某個寒冷清晨,在鄉郊見一老者,頂著寒風為他的小菜地淋水,好奇心驅使下,與他傾談一會。
攝者:「老人家,咁凍都出黎?」
老者:「唔照顧D菜,會死架,死左就冇得食架喇,我地呢D窮人好慘架。」
攝者:「咁政府唔係有綜援咩?」
老者:「D綜援得雞碎咁多,點夠食,邊夠用吖。」
攝者:「咁,就黎有新特首上場,到時經濟好左,會多D照顧你地囉。」
老者:「特首只會理個D地產商、大商家、大政客,點會輪到理我地呢D窮人吖,經濟好唔好都唔關我事啦。唉,小朋友,想生活就要靠自己。」
有時,照片背後,都有一些生活小故事。