Samsung Galaxy S10+

評測報告

實拍照片

操控流暢,手感好,S-AMOLED的表現更加係靚絕。
電力表現有驚喜，拍照及影片係旗盤級質素。
防水防塵。

QC2.0差電速度稍慢。指紋開鎖速度有待改善!
價錢偏高,(旗盤級價錢)

科技就是一分錢,一分貨。
硬件強亦要配合厰方的調較,這方面是抄襲不了的。是各厰商的經驗慮積！
本人用過S9,Note9,華為Mate10,P10,真係各有所長!
這部S10+用了2個月,十分喜歡,沒有選錯,優點滿意,缺點接受!

1. 舊電都算耐用4100 省電MODE真係有幫助
朝早8點叉到100%出門口 正常使用一日 打下機睇下FB IG 覆下WHATSAPP
夜晚7點幾到屋企都仲有48%電 雖然落到60%佢會自動開中度省電 但流暢度完全無影響
【全程用2K解像度 MON亮度自勳 WIFI GPS NFC AOD全開】

2. 訊號收得好好 之前果部LG 係屋企最多收3格【5格最盡】網速唔過20Mbps 依加呢部S10+ 出街或者係屋企超過99%時間都係爆格 網速都超過60-70Mbps MTR未試過LOAD空氣(暫時) 用緊1010

3. MON靚 呢個公認 睇HDR真係唔同FEEL

4. APP基本上都可以完美秒開 一按即彈好爽快 三星開APP優化有改善

5. 有4K 60FPS拍片 仲要無時間限制 值得一讚 效果理想 廣角真係幾廣下
另外內置防手震真係拍得住用專業雲台

6. 少有旗艦仲有保留有3.5mm耳機位 方便聽歌 音質方面尚可接受 但未有得同LG嘅獨立片芯比較

7. 有收音機功能 有啲機雖然有耳機位但CUT左收音機 有時想聽都無得聽 唔錯

8. 雙前鏡頭 都可以拍4K 成像可以接受 自動美顏功能效果唔錯

9. 機身比想像中要輕 因為我係買左512G 黑色陶瓷版 所以會比普通版重 但都係可接受範圍

10. 有無綫快充 方便 無其他

11. 可以幫人充電 有時可以用黎溝女

12. 機身用耐左唔熱 打大型機都只有好輕微嘅暖 散熱做得幾好 陶瓷版散熱應該比玻璃好

13. 超級夜景影出黎真係好光 不過細節方面就唔要求咁高 但起碼睇到 其他影相拍片都係一流 都係一按即影

14. 雙喇叭好正打橫睇片打機 果時音效好立體 打直左就無有啲可惜

1. 充電超龜速 2019年 仲用緊QC2.0 垃圾15W 真係插都廢春事
人地部部機都已經18W起跳 有啲大陸牌都40幾50W 都未爆炸
就係NOTE7 一爆 就成隻龜咁唔敢用高W快充 真係羞家

2. 指紋好慢 對比起其實用實體鍵果啲真係慢一截 希望有UPDATE FIX返個速度

3. 指紋位放得有啲落 唔就手 同埋要點一下個MON著左先知個感應點係邊度


4. 面部解鎖好牙煙 用2D SCAN 唔係3D 用一張普通相就可以解到

5. 雙喇叭大聲 但係BASS方面無乜 唔夠NOTE9勁

6. 電源開關制放到勁上 超級唔方便 唔知設計果條友個腦諗緊乜

7. BIXBY有=無 完全唔知有乜用

8. 放褲袋成日自己會著MON 之後又解唔到鎖 一路著住 焗左係度 部機越黎越暖 希望有UPDATE FIX個SENSOR

9. 影相超廣角變型問題都頗為嚴重 開左內置收正都無咩作用

10. 前鏡頭打孔唔係幾好睇 但平時用影響好少

11. 無IR紅外線 無得擋REMOTE咁用

12. 唔係真雙卡 有啲可惜

13. 螢幕亮度較左自動 個MON只會跳住咁變 唔SMOOTH
即係由暗變光 %由10即跳到90 唔識慢慢由10-30-60-90咁上
光變暗又係 %由90即跳到10 有時時光時暗

用左半個月左右 感覺都唔錯 之前一路用緊LG 上一手係V10 3年幾機 因為舊電太倒水 又熱 決定換機

初時諗住買同期嘅XPERIA 1 或者係ROG PHONE 2 但都唔合心水先入手呢部

整體黎講都係一部值得入手嘅機 當時係睇中佢舊電夠大 電量對我本人黎講真係好重要 用上手之後發現幾耐用 待機方面真係唔錯 開左AOD 瞓左8個幾鐘覺 起床睇電 跌左2% 真係有驚喜 初時都唔信 試左幾晚都係2-5%呢個範圍 真係唔錯 相比起LG果部一晚就倒左20幾%電

部機一般咁用頂到一日完全係無問題 一日半或者兩日就可能要就住用
依加暫時都未需要去到一日一充 除左有時打機之外 可能要一日兩充

最後都要插一句 垃圾慢充 0%充到100%要成1個鐘頭45分鐘
呢個世代叫人點等 NOTE10就有 25W 45W
S10就無份真係激到

- mon靚，唔會太味精
- 電池非常耐用，平時fb上網youtube，開WQHD+，screen on time有11個鐘以上
- 外型靚，屏佔比高，鏡頭位唔礙眼，而且鏡頭位係有touching的
- 造工設計一流，邊緣接合位近乎無縫
- 喇叭音質好，冇iPhone咁低沉，比較balance
- 系統非常流暢，打機唔lag
- 散熱非常好，平時用一啲都唔熱，打機只有邊框會比較熱
- 系統介面好用，功能非常多，好多嘢可以自訂，換主題換字體都得，想再多啲介面自訂選項嘅話，仲可以裝good lock app
- 仲有3.5mm耳機插口，音質都唔錯

