V50主機 及 v50Dual screen 現貨 $2899up
查詢購買whatsapp 64220422 MANDY

LG 首款 5G 手機！ V50 ThinQ 測評

雖然香港還未推出5G網絡，不過鄰近地區好似韓國咁，已經有5G手機上市，現時韓國市場上分別有 Samsung Galaxy S10 5G 及 LG V50 ThinQ。而在近日，繼Galaxy S10 5G 水貨到港後，LG V50 ThinQ 水貨再度到港。今次小編就有幸借到 LG 首款 5G 手機來測試，睇睇 LG 的5G 手機有無吸引人的地方？

▲先講講外型設計，LG V50 ThinQ 在設計上比 V40 ThinQ 改了不少，雖然機身正面都是採用瀏海屏幕設有，由於沒有改用水滴及開窿的設計，這點真係有少少失望。於瀏海部份內，設有800萬像 + 500萬像雙自拍鏡頭及聽筒。

▲不過於機身背版就有別於上代，採用雙面玻璃設計，令整部手機更靚仔，而在鏡頭位置上，雖然同是搭載三鏡頭，不過今次的横置三鏡頭及LED 補光燈就藏在機背的玻璃內，並沒有突起。至於指紋識別器就設在鏡頭的下方。而LG V50 ThinQ 在手感上都比上代好，唯獨重量達 183g﹐比上代 V40 Thin Q 重了14g。

▲而機身底部就設有金屬接觸點，是用來連接雙屏及其他模組之用。

▲機身右側設有電源鍵及 SIM 卡槽，由於 LG V50 Thin 是韓版，所以只支援單卡及 MicroSD 擴充。

▲至於左側就設有音量鍵及 Google 助理專用設鍵

▲機身底就有齊3.5mm耳機插槽﹑單聲度喇叭及Type-C 充電接口

▲在系統方面，LG V50 ThinQ 預裝 Android 9 系統，介面功能與 LG G8 相同，至於128GB 版本扣除系統後，仍有約 105GB 空間供用戶使用。

▲系統內設有App Drawer 介面﹑原裝介面及 Easy Home 介面供用戶選用。

▲與早前其他採用瀏海屏幕的 LG 手機一樣，於介面內可以選擇瀏海部份的顯示範圍。

▲由於 LG V50 ThinQ 內置32 bits 的 HiFi Quad DAC﹐於系統介面內設有音量調教的選擇

▲還加入了迷你檢視功能，用戶只耍於導行鍵向左或向右拉動就可以將屏幕縮細,已便單手操作

▲規格上，LG V50 ThinQ 配備 Snapdragon 855 處理器，内置 Snapdragon X50 5G 調制解調器，内建 6GB RAM + 128GB ROM，電池容量為 4000mAh等。

▲於各項跑分成績中可見，配備 Snapdragon 855 處理器的 LG V50 Thin Q 的得分與其他同級4G手機成績相近。

▲而於Benchmark 續航力測試上，內置4000mAh容量電池的 V50 ThinQ 表現比其他旗艦較優勝。

LG V50 於功能上，除了5G 網絡比較吸引外(可惜香港未用到)，其他功能都與 LG G8 相近，不過考慮到 LG V50 ThinQ 水貨價都只有$5,780﹐如果要入手LG旗艦的話，識揀一定會揀 V50 ThinQ﹐至少將來香港推出5G時即時可以使用得到。