優點:
優點實在太多亦都唔再講,淨係可換電已經冇得輸 ,舊年係深圳LG維修中心用100元人民幣買入一舊原裝電, 用到現在仍然操作正常,只係因為屏幕巳使用三年零十個月,背光紙開始老化, 左右下角有兩點白點, 講真本人對此機百分百滿意, 亦相信LG 再不會有真旗艦出, 大家睇 2014年之後出產LG機就知, 往後咁多代LG新型號手機都無可代替呢部機皇
缺點:
缺點前後鏡頭屬於垃圾級別, 外殼手感唔算太好
評價:
我夠膽講LG 真正嘅機王 ,就只有LG G2同G Pro2, 從來冇一部電話,可以用到三年零十個月仍然健在, 2012年1月買入LG P990, 用一年已經因為太慢頂唔順, 2014年7月$3100 買入行貨G Pro2 32G版 , 完全令我對LG 有非常大改觀, 因為LG用產品告訴全世界,佢有能力做到一部真旗艦機, 可惜後繼不勁,G3 開始有發熱問題, 雖然2k屏幕非常靚,但可惜嚴重燒電, 唔使講去到G4,V10 直頭係重災區, 因為LG散熱設計差, 令到大量用家,因機身長期發熱,而引致cpu 錫線溶掉開唔到機, 結果令到維修師傅大賺錢, 因為用辣雞焊接錫線又再正常返, 但就收你一千蚊維修費, 雖然師傅大賺錢 ,但就令所有用家卻步, LG v30用oled屏幕更是失敗中嘅失敗, 舊年11月推出兩個月後,所有連鎖店嘅demo機,屏幕已嚴重燒印, G7因為V30嘅失敗,又再用回ips屏幕, 但係又跟風做個極度醜樣嘅M字額, 可以好肯定LG手機就係死係老殘嘅管理層手上