指紋開機反應快
6" 顯示器, 不錯的顏色
背面相機適合會後製的專業用家
大電池, 使用時間長，不打機可用兩日
高品質的耳機
下面排 navigation bar 可加 mon 熄機 按鍵 (或 navigation bar 向右滑動即可看到 mon 熄機 按鍵)

會自動重新開機，到維修中心重灌亦有相同問題
鏡頭有問題，向光源影相會有反光，好似隔左層玻璃窗咁。個人認為是硬件QC問題。

之前用 G4。換機後原先感覺興奮。
而事實上，系統係明顯快左既。(同幾年前既技術比)
但快充沒想像中快，約2小時多一點充滿，跟G4差不多。
自動重新開機亦是一個困擾。維修中心話係中毒，重灌後會冇問題。咁重灌之後，我唯有將問題當作係我個人既人品有問題了。
可能個人與科技產品冇咩緣份，鏡頭既問題始終係解決唔到。個人有點失望，其實自己對手機攝影最看重，但偏偏影極都有反光，而維修中心好似對呢個問題反應唔太積極。我相信冇人會想買部以攝影做主打既手機返黎，會因先天問題影唔到靚相吧？(P.S.我都有朋友既家人有相同問題，不過老人家唔會影相，所以問題唔係問題)
撇除反光問題，影出黎既相都算原汁原味既，不過就唔太啱懶去調較既用家。因為明顯係冇咩後製，懶人又冇咩技術搭救如我，女友見到啲相通常都反應麻麻，佢甚至覺得G4影出黎仲靚。
事後服務方面，灣仔維修中心算唔錯，冇咩人排隊，不過維修通常要一星期，有點不方便。
咁總結係，其實睇你想用手機黎做咩啦~ 如果日常通話WHATSAPP用，其實幾推薦的，因為用左2個月既新機系統係幾順暢。但如果有啲要求例如影相，但又懶唔想修圖，可能要諗諗，因為呢啲專業相機可能未必適合自以為有技術既懶鬼如我(有技術者除外)。QC呢家野，我相信撞手神既。