1. 6000 mAh 大電量
2. S855 CPU Plus + 12GB RAM，開住5款game輪流玩都唔窒
3. 機背「敗家之眼」嘅 Aura 燈光，型！
4. 6.59 吋 FHD+ AMOLED 螢幕（120Hz 高幀率），流暢！
5. 正面前置喇叭，DTS:X Ultra 音效，音質非常出色！
6. AirTrigger ，等如 L1、R1 的隱形按鍵，好似玩緊 PSV 手提遊戲機，正！

1. 無得加外置記憶咭
2. 無防水功能
3. 價錢偏貴
4. App唔可以自行編排，要跟英文字母排，奇怪！

用嚟上網，打機及睇戲非常之好，值得推薦 ！

打機，睇片好順好靚。
呢部係我副機，本身係果迷，所以正機永遠都係iphone最好，我呢一年內副機用過黑鯊2, 1+7pro,note9,紅魔,華為Y9,和最後rog phone 1減價時買，note9買返嚟第三日放賣了(不 解釋）rog 1 用了之後就返唔到轉頭，因為我係一個打機愛好者，無論操控，順暢度，畫面，起遊戲電話嚟講，rog phone1,2真係無得輸，而影相都不錯，我對影相唔太熟悉，睇落去唔好假,重味精就可以。
電量真係勁，我連續打左8個鐘pubg，畫面較到最靚，最後都仲有10%，試過有排好忙，返工放工都無打機，過左6日都無差電，但仲有三十幾%……問你死未……
而機身好靚，好型，第二代裝風扇唔洗除殼，有改進，值得一讚。
有3.5插頭
喇叭夠大聲(大聲到我俾老婆屌)

長時間打機身都係熱，所以風扇一定要用。
配件有點貴…所以試唔到雙螢幕
香港可能唔多人用，所以係揾唔到殼,mon貼都難揾，要淘寶。
起初有點貴，我一出果時就買，512加個手制要7千。
手機很滑，一定要用套。
有時打機開了遊戲模式，好多msg和電話都miss咗無睇到，我又俾人屌(個人問題)所以有興趣呢部機既bro一定記得調整。

用了7個多用，仲係好順暢，而家打機，睇戲都係用呢部機，iphone返而聽下電話覆下信息，不過對影相有要求既人，呢部未必啱你，對我嚟講iphone影相先係最靚和真實

用左1個月到。就算開開左自動鎖屏佢都會係虛擬鍵盤右下角突然彈左解鎖屏，但系統整體算唔錯，X模式幾貼心，真三星ufs3.0 閃存，6000電量好足，兩隻震動摩打和真雙喇叭聲音夠大，4個收音咪。天線設計十分好接收夠強。120Hz 刷新率幕。3D真空散熱。有3.5m耳機位.支持 QC4.0 和PD充電。

唔係三星屏幕，用左大陸天馬屏幕，暗光時會閃屏，屏幕觸控靈敏度有待改善。 機身好重女仕不合，各版本有刪減Lte 4G 買時要留意有機會影響接收強度。系統軟件更新速度慢。無ipx防。影相普通。無得用外置Sd卡。系統好多時會阻擋信息通知，例如what's無顯示要按入去程式開先知有好多信息。YouTube有時連接唔到要等半日怪怪的要連wifi先得。

CP值好高，但因人而異，我唔太覺閃屏問題但我朋友覺好明顯。對於我呢啲重度使用手機嘅人我覺得它暫時而經係無對手絕對無買錯。終於唔洗帶尿袋出街!!!

打機畫面真係比一般旗艦電話平板要流暢得多
外形幾靚仔
電池續航力足夠應付一日重度使用
12g ram 1t內存可以裝勁多野入去都唔怕爆棚

電源鍵太容易㩒到要習慣下
3.5mm插口阻礙橫向揸機 不過又諗到四隻角都會有阻礙 用風扇個插口係唯一解決辦法
個風扇實質用途其實係用嚟差電插耳機 填補耳機插口唔方便問題 降溫功能唔太覺得
影相同其他旗艦機比係差D 不過買佢既人都應該唔會用嚟影相
喇叭唔係廣告所講咁大聲

用左一個星期 整體尚算滿意 打機畫面同其他旗艦電話平板比真係流暢好多 試過就會知 機身發熱係有 但唔嚴重 所以我唔會用果個風扇 因為覺得麻煩 部機行緊既android 版本好多bug 好似單手模式竟然係左手 冇得校返右手 可能我唔識 有D 遊戲畫面兩邊顯示唔哂 等等 至於電量充足用一日冇問題 （個人）用7900蚊試下電競電話暫時都覺得滿意 因為蘋果三叔sony 都用過試下華碩啦

大電量，cpu顶级，喇叭好大声。

未有

打機，睇戏。

新機用2日就要去換機，要等到2O號至有貨😢