Samsung Galaxy Note 3 LTE

評測報告

實拍照片

-大MON 色準左,比NOTE 2令好多(但一定係鮮艷,個人中意所以冇野,我係由AMOLED轉返IPS轉唔到=_=)
-電量(好勁,SOR FAR玩成日唔洗差)
-相機(影相清左,比S4進步)
-雖然冇物理防震,但影相都OK
-日拍好好,色好出,好多DETAILS位做到
-音樂(仲未DOWN 24-BIT歌,但用以前D歌明顯音質比NOTE 2好,BASS重左,立體左,不 過推力好似冇乜進步)
-好順,3GB RAM,冇LAG過
-介面冇大變化,易上手
-MON大過NOTE2但單手都還可以控制
-外放SPEAKER好勁好大聲(有次係地鐵唔小心播片比人睥-__-)
-跑分勁|O|(不過好似做假),跑分E家野,曬下命算啦XD
-前鏡有美容MODE,美圖APPS都唔洗裝XD
-16GB ROM都有11GB~既ROM.對三星講係進步
-個UI令左,順左,STABLE左,順過S4

-好多白痴功能,AIR GESTURE...SMART SCROLL..全部停用,又哂電
-同NOTE 2冇乜大進步
-個背蓋雖然話皮,但係雖手感好左,仍然好膠,一拆開,膠味浮現
-雖然個價冇加,但係用緊NOTE 2升唔升都得
-冇32GB版,唔明點解得HK冇
-都算OK重
-冇FM收音機
-影相好多多9魚既FUNCTION...EG. RUBBER. 你點知影相前會有人姐住=_=" FAST MOTION, DRAMA個D卓頭多,實用性不大,又難控制.搞到開相機有D慢)
-音樂推力好似仲差左.要較到12先有NOTE2 11既VOLUME
-LED太細

用NOTE 2升,感覺係視覺衝擊大,其他其實普通用家唔會發現進步,初初S2換NOTE 2,玩左成一個禮拜都唔厭. 但NOTE 2上NOTE 3用左一日就冇咩驚喜. SO FAR硬件的確進步左,但係冇咩新意 好似S3上S4咁. 如果係著重性能既,又中意影相聽歌,可以考慮. 如果係港女只係WHATSAPP, FB, IG... 連咩叫CPU幾多GHZ,4核都唔知既話,用NOTE 2夠曬

Mon大
有筆用
3g ram
功能比較平均

好好好好多無用功能和app
食ram
無左note 2的灰色

Note 3是比上不足，比下綽綽有餘的！
以下我只用安卓機比較
比相機!有d機又自己的G鏡又要人死set爛set至有靚相,有幾多人會set的,十個有八個開左相機功能就影啦！要set野我用相㰄的！但我都唔覺z1 d相靚！note3都ok的
比Mon靚！note3一定不及LG G2靚,但又不是佢最差，都有幾部差過佢！偏色是個人口味，色唔色準是好主觀的，我無所謂的我又不會攞份色通對色
比機身熱！大家用同CPU（海軍鬥水兵）
機身大細,G2(5.2吋mon),z1(5吋mon),蝴蝶s(5吋）點比5.7mon
有多人說G2好好（我都覺得幾好的）但行貸無插咭無換電！但韓國水貨有的!四五千蚊買水貨..........我唔會
比價錢！Z1，G2， one和note3 差幾百蚊！買得依d機，個幾百蚊大多數人不是考慮因數掛！
外觀！而家部部一個樣，sony就sony樣，lg就lg樣，一鬼樣
保值！iPhone用一年跌價！講跌最少買部$199電話的！跌極都係兩舊水
電！個人習慣問題！我用一天都有30%整番
其實自己中意咪得囉！部部機都有好有唔好，依啲旗艦機有乜冇乜買個時都知ga 啦！
我見都好多用家心得都單單打打無乜喂!
小弟玩機不少，一年大大話話玩了八、九部機,日韓大牌子，强國機都玩！基本上部部安卓機都差不多，最重要你要D乜野，要大mon買大mon,要快就買快d囉！
要平就買平，唔會有最好的電話的！只有你想幾多錢買d乜野機！都係自己鐘意咪得囉！平有平玩！貴有貴玩！
我中意部note3

