高。看Video時可能會被鮮豔的顏色所討好,但實際上又會影響影相時的判斷,所以需要自己慢慢習慣使用。

- 3.5mm輸出端推力細，個人使用UE tf10並不算太難推。
但ion推力奇細, 部份音源檔案質素較差(如Wizard of Oz ost),
在ion中播放即使開盡音量都兼偏細聲, speaker播放如是。
ion聲音處理表現略帶有味精, 喜歡與否視乎個人喜好，
而個人覺得如使用Clear Bass味精實在太重。

至於xLOUD功能, 原意用作提升speaker音量, 而結果是將speaker推到拆聲。
要數整部手機最失望的配置, Speaker音質表現必定是最令人失望。

- micro USB及hdmi輸出端的防塵蓋設計跟以住XPERIA手機一樣以軟膠作防塵蓋關節位。
以過去使用XPERIA手機經驗, 小心使用又未至於會斷，最擔心的反而是因防塵蓋要用指甲翻開, 機身必定會因而出現刮花。老實說, 我會比較希望Sony將輸出端黑化並取消防塵蓋, 減少用家的憂慮。

- 相機鏡頭廣角端不夠wide, 個人粗略使用DC作對照,ion相機鏡頭焦距(對照135格式)少於35mm。另外相機在陰天或光線不足地方拍攝顏色會偏藍, 而正如早前所講, ion屏幕顏色顯示偏暖, 手機顯示出來相片顏色正常, 但實際在電腦看是會偏藍而要用Photoshop再tune levels。

或許我過去使用上一代低階Android機稱太耐, 由XPERIA X8升級至ion的使用感覺可以用"震撼"來形容。終於不再需要容忍手機裝apps/更新apps 要停用其他功能、不再需要容忍load Facebook app要等到佛誕、不再需要因ram不足而不停kill app、不再需要顧慮相機拍攝表現、亦不再需要顧慮多裝一個app會出現"low space"警告及無法裝上流行apps等等。

ion稱不上完美, drawbacks是有存在, 不足亦有存在(如通話無主動抗燥等)
但整體已經good enough for me, 由工作上收發email、基本文書處理到娛樂上的上網、玩chatroom、影相睇片都輕易應用得到。再對比前後兩部手機, 亦見得到Sony在手機製作上的進步。

另外提供多少少實際使用資料：
WCDMA mode only, 每日播90mins 1080p片段,
8成時間關data traffic, 每日通話一共約45mins, 電量可以捱到兩日半左右。

購自豐澤, 機價$4998用渣打卡簽帳有$100回贈, 送mon貼、兩個機套、hdmi線、Sandisk 16GB class2及外置充電電池兩粒。

第一, 當然係外形出眾啦, 相比起GS3, ONE X , 型仔唔少.
第二, 影相快 同 清, 功能好多...鍾意影相既諗諗.
第三, MON夠大，　夠ＳＨＡＲＰ，　買果陣同Ｓ３　比較過，　真係靚Ｄ。
第四，充電好快，　用原裝火牛充，　２個鐘頭多Ｄ就得，比起以前部GN 快45分鐘
第五, 順, 流暢.. 唔一定要4核先會順, 用SONY 個LAUNCHER都一樣好順。　好鐘意佢個ｔｉｍｅｓｃａｐｅ , 睇FB, TWI 好方便, 介面靚。
第六, OTG 功課真係好好玩, KEYBOARD , MOUSE , 遊戲控制器 連到入去.

電充得快, 去得快...
MON 全白色果陣, 比起LG 既IPS , 顯得黃黃地..
個人覺得太輕, 話晒都叫ION, 重手番少少會更有金屬感。
HDMI 線 連去電視到, 畫面顯得冇手機咁流暢

十分滿意

-之前用GALAXY S2 , 換左ION
-MON 清好多. 冇S2咁綠色既感覺.
-機身手感非常好, 手機外型 型爆.
-SONY手機, 日本科技, 感覺好. (個人意見)
-介面轉得快同順(同S2比較)
-聽歌音質好
-電好快充滿
-有日文MENU 選擇, 三叔MENU可以選俄文,但居然冇日文

-電好快用完 E.g. 平日返工巴士途中手機睇news , 45分鐘去到公司 S2 大約剩餘84%, 而家ION只 有76%.(個人意見)
-開頭覺得重同厚(因為同S2比較) , 後來覺得都OK. 習慣左. 覺得有D 重量先會手感好.
-D 按鍵唔好按, 呢個真係要改善
-開機只有一個按鍵(S2可以按HOME BUTTO), 我怕按得多個開機按鍵會壞.

