優點:
1, 快,真係快,雖然唔係用 845 CPU,但比起 好多845機,真係感覺到分別,係感覺,唔係Benchmark,好順,好smooth
2, 好大感覺到AI先至係手機o既未來,成部機好似係有人為我度身定做咁,樣樣野都好似知我想下一部做乜野咁
3, 影相真係靚,好多人話三叔,為為影相靚,但個人覺得佢地太多味精
4, 對我黎講最重要一定係開相機夠快,好多時要影野只有一瞬間,我換機都係係呢個原因,只有Pixel 2 XL可以咁快開到機,我諗佢有Iphone 8/X 8成咁快(個人感覺)其他機真係等開機都等到個subject 無左
5, 電真夠襟用,以前部倒水G6半日都都唔得,呢部可以捱到一整日(大約12個鐘),不錯
6,好多野玩,update 又快 ,依家用緊 Android P, 好多過癮野,當大部份人仲等緊Oreo upgrade,我就玩緊Android P ,個優越感真係無價 (個新gesture 好好用,好似IPhone X)
7, 輕,係呢個前後都要大玻璃,攪到部部機都厚突突重到成舊磚咁款p既年代,仲有人出鋁合金殼,真係夠膽(亦因為咁所以無左無線又叉電...唉),但令到部機可以咁輕真抵讚
缺點:
1, PD 快叉無QC咁普及而且就算有快叉都係慢(同我部舊LG G6比)
2, 個藍示連唔到我部車部車機,幾代 Google Phone 都係咁,以前 Nexus 又係,但LG, Samsung 又無問題,吹脹
3, 無左個3.5mm 頭真係好唔方便,而且佢個轉插係專用,用街買果D係唔work的,頂佢個肺...
4, 打則望個mon 偏藍,但又唔係好大問題
5, 買唔到mon貼,有玻璃貼但通常都唔太得,攪到要裸跑,所以面版已花
6, 無無線叉電...唉
評價:
我用開LG,由 果部彎機(直頭唔記得個名)機開始,G5, G6,係為左佣佢個後開關制同 Wide 鏡,好多人話會燒底版但我就好彩未試過,但用一年就會明顯拖慢部,過熱就時不時都有,但最大問題係開相機速度極慢,早幾日有gathering,叫班幾路影張大合照,開機,足足等左45秒左右先可以影到第一張相,你話幾老鑑?成部機洗左, factory reset都係咁, 本來想換G7但見個價咁樣又唔願比咁貴,依家先知呢度野其實係LG代工,總係走唔出LG五指山...
想換S9+,但對***D bloatware都怕晒,膽粗粗買試下 Google phone (幾年前用過Nexus第一代感覺都幾好),用落先至知依家新電話有幾先進,而且全部advancement 都係 software 同AI driven ,我諗只有Apple 仲可以贏,但我真係轉唔到會,所以呢部Pixel 2XL係我認為(唔使鬧我,個人意見)現時最好o既Android Phone,雖然佢都仲有唔少缺點,但都無阻我對佢o既熱情,Highly recommended