優點:
1. 相機質素不算特別好,但一般應用絕對足夠。與我部LG G2 或以前的Samsung Note 2 差唔多。
2. 用上手都順暢,唔覺得慢,但要玩高規格要求嘅遊戲會比較吃力,所以有此要求者不建議買!
3. 電量可以接受,感覺比我部G2好少少,一般用一日仲有30%電剩
4. 有D人話部機熱,但我就唔多覺,當然室外熱天下會熱D,所以同其他機差唔多
5. 介面同應用嘅細節上其實做得唔錯,只係用開三星或LG嘅用家需要D時間適應,因為用法上有較大差別,佢有D位似iPhone多D
缺點:
1. 最不滿應該係佢個喇叭! 真係費到冇朋友, 聲細音又尖!
2. 講電話感覺好似冇Samsung同LG咁實在,音又係比較尖,但對方聽都可接受。
評價:
耐唔耐用講真第一次用魅族,所以唔知。之前有用過華為、小米呢啲大陸品牌都唔錯。
總結我都會建議朋友買,呢一刻,呢個價錢我未搵到第二部好過佢!