- 指紋解鎖較慢，但唔係其他人講到咁差，㩒啱個位嘅話成功率差唔多係100%
- mon色太黃，尤其natural mode，冇得較色溫
- 比以前少咗screen color mode，得返natural同vivid 2個，可以微調色彩鮮艷度嘅話會更好
- 曲mon經常誤觸
- 自動螢幕亮度反應有啲遲鈍，有時太光
- 相機開scene optimiser啲色好膠好假，不過用嚟po ig打卡就唔錯，唔開嘅話，啲色有時會有啲灰，唔夠對比咁
- 超廣角鏡成像唔夠sharp
- 白平衡有時唔準確
- 用navigation button嘅話，會冇咗隱藏navigation bar功能，要隱藏，就只可以用navigation gesture
- 電源制同音量制位置都太高，得Bixby制係容易㩒到
- 新買返嚟邊框就有花，2部都係咁

之前一直用開Sony，呢部係第一次用Samsung，用過就覺得Sony的啲機簡直係石器時代產物。網上好多流言話Samsung唔好用、lag乜乜乜，根本唔係咁。Samsung機感覺先進得多，系統多功能得嚟又唔lag。相機冇想像中咁好，但比起Sony真係好太多。另外好多人鬧個指紋唔好用，但其實唔係其他人講咁差，甚至比Sony嘅傳統電容式指紋仲要好用得多。好多細位都睇得出係有從使用者角度著想，例如螢幕玻璃係好滑，但背面玻璃就啜手，令成部機冇咁跣手。介面設計上亦都方便單手使用。另外更新都做得好好，每月都有定期更新，而且港版同外國幾乎同步出更新，唔似得港版Sony，冇更新的。而家減咗價只係$6098，仲送$300八達通，即係$5798就買到，超抵。

屏幕畫面更加細緻光亮,做工更加精美,邊位同背底顏色真心幾靚,影相唔係太大提升

屏幕靚左,但用電更加如倒水,用NOTE9都叫做電池容量大左,感覺耐用左,依一部電池叫更加多左少少4100MAH,感覺只是數字的規格,小弟想用電話睇Mytvsuper,
Samsung note9, galaxy s10+,huawei mate 20 pro, 大家電量標稱都4000,4100,4200, 明濕地睇2-3小時後WIFI TV, note 9 8x%, s10+ 70%, mate20 pro 有90%, 已全糸統同樣地優化背後程式關閉,不知係唔係使用的處理器硬體問題,怎樣電量也如流斗電量,外國影相評論,話高分左,但你認真去豐記,影同一場地相片,不同角度比較,或自拍,你看到不論相片銳利度,細緻相機尤如上一代沒有變化, 買了最高 版本,真心覺得落後過上代產物, 比MATE20 PRO更加慘,指毛華記都不算叫做真係太好,但超聲波更加有名無實,1-2日就點都要攪攪佢,因為諗佢12 GB RAM 因為頂級TOP MODEL, 但實量,不如另品牌頂級,但人地價錢平佢幾千蚊有多,機貼更加麻煩,原裝比你既照用就好,你心多一換就麻鬼煩,上淘寶買幾拾款好,都係唔係易甩就或者易影響屏下指紋,一句外表美麗,內裡落後

反應不錯,但電池用得更快, 感覺衰過S7 EDGE 3500 mah, 充電裸機使用有點感覺很熱,機都唔敢打,感覺唔耐用,我中立派來,咩牌子都用,自己也是貪新蘚換佢,二手價好快跌得快過其他牌子,要拎來襯衫錢多可以買部平來玩,要有驚喜期待實用既,真心話大陸機都比佢好,希望大家出去試清楚,現在二手價賤過泥,佢既機價比新力牌更加不保值

機身比我之前note8 輕同細左
電量夠我用足一日 （個人）
鏡頭有超廣角 廣角 加中段
跟機有貼 買完機直接買個電話套就得

指紋解鎖要用力㩒 而且唔係次次得
電源制走左上右上角有D唔慣
畫面有兩個鏡頭 影響觀感 要習慣下 都唔係大問題
畫面傾斜顏色有小小唔同 可能淨係我部機問題 不過問題唔嚴重 可接受既

我之前用開note8 年半 非常滿意佢既表現 不過因為用耐左舊電開始冇咁耐用 用半日多D就要差 咁啱s10+出就換機 用左一輪係OK既 除左電量夠用唔駛成日差之外 感覺提升唔多 冇左note 枝筆一點就翻譯俾我睇英文日文 冇得畫下畫 平時間唔中畫下畫 依家冇左呢D功能原來對我有D影響 買果陣諗過note9 512 但係又貪最新 最後覺得除左電量夠之外 比note8提升唔多 係提升左12g 同1TB既儲存空間 但係短時間耐係感受唔到呢D提升對自己有幾大帮助 但係應該可以長期使用 值唔值就睇個人 我自己覺得算滿意

-mon 質素好 睇得舒服 最正係黑底色 web browsing
-訊號接收好過iphone 7 plus.
-始終samsung hardware sourcing （e.g ram, mon, 4g system)好過下下向人買既apple
-大電 4100
-同XR差不多價 有dxomark 109(·以非中國牌子而言 好少有)同2x zoom and 123°wider angle lens

samsung keyboard 唔順手,可轉google keyboard
指紋功能要慢適應 用耐咗 就明白箇中的特性

good
worthy of buying for those who think "iphone" is too boring