1）機身輕而薄
2）電量唔錯 , 用咗一日粗略比較 , 一樣嘅電容量同規格低好多嘅Mega一樣慳電（Mega 3G連住網大概可以連續不停玩7小時剩5%）；電量簡單測試 , 14:30充滿電拔插到22:15共7.75小時 , 3G連住網 , 其間1.5小時待機冇操作 , 0.5小時做wifi熱點另一部機上網 , 其餘5.75小時一直上網保持亮屏 , 剩餘電量21%可以捱1小時以上 , 總電池續航力應該同mega差唔多甚至好少少
3）操作流暢 , 至少係我用過三星機型裏面最流暢一部 , 3GRam大概淨返1G上下（0.8-1.4）俾你用 , 用2日冇出現過lag嘅情況 , 想Ram自動回復最好装自動殺程序app唔使下下自己手動殺

1）Mon嘅標準顯示模式味精仍然好重 , 相片及電影模式色彩自然啲
2）相機抺noise非常重手 , 室內同夜拍抺到滑晒連細節都冇埋 , 其實室外夠光都幾滑下細節唔係好多 , 13M相機抺到連4M嘅解像力都冇 , 咁搞法不如俾個質素好啲嘅5M算啦
3）外觀一期方一期圓 , 三星機身設計可以講一啲新意都冇 , note3居然回歸note1個樣
4）玩3D遊戲幾分鐘機背已經非常熱 , 睇嚟呢粒U行起嚟溫度幾高下
5）背面仿皮只有觀感冇皮質柔軟手感有啲兒戲玩具feel , 觀感上算精緻 , 手摸上去摸到紋路, 但亦摸得出係塊硬膠 , 放喺滑啲嘅台面上一樣跣 , 用幾日發現呢個機背都唔係冇優點 , 半光面唔留指膜印 , 以前用mega基本唔想睇背脊 , 好辣撻
6）內置儲存只有16G , 外國有供應32/64G點解唔賣嚟香港
7）S pen筆咀要用力壓壓感效果至出到 , 要壓到咁重貼膜捱唔到幾耐 , 唔貼又易劃花玻璃
8）mon日光下（全輸出）亮度唔夠 , mega日光下光佢好多 , 同時環境暗時自動亮度會太暗 , 個人推薦三星機必裝自動亮度app , Velis Auto Brightness , 自己定義自動亮度條curve

