優點:
1, 好好揸手~ 夠輕身, 鋼琴黑好型, 日系機系潔設計。
2, 開app轉app, load app 甚快, 冇咩lag機情況。
3, 好少機身發熱情況, even不斷使用, 打機, 影相等~
4, 指紋感應終於得到更新andriod 10 而大大改善了~
5, X1當然都係靚, 色彩我覺得係冇咁味精果種靚。起初覺得比較冷色, 而家睇番慣左了。
6, 電量消耗速度我覺得ok, 一般正常睇網頁, FB, 影下相, 電都keep住1半以上。
8, 入耳機聽歌volume推力今次夠力了。因為對上果部我用既sony係xperia Z5 compact。
9, 杜比技術加持,>> 平時日日都戴耳機聽歌, 所以我好重視音效有冇技術加持。相比HTC Boom sound, 我自己就覺得boom sound個層次空間動感,強好多, 低音厚實程度, 的確比sony杜比好。不過sony既杜比, 係需要你推大個volume先會好好多, 如果平時一般音量, 個效果出唔到, 就好明顯boom sound勁好多。boom sound就算一般音量都好好聲。簡單黎講, 杜比唔係唔好, 不過要推大個volume先會發揮到出黎, 如果唔係, 就會比較模糊, 冇咩層次感。咁其實都算係優點嘰, 起碼有音樂技術加持, 都合格既。而家聽聽下都適應了。
10, 機身左右個立體speaker唔錯, 夠大聲, 唔拆, 左右speaker設計放置平均, 打橫睇片, 立體聱效果唔錯~
11, 影相方面係大大提升, 我對上果部z5 compact, 當時都覺得始終影相成像太勁油畫化, 好多雜訊。今次真係好清, 夜景都好令, 真係好大驚喜同改善。至於我個人好少拍片, 聽聞拍片放手振黑科技好勁, 不過我就仲未試。
12, 影相個鏡頭真係好夠wide, wide上加wide,所以有時影大堆頭合照, 又或者風景都真係唔錯~
缺點:
好坦白, 本來我想打個缺點就係認指紋太差了, 不過自從岩岩更新左andriod 10, 連呢個問題都改善之後, 我響度諗, 真係冇咩特別缺點了,,,
評價:
其實我一直都係HTC fans, 不過自從upgrade到U12+, 個全輕觸冇實體鍵真係一直用到我好火滾... 所有優點埋沒響一個全輕觸功能。因為咁, 我先令我今次再嘗試用sony。sony其實我之前都用過好多部,不過都係伏既為主, 都係後悔既。所以一直都用HTC好好地, 加上HTC有ultra pixel技術, 影相都真係好靚。
不過黎到呢代X1. 我完全地改觀, 好既就要讚, 唔好既就要彈。對於我, 呢部x1, 真係冇咩缺點了, 聽歌, 影相, 外形, 加埋率先用到andriod 10 (10系統有d新加功能我都好驚喜滿意, 大家自行發掘) 令到x1,既性能再加提升。本來我都諗x5好似細部d, 不過營幕實在太細, 真係唔老花都怕睇到提早老花。加上x1 好似影片功能好似多d。最後都係出左x1, 完全冇後悔, 好好用。係十分全面而有誠意推出既好機。HTC真係要努力, 不過我始終覺得夜拍, HTC都仲係佔優, 因為ultrapixel始終好勁~.. 響我好開心咁用緊x1 既時候, 其實我都會期待htc黎緊既新機既。