小米 Poco F2 Pro

評測報告

實拍照片

性價比超高
可能因為很少自拍, 全屏幕比想像好!
電量超勁,兩日叉電一次
可能之前聽得太多負評, 小米個介面有冇想像中咁難用

相機同其他旗艦始終爭少少

之前用開華為, 真心覺得好好用, 無奈新機不支援Google, 冇辦法之下轉會.
買呢部機都係貪佢個性價比超高.
好在介面後嚟可以整到華為咁樣, 適應完全沒有問題.
唯一缺點係有點重

跑分比一般865差少少
影相 防震差，甚至弱

唔防水
充電線幾日就壞，料差

位置會自動開，驚。
好多廢app我又唔用，又刪唔到。

充電快
mon靚
運行速度快
打機順唔熱
冇notch睇片超正
電量充足
遊戲模式好好用小視窗開另一app也很流暢
3k鬆啲有865機好抵玩
3.5mm
用慣大機唔覺重

充電時算熱
遊戲模式中小視窗咩app都有，但竟然冇ig，希望日後更新會有返
穩定性不及上部機p20pro
雙開時其中一邊會lag
喇叭聲唔靚
相機只算中上，夜拍燥點多
夜拍我覺得應該係中階機水平
主鏡、自拍人像面色偏白，面色唔夠紅潤會被拍得比較倉白
本來Netflix支援最高清畫質，更新後竟然downgrade左，只睇到SD畫質
不防水

先來總結，無論邊方便睇，呢部機都係極抵玩，本人3000左右買入，各方便都同旗艦大致打和、或只係輸少少，缺點上寫既都唔係咩大缺失，只係我同上部機p20pro相對值黎計，實際體驗其實都係好好，下面會詳細少少講。
先講最大缺點，更新系統後睇唔到最高清畫質Netflix應該係我認為最大既缺失，因為我都幾常用，希望之後會upgrade返，不然都幾失望，一塊都幾靚既mon睇SD，太大材少用。

865其實真係好快、順，同朋友打傳說對決，我次次都load得快過佢部XR少少，坦白講上到呢個速度，其實己經好夠用。另一方面，沒有對比沒有傷害，有次交換左部機打，feel到個mon有好明顯既落差，色水同細緻xr明顯低一個grade，有種落返iphone7既感覺...可能會覺得我有啲誇張，但我真係覺得佢部機有起粒粒既感覺...

速度黎講快過p20pro好多，不過穩定性就華為比較強，之前用p20pro極少彈app，不斷快速轉換apps都唔會有問題，一般睇網頁個呢啲偶然會有極輕微既卡，不過小米既ui有既小工具同個人化設計比華為豐富，新用時幾多驚喜。

我自己幾鐘意行山影相，日光充足情況下啲相都係旗艦級別，個個朋友都話靚，夜拍雖然完全比以前部p20pro比下去，但實際使用其實好少，所以冇咩影響。超微距幾得意、幾有玩味，留意夜拍模式只限主鏡。

其實我都用過2-3次iphone，但每次過去都帶黎好多不便，本來今次係想轉性價比較高既11，但跌左部華為用返零月ios真係覺得好多不便，求求其其都舉到幾個：
*本人工作好多時要係唔同地方接電腦傳輸檔案，An機直接當電腦手指，入檔案落機後再edit都非常方便，唔使兜個大圈
*Apps係桌面點擺都得，我有自已慣性擺位分類，用an機我搵apps超快，轉ios我點執都覺得佢只係一堆野
*雙開..原因唔解釋了
*好多生活上既小設定，An機多元化好多，用過an機既鬧鐘返返去ios，簡直覺得大倒退，好聽就簡約，唔好聽就簡陋
*行山影相（以去到11個代計，12未算普及），An機影出黎真係靚，啲色彩好鮮明，你話失真，呢點係真，因為通常影出黎比實景更靚，但未至於覺得假，我所有行山朋友冇人會因為咩airdrop方便而退而求其次用i機影張冇咁靚既相，行山iphone次次都收皮
*我用左幾年都仲係睇唔明iphone啲相係點分類，駁落電腦後變左一堆野，想搵返某張相，要一個一個flie搵
*Weekend有時會玩下deliveroo，An記可分開唔同通知既鈴聲，所以邊個聲代表有單、邊啲聲可以不理，好明確。ios冇得較，咩狗屎垃圾通知我都要拎部機出黎確認

