1)電子觀景器很清晰, 轉接手動鏡看得很舒服
2)機身防震有效, 不如M4/3變態但晚上都可以應急
3)CMOS不設 Low Pass Filter, 畫質更清澈
4)機身堅固, 造工好, 沒有低階機的塑膠脆弱感
5)支援雙SD卡, 更有保障
6)操控按鍵分佈合理, 可以快速更改設定
7)可以儲存多個拍攝設定, 還可以自訂名字

1)用電快, 拍一整天要帶3電或以上
2)手機連接Wi-Fi反應慢
3)螢幕可以調角度但不可以自拍
4)LiveView 拍攝時, 畫面有時會有時滯
5)673克重量, 比一些FF機更重
6)單反造型, 不夠文青靚仔

5星評價是建基於現在5000左右的二手價
X-H1優點缺點都很突出, 最大優點其實是親民的二手價, 不像其他型號, 明明是閹割, 連EVF都沒有的入門機一樣要付出溢價。想體驗富士色彩, 又不甘心付出那麼多溢價, 這台前旗艦在很多方面都是優質之選, 至少耐用度很有保證。缺點當然有, 不過價格已經反映。
單純想要一台文青機型, 擺擺造型, 耍耍帥, X-H1就不是一個好的選擇。
工作用, 因為用電比較快, 也不是一個好選擇。
隨拍, 生活紀錄等就很不錯。

1.Crop相功能方便易用，喺機身上面撳一下個掣就可以直接揀28/35/50/75/90mm，容易做到理想嘅構圖。
2.Leica Looks嘅濾鏡效果唔差。
3.快門靜，機身算係比較細，街拍冇咁易俾人發現。
4.大光圈散景頗為圓滑，個效果幾好睇。
5.日間影相對焦速度快，準確率高。
6.我喺日本嘅Leica Store買返嚟，扣咗稅之後大約$42,000港紙，有埋三年國際保養。呢個價錢買到部機其實都幾抵。
7.叉夠電之後電池大概夠影到300張相左右，對我嚟講都夠用一日。
8.金屬機身

1.夜晚影相就算開到最大光圈，都係會拉風箱，同埋準確度大概係日間嘅一半。
2.連接有啲廢，即使更新咗最新嘅FW，過相效率同速度都要睇部機心情，有時等一兩分鐘就得，有時就要等差唔多半個鐘（要等半個鐘嘅原因主要係因為部相機自動切斷咗WiFi 然後要重啟相機 不過重啟完都係照舊）
3.唔係所有SD卡都同部機夾，個人經驗係唔好用Sony Tough，因為基本上部機發生問題嘅時候都係用Tough SD卡，用Kingston或者SanDisk嘅卡就比較少問題出現。與此同時，用嘅時候要注意返SD卡唔好擺太多相，大概擺張卡容量三份二以內嘅相就比較少機會發生連接問題。
4.會hang機，尤其是夏天。試過好幾次夏天大約30度左右攞出街影，結果部機一開機就hang咗機，介乎喺開咗機同未開機之間，但係冇得直接重啟部機，要掹電池再插返入去先可以正常開機。
5.配件喺Leica Store好難買到，香港Leica store大部份Q3配件，例如快門鈕喺舖頭係完全冇貨，要等一段時間先有、鏡頭蓋嘅話就剩係得陳列品可以買，要等陳列品賣咗先會再返新嘅鏡頭蓋。
5.無線充電手柄充電速度唔算特別快，不過如果冇咗個手柄嘅話就用唔到無線充電功能，同埋個人實測咗唔係所有無線充電版都可以用到部機嘅無線充電功能。與此同時，手柄同機身嘅黑色係有明顯色差，喺比較光嘅地方更加明顯。
6.Leica Look嘅濾鏡喺2.05版本嘅firmWare已經出咗七款，但係同一時間你只可以安裝到六款濾鏡喺你部機入面，如果你想換第七隻濾鏡嘅話就要刪除咗之前安裝嘅其中一隻。

我會話Q3喺街拍方面係一部幾好用嘅機，出到嚟啲相嘅效果一流，但係喺使用上嘅方面就比較多缺點。
我買嗰部機係二四年六月中出廠。當時個FirmWare更新版本已經去2.03，不過用起嚟我遇到嘅情況都係同樓下嗰位師兄差唔多。如果唔想睇咁長嘅內容可以直接參考留下嗰位師兄嘅評論。

關於用呢部機嘅少少個人建議：
1.一定要買返thrum grip，佢會令到你攞起部機嘅時候隻拇指會舒服啲。
2.過相嘅話盡量喺電腦度搞，唔好用手機app，因為個手機app唔係太穩定。
3.SD卡唔好用Sony Tough
4.SD卡容量淨係用三份二就好清一清啲相。

White balance 準確 色彩靚， 今時今日當然有很多人覺得用起來不方便。 但明亮嘅觀景窗和拍出來的相片富士的味精絕非尼康的味精可以相比。 不要衹考慮像素ccd的成像是非一般的味道。

全自動乜都唔洗攪,易用,電強,唔太重,相靚補返好多一大堆缺點.德國嘢喎,點都好過日本嘢掛??