一直都係日本科技品牌支持者, 直到出左S2 , 我就出賣左日本TECHNOLOGY,但 因為S2真係做得好. 比當時的ARC S好.
而家用返日本機, 感覺良好. 而家韓國科技抬頭, 同期的S3 可能比ION好, ,亦相信ION 跌價會比S3快好多倍. 1 星期前出ION 時, 旁邊有S3, 但我好堅定出ION. 因為始終喜歡日系手機.
我冇選擇用XPERIA S 係覺得個發光BAR 冇咩意思, 對XPERIA S 失望, 就考慮左好耐好耐應唔應該出先達個D 水貨日本機, TOSHIBA(REGZA PHONE), NEC(MEDIAS PHONE), SHARP(AQUOS PHONE), FUJITSU (ARROWS PHONE) 但對先達冇咩信心. 最後都冇買. 好希望有行貨有SHARP 的SMART PHONE, 唔明香港點解冇. 而家日系行貨就只有SONY.

1.適合喜歡手機影相既朋友
2.有五點對焦、臉孔對焦、微笑偵測…
3.HDMI唔會同micro usb用同一插孔
4.當手機插入電腦直讀記憶卡後不用重設音樂鈴聲
5.版面沒按鈕（這個我喜歡）
6.快速充電（幾%用~1hr可充滿）需配合跟機火牛

1.電話接通時沒三叔的震機提示
2.PlayStation認證有咩用？

值得買

外型靚, 介面靚, 設計一流
MON靚, 解像度高, 睇高清片好SHARP
影相方便, 對焦快, 質素不錯
近拍距離近, 景深淺
原廠影相程式功能多
內置記錄多, 而且還可再插卡擴充
硬件配置好, 運行流暢
跟機耳筒質素OK, 可惜現在一般耳筒興偏底音, 因個人喜好而沒用

自動白平衡不準
於平面有對比的物件上對焦竟然仍有機會失敗
原廠影相程式開啟時會暫停音樂播放
未解鎖時影相只能用場景辨識
原廠程式無檔案管理程式
內置記憶和記憶卡被SYSTEM ROOT分隔開, 不能進入SYSTEM ROOT的程式只能進入內置記憶, 有部分則需人手輸入路徑才可進入記憶卡
連接電腦時會鎖記憶卡
不能換電
電量消耗快, 邊插原廠快叉邊用試過電量不升反跌
原廠快叉速度遠不及外置充電
熱量稍高, 隔一層保護殼仍感到溫熱
試過觸控突然無反應, 因不能直接用實體鍵關機而要HARD RESET
玩遊戲有機會HANG機
USB外蓋是掀的, 令膠蓋容易老化出現裂痕
觸控靈敏和接收力不及同族的PSV
4G不支援本港主流頻譜有點可惜

不論操作還是影相都可以用「爽怏」來形容
特別是影相, 由場景辨識轉為正常才可以發揮真正實力
足以應付一般日常需要
只要安裝相機360等程式作後製, 影相加工UPLOAD一條龍搞掂
此機雖有缺點但不足以掩蓋優點的光芒
如不好跟風出IPHONE或SAMSUNG, SONY是另一出路

1) 型!!!
2) MON超靚(沒有開Bravia Engine)！你隨便找一套高清片看看，就知道它的厲害！
3) 音效出色！我之前用iphone４，非常不滿意它的音質．長時間聽歌都是用Samsung YP-R1＋Nakamichi NLE-750BA; 試過用ion原裝音樂播放器及下載過Poweramp比較，最後把Poweramp卸裝，YP-R1變得可有可無！
4) 影相質數不用說，自己看測試報告吧！
5) 系統操作流暢；
6) 上網速度比iphone4快好多；
7) 用Smart Dock連接電視睇片上網，簡直是全新體驗！
8) 充電快；
9) 提示燈方便

1) 電池消耗好似食左潟藥，玩一陣唔見１０％；每日充電兩次，下午一次，睡前一次；
2) 聽電話位置常令耳朵不舒服！每次都要微調耳朵跟手機的接觸位；
3) 打機死機！用了三星期，初打Dead Trigger時死過3-4次，其他死過２次；可能現在常release memory，偶然玩下都沒有事！
4) 還是Android OS 2.3.7！雖然Sony這個介面做得不錯，但到現在還未升上4.0，感覺好似被遺棄；
5) 機面四個按鍵反應不夠敏感；
6) Bravia Engine顏色太濃，所以長期關閉！
7) 少機殼選擇；
8) 不像iphone保值；
9) 機身有時會熱，但是可接受程度！

- 手機是隨身物品，如衣服一樣! 自己喜歡又覺得靚又實用是必要的!
- 之前一直在考慮ONE XL（因為自己本身是One2three客戶，可享4G), ION, S3(跑分超班)及NOTE(夠大)，當知道送Dock，加上在中移動出機平成千元，最後還是選擇了價錢最吸引及外形自己最喜歡的ION！
- 用了三個星期，感覺還是不錯，比iphone好！影相睇相上網睇戲各方面都很滿足！除非你日日都經常打機，否則這部ION已經夠晒用！對個人而言，如果不是夠電同講電話耳朵不舒服的問題，我真的非常滿意！