優點:
1.)可換電
2.)行貨機燒底板都可以免費更換及免費檢查
3.)當年屬外型時尚,多色塑膠皮底殼
4.)影相靚,有大光圈,可手動模式,白平衡、iso、快門、感光、焦點.....
5.)屏幕可觸動開關,方便快捷
6.)冬天可當暖手包
缺點:
1.)一舊電如果長開,如地圖導航或打機,2小時左右用完,所以高峰期我會帶3舊電及尿袋出街,晚上返屋企手機,充電座,尿袋同時充電
2.)死底板就一定,尤其我係最早一批出機,我用的是雙咭機最貴果款,行貨約5000元,好幸運10個月左右燒底板,如果唔好彩過一年先燒,要另付檢查費及零件維修
3.)皮紋底殼是吸引我買的原因,我還買了兩個不同色底殼更換,但是這個皮紋底殼其實是塑膠產品,而且很不耐用,2-3個月便挖花。
4.)影相可以,不比同期iphone差,不過日新月異,不足一年已經被超越。
5.)屏幕觸動開關容易胡亂開機,耗電及錯誤啟動程式,你會無端端感到褲袋裡暖起來,有時甚至會聽到你朋友的聲音
評價:
我不想經常更換電話,所以要功能齊備。有雙咭,方便國內工作,可換電,長時間作戰。
之前用三星又係2-3年,對韓國品牌有信心,LG這部機是當年最頂級,之前幾代都有口卑,所以入貨。但係缺點就如上述所列。
2018年寫報告,係我要提醒自己,只信第一,唔好貪心信二線或新產品。
出機半年多D,已經見到二手價直插至二千幾,直至用了十個月左右燒底板,上到維修中心見到人群聚集的大場面,先明白機價插水的原因,場面真係畢生難忘。好多人買水貨,要額外付維修費,媽媽叉叉,我行機有得免費換,內心好忐忑,夠竟買行貨是明智定死蠢。但係如果13個月先壞機,結果我是 .......
一心買部好機用幾年,不介意價錢,看了很多資料參考,我唔係讀工程,對CPU , RAM等等一無所知,只知道比較參數,3G RAM , 幾多核 ..... 當年這些資料好似勁過iPhone,咁樣以為自己好精明,點之呢個先係圈套。
最後,用左年幾,換番iPhone,可惜係無雙咭,部G4唯有在國內使用,直至今天。
不能不否認,國內有些野比我地行得前同快,手機付款,座地鐵,網上銀行,手機買高鐵車票,滴滴....都使用手機,由於我唔想換手機,因為要過資料,下載apps,一直忍受這部手機。3年過去,這部手機好似鬼妹咁,經唔起時間考驗,慢到好似係十幾年前既產品.....
其實我屋企有好多野用多過3年,不過未曾有一樣野會令我有這麼大的感想,另我要寫報告。
我從此不再用LG手機及任何產品,也不會單憑產品參數去比較產品高低,明牌是口卑累積出來。
我用3年買一個教訓,LG用一個教訓輸公眾信心