牌面上缺點比優點多好多 , 不過我仍然認為呢部機算交到貨啦 , 薄咗輕咗呎吋冇大好多 , 快咗仲慳電咗 , 電量方面除非唔使返工或者打風流工可以一日玩到黑 , 否則冇必要揹尿袋；三星機其實機能同控制體積方面越做越好 , 之前旗艦我只用過note1 , note1嘅電量同味精仲有玩game發熱又lag令我一段時間唔睇三星高階機 , 希望大失望更大 , 到入咗mega之後見到三星有改善至敢試呢部 , 冇失望 , 電量速度穩定性重量都改善晒 , 不過呢啲都只都係集中喺規格上面 , 外觀呢 , 三星機唔好對佢有期待啦 , 因為佢十年如一日冇諗過要改。
Amoled顏色冇咁濃但仍然太濃 , 除咗睇起嚟唔自然 , 睇相仲會影响到細節尤其紅色 , 唔知係三星工程師口味刻意推成咁定係認為用户鐘意味精 , 不過既然有自然啲嘅相片同電影模式 , 何必將標準模式設定得咁味精？
16G內置儲存 , 旗艦機嚟講真係寒酸 , 人家早幾代旗艦都32G啦 , 雖然16G好多人都用唔晒包括我 , 不過旗艦價錢冇旗艦規格俾錢嗰個一定唔爽 , 正如iphone , 16/32/64G一齊賣 , 唔買32G買16G唔夠用閣下嘅事 , 至少唔怕俾人有話柄。
呢代note改進都喺硬體機能方面 , CPU同Ram嘅規格已經將流暢度拉得同其他系統好接近 , 當然仲會有個别app會run唔順 , 比如我用開嘅Apex Luancher , 幾部機用過都順唯獨note3唔爽 , 因為android仲有另一個問題係硬件同軟件分别開發 , 雞同鴨講 , 總有冇跟OS update同U衝突等等run唔順嘅情況；外觀呢啲審美部份唔算係改進 , 只係交行貨性質係咁意改少少 , 造工一貫三星水準不過不失 , 唔會好精緻高科技又唔覺好低級 , 機身相對S4同note2硬淨 , 整體嚟講仍然值得推薦。
（10/3更新）補充一下 , android機唔會自動閂apps , 後台亦有唔少widget行緊 , 規格點強嘅android機都有行到lag甚至reboot嘅時候 , 雖然工程開發人員選項裏面可以設定回到主畫面馬上退出程序 , ram free 返出嚟 , 不過搞到咁用android就冇乜意思啦；亦有人講root機剷晒唔等使嘅apps嚟減少資源用量 , 都係一個好方法但唔係人人做得到 , 大部份人都係一般用家 , 相對於root機損失保用 , 裝taskmanager係個比較簡單方便既方法 , 開機時熄屏後同間隔定時殺apps , 設定不殺名單 , 其餘的自動幫你殺free返ram出嚟；我比較推薦一個taskmanager , OWprocessEr , 呢部機都有裝 , free ram保持喺0.8-1.4G之間 , 幾日唔使手動殺運行始終暢順 , 不妨試試。

優點冇

三星D手機一向都做了手腳,將CPU開行曬4核心,令到跑分咁可以多D人買佢D機姐
d機易壞,同埋整埋垃圾apps用左好多rom
正方鏡頭真係好樣衰,三星一年出兩部垃圾旗鑑機吸引多d人買姐
lg機係香港,真係少知有少,點解唔用呢d機?
SAMSUNG 啲機冇咩咁特別姐,又唔係勁,價格貴
個MON 唔夠g2靚,iphone 5s 好勁啊呢d機都唔用?

samsung note 3冇咩好評價,價格太高,不及g2好用,MON大食電超快,
唔建議人們心急買機,買左會好後悔,

hardware is good

I do not understand why the whole world is selling 32G/64G note 3 version while only HK is selling 16G version at the same price as the 32G... it appears Samsung is cheating money from HK people...

I do not understand why the whole world is selling 32G/64G note 3 version while only HK is selling 16G version at the same price as the 32G... it appears Samsung is cheating money from HK people...

三星一貫殺食嘅地方,性能各樣平衡,如計有行貨的手機嚟講只此一部
(有5.7,FHD,S800 2.3四核,有得換電插卡,3GB RAM,4K拍片,1300萬像,SPEN)
電量驚人

MON素質都仲係唔太十分好,雖然比起NOTE2已經明顯改善
A MON易有印,個人認為頗致命的一處
5.7仲未算夠大...有少少唔滿意

今年用過XZ ZU G PRO BS LG F5 NOTE3
ZU太大,冇得換電,BS同G PRO最順,但唔夠大MON
最平均嘅,都係NOTE3,要咩有咩
我係鍾意性能平均嘅手機

上面...如果淨係話個MON大得一點優點...
我想你根本連認識部嘅都未有...
佢無論相比NOTE2,順暢度,SPEN功能,運行速度等等
都遠超上一代,呢個係我自己都感到意外嘅地方

但當然,單指單方面特化嘅嘢比較
佢要用MON同G2比肯定係輸,但NOTE3係咪真係好差呢?
我只能用太好(G2)同好(NOTE3)去比較
所以去到好就已經夠...
但A MON呢個死穴就真係不敢恭維了...

不過根據個人今年用嘅手機嚟睇,NOTE3肯定係今年最好用嘅手機