優點:
- 指紋辨識爽快好用(本人手汗較多),更可用
作替代返回及多功能鍵
- 極光色好特別
- 續航力非常好,基本上(包括玩遊戲約1小時及看影片約2小時)10小時使用後餘下約30~40%左右的電量
-相機方面
1.變焦質素算唔錯,5倍仍算堪用
2.在10M解像度下,雜訊控制以手機嚟講好好
3.原始檔質素出奇地好
4.手動曝光最長有30秒
5.夜景模式大多數情況下都算幾好用
缺點:
- 屏幕質素最多只能算中階級數, 刷新率明顯較其他高階手機低,相比起samsung現在的SuperAMOLED及HTC U11+所用的LCD更是明顯,單就留覽網頁及ig已能見其分別,好在 顯色上都算幾好
- 處理效能稍為有點不足, 就算相比起S835的機種,在運行遊戲及處理相片(LR mobile)等等居然有時較慢,但幸好仍算可接受範圍。
- 指關節手勢本身應該算幾方便,但問題是容易誤判,而且屏幕裁圖後,會有縮圖出現在左下角,但居然不能手動把他弄走,非常影響使用體驗。
- 不能插SD卡
- NFC有時會突然無反應,但熄咗佢再開就得
- 相機方面
1. 在10M自動模式下,即使已經關閉hdr及場景辨識,在較高反差的環境下成像依然會像開啟了hdr一樣,而且在拍攝前根本不會顯示, 變左每次影完,都要撳入去先知最後張相係咩樣!( 雖然用返40M情況會有改善,但又變咗冇得變焦,而且低光環境下又會差咗,用手動模式又唔夠方便)
2. Hdr效果有時有啲過份,令相片不自然, 好聽啲講叫動態範圍高, 但實際係毫無對比度,但呢樣就各有所好,我個人就非常唔鍾意
3. 開啟場景辨識功能後,相片顏色有時過於濃烈,而且辨識速度亦算不上快。
4. 變焦質素唔穩定,有時會變咗純數碼變焦,而且容易有手震問題(唔知部機有冇防震?)
5. 每次第1點情況發生嘅時候,都會有一行字係上面,叫你唔好旭, 如果唔係張相就會矇咗,但問題係有時純粹想快速影張相都變左唔得, 仲要冇得關閉呢個功能,WTF??
6. 原始檔案一張接近80MB,本身應該算係好事,但問題係佢粒核心效能又麻麻地,讀寫速度感覺上又唔算快,喺相簿開返張相都要6~7秒,仲要部機又冇得插卡,好在用手機唔多影原始檔
評價:
雖然本身對大陸機都冇也期望,純粹覺得未用過買嚟玩下,而我本身會係經常會用手機影相嘅人,因為始終冇可能成日帶部大機起身,但呢部機嘅小問題實在太多,而且介面邏輯有啲奇怪(可能係我唔習慣嘅問題),用起嚟真係會燥底,尤其是其他嘢已經比唔上人,連主打嘅 相機都唔好用(對我嚟講), 而且除咗變焦外,相機質素都唔見得真係勁好多,有啲言過其實,已經換咗機