- 規格強勁，驍龍865+8+256GB，幾乎係旗艦級，用落真係幾快下
- 芒夠大，比MATE30仲要大少少，全屏芒真係好正
- 有3.5mm耳筒，呢個對我黎講都幾緊要下
- 電夠勁，尋晚訓前叉爆左，今日返工用左成日5個幾鐘，仲有一半左右電
- 指紋解鎖幾快下，仲快過部mate30
- 價錢抵，4399呢個價比人鬧爆，但我係CMHK用3249呢個價入手，抵
- 同MATE30一樣有快充

- 佢粒865理論上應該勁過MATE30粒990，但用落無MATE30咁順，華為呢方面真係做得幾好，我無諗過POCO咁既配置，用落竟然會有少少LAG既情況
- 單喇叭
- 無得擴充卡，不過對我黎講唔算係缺點，因為MATE30 128GB我都用唔曬
- 重，MATE30已經幾重下，POCO仲要重多少少
- 厚，戴埋套仲厚，不過要大電就要犠牲
- 接收好似無MATE30咁好，今日玩FB鬥地主斷左兩次線

我係由華為MATE30轉會過來的
當初揀MATE30，係因為除左無GOOGLE，其他各方面都好合我胃口
但用左半年，原來無GOOGLE真係幾唔方便
見到小米呢部POCO機整體都好接近MATE30，於是就毅然轉會
華為我用左4年幾，無可否認佢啲機真係一流，用耐左仲係咁爽咁流暢
奈何最衰無GOOGLE，如果唔係我真係唔捨得轉走，因為佢其他型號都有令我唔滿意既地方
呢部POCO係我筆直裡就幾乎有曬我想要想有既野，3249呢個價性價比係幾高
呢個亦都係小米機既出名之處
以前啲人話小米機造工差，無其他牌子咁襟用，不過近年都開始見到佢既進步
希望呢部機生生性性唔好令我失望，我係打算長用的
第一次用MIUI介面，仲要習慣一下
老老實實呢部機我會比90分，除左唔夠順同接收呢兩個大問題，其他我都好滿意

留下師兄又話驚送中,又話私隱乜乜乜,咁咪用番三星同蘋果囉！既然咁驚點解仲要用？有啲骨氣好唔好？點對得住啲手足？

咁嘅價錢,冇缺點

我擺明係支持國產機的

差唔多頂級配置 - SD865
全屏幕 - 冇釘孔
電量足 - 足夠用一日甚至兩日
快充 - 充半粒鐘夠用一日
有3.5MM耳機插口 - 我鍾情有線耳機
雙卡
MUI12 介面好靚
有提示燈

單喇叭
喇叭偏細聲但音質中規中舉
冇得插SD卡
冇高刷新率螢幕 - 中階手機都已經有但呢部都冇
偏重- 過200克
音量鍵偏硬
唔防水 - 升降鏡頭都應該冇乜可能有防水
小米跟機APP超多廣告，但大部份都可以熄咗佢

之前用ONEPLUS5，都用左三年，想轉部頂級機，本來想轉OP8或者OP7T，但OP8行貨唔平，OP7T水貨都三千幾，咁啱見呢部減價，三千六有找，重有兩年行保。本身都擔心升降鏡好快打柴，但有兩件保，打柴都唔緊要。
老實講用開ONEPLUS，都真係唔想轉會，佢個介面好順好好用，宜家要重新適應，用咗一個月，都算滿意。呢部性價比超高。雖然話冇高刷屏，但我從未用過所以唔覺得有問題。我覺得夠平，夠快，兩年保，全屏，有3.5MM，整體嚟講都好足夠。如果你唔係介意國產機同送中問題，呢部值得推薦。