Fujifilm X100V 銀 行貨
2020-06-17 DCFEVER 買入，有單有盒，所有野齊95%NEW吧，驗屍官免入吧。
交收時任試吧。星期六下午，沙田或旺角區交收吧。搵個位坐低，慢慢試吧，如果可以。就賣家啦。唔補相片啦。都系果，可能有意外驚喜呢。

多一粒未開原裝電。你唔要，我減100吧。多一個JJC 金屬手柄。要埋啦。唔要減$50。代用轉接環，UV filter，金屬遮光罩等，你都可以唔要。唔要都系減多$50。32G 卡吧。唔要減$30。全部都唔要減$230。即系最平8150。成個場，最平啦。哈哈，睇番我信用評級啦。都但幾十元。都唔急賣。

香港人，笑下啦!
今日有個同事響MEMO紙寫比我的。就系因為佢呢個舉動，只要交收果時你肯同我簡單笑一下，我肯定減比你。減幾多，睇心情啦。

哈哈，唔知幾時開始，我鐘意左呢個同事，但佢永遠都唔會知。我想佢知，但唔會比佢知。好矛盾。太多原因啦。唔好食甘多薯片啦，健康一啲。另外我系有心編你多少少日子WFH架，系有心架，編左就真系想你響屋企休息，你就唔好特別為一啲小事番OFFICE。雖然見到你，我會開心啲，心定一啲，亦都少左主動搵人嘈。哈哈，阿WIN，你知唔知道呀。

註: 阿WIN系女仔。個名系我私下幫佢改的。平時我唔會叫佢阿WIN。我叫佢WINNIE。

曾經有一次我響OFFICE影窗外風景，你行左入來。我差唔多忍唔住手，影你架啦。不過最後都沒有。到依家我真系一張你的照片都沒有。不過都沒有所謂啦，從來呢啲影像都系放響心入面，收得最密，亦都系最美。系最美呀，阿WIN。你系最美呀，只有一，沒有之一。