買咗佢,你要包容佢好多好多缺點.所以缺點亦係優點.唔係點對得住個價錢???? 鏡頭蓋唔見咗,電池粒扣又咗,唔好介意,你自己手粗心粗.
無錄影,無濾鏡,無機身防震,...全部係優點.可以專心去影一幅相,呢部機無多餘嘢,衹係一部影靚相相機.

2024年同2012年科技好難比,如果唔係LEICA,會覺得佢係一部好貴嘅傻瓜機 ,乜都慢,影完相吓吓要裁,如果要贊贊相靚,電強,電池啲甩咗都無問題一樣可以用,仲有二手價幾好,易放.人有我有,

1. 對焦好強
2. 4千5萬象好好用
3. 眼控對焦好實用, 好似玩緊Ironman 咁
4. 高ISO 0既相都好滑, ISO10000都好ok
5. Stacked sensor dynamic range 冇講到咁差, 其實overexpose 少少, Lightroom 拉一拉 再denoise 完全冇問題
6. Canon 機操控係最順手
7. RF小三元1435同70200又輕又實用
8. pre-capture 15 frame 好好用
9. CF Express Type B 不停影左百幾張CRAW先爆buffer
10. 滿電,影CRAW, 影到1700張先冇電

1. CF express type B 唔平
2. 唔係重, 不過就一定唔叫輕
3. 試過connect 住mobile app 影相hang機
4. mobile app 成日彈app
5. RF大三元1535 同2470好重, 拎出街負擔, 抬上山係負累
6. 要買新電, 冇得用副廠, 好貴.....

第一個出R5II 用家心得~
上過山影風景,去過海邊影日落, 出過外面影雀仔同蝴蝶
用過6D, 5DIV, R6II

R5II 係一部好有誠意0既機
睇spec以為差唔多, 不過用落完全唔係果回事. 由R6II upgrade 上去分別好明顯. 以為淨係多左2千萬象, 其實各方面都有upgrade

1. 4千5萬象去影生態相, 可以勁crop真係好正
2. 眼控對焦帶眼鏡其實好準, quick key 去roll 機制, 食指㩒一㩒隨時開關
3. Youtube有秘技, quick key可以由傳統快門轉無聲快門(電子快門), 再有quick key 開 H+ 超高速連拍, 要㩒住quick key再㩒快門, 即變30FPS, 好似開turbo咁好方便
4. 影雀仔同蝴蝶個對焦係,你隻眼睇唔到, 部機對到
5. 冇拍開片, Video 答唔到

顏色: 是驚豔但自然甜美, 直出不下於以往的CCD色彩, 顏色冇得量化, Spec. 唔會話到比你知, 第一次影完RAW在電腦前時已發覺D顏色咁既?! 都唔知仲可以tune D 乜野好, 根本原RAW已絕對可Jpg 直出 (打比賽可能例外)

2019年既科技, 機身會有D發熱 (可接受範圍), 起碼玩試過連玩幾日, 全日開都未死過機, 就算後期2020年既R5都成日….(自己Google)

追焦遠不及N, C, S 啦, 但單次對焦絕對不差, 可能打個平!
註: 主體如在暗位內(如山洞, 草叢內) 自動對焦有機會可能對唔到焦, 都要睇下幾暗既!

小重, 但男人冇所謂!

電池: 唔知點講, 比其它無反已大舊左唔小, 仲想點? 全日兩三粒啦, 計埋色彩只係小事!

我是2024年8-9月最最最尾水仲未出下一代前在外國買的, 用左約2個零月, 影左幾百張相. 已知哂所有缺點先買. 用途主打手動舊鏡, 所以自動對焦沒所謂. 傳聞S1R係同Leica SL2 一樣, 設計時已特別考慮到配合Leica 手動舊鏡對焦. 其實其他牌子手動鏡加接環都一樣用得, 冇所謂, 絕對係配合手動舊鏡之極品!

差唔多盲嘅都對到焦! 以前玩過好多機身話可以手動對焦, 不過算把啦, 對到都仲要快及準㗎嘛!

色彩上終於可以放下CCD既心結, D色真係不錯 (就算唔tune 黎計)

等待下一代旗艦的色彩!

色彩同C/P 值係滿分!

平,係呢樣,同期長焦平民機,可以話表現最差/

比同期sony hx400v遲半年出機,除咗zoom遠少少真係少少之外,個觀境又好少少,其它比sony 差好多,最明顯對焦,真唔明明顯針對sony長焦平民機,人哋出先,你都贏唔到人,買你做乜?? 所以賣走canon,留返sony

細,成像都好靚,

用2013年比好難比較,總之用得開心,

今時今日摷返幾部舊機出嚟玩,先發覺呢部機仔好靠得住,可能係韓國做,所有功能無問題,同年份幾部,S,C,N傻瓜一唔係化MON就係掣有事,做唔到呢部三叔仔仲好忠誠咁開工,睇返成像,色靚過好多機仔,唔好用成萬銀比,你會發覺好好用,細,電仔都仲用得,讚