[mini_mashimaro]

如題
THX

[Velsper]

^___^
不如你又期望一下,下一部機會係點啦~

[mini_mashimaro]

唔係呀﹐ 如果就快出新﹐ 我唔買10D﹐ 我重考考盧緊買唔買﹐ 我驚一買就出新
10D依家幾錢呀?

[Velsper]

我諗, 下一部10D後繼機至少要半年後先出
不過我對300D既興趣比較大D
(因為數碼相機都唔會預佢用好長)

[Brian Yeung]

D30 同 D60 就差年半
D60 同 10D 只係差11 個月

如果係咁我覺得
Canon 好快就出新機
可能出年1月就會出新機

不過Canon 既10D adv 仲賣緊

[andrew]

>> D30 同 D60 就差年半
>> D60 同 10D 只係差11 個月

又唔可以完全用呢個 logic 推算既...
如果咁講法... 哈哈... 出多幾次咪個個月.. 甚至日日出新機?!?

總之等機係冇意思既.. 有需要就買.. 唔好買左唔用就得架喇...

[mini_mashimaro]

我想問依家10d一手同二手價幾多錢呀?

同埋10d同300d我見o的功能好似差唔多，其實我想問功能上最大分別係咩呀?
thx

[stocklaz]

連有咩分別都未知就唔好霖住啦, 你看看 d preview 及 review 先啦, dpreview 有很清楚的圖表...

我相信canon 就算出新機, 都唔係10d 這一級數的, canon 應該會有d 動作來和 d2h 對戰...

[lunerelf]

其實你地想買10D就買吧,唔好等佢又出乜乜新機喇.
我都係個幾星期前買左,無容置疑,10D的確係一部經典.
你會愛上它的,我現在簡直愛死她了.
清脆的快門聲,高速的對焦,和拿在手上那高貴和實在感,
實在令人愛不釋手.
事實上你想買也不一定買的到,除左有D舖頭收收埋埋.
大部份的香港店10D已經斷了貨.
這情況唔止係香港,DPREVIEW里的討論區,無論在美國,歐洲,
10D都告斷市.根本供不應求.
至於300D,我會建議休閒式用的話,會比10D好,因為佢好多ADVANCE
功態無左.唔可以選測光,唔可以選對焦方法,唔可以做一堆CUSTOM的設
定.如果你用落去,真係想好好學影相,會發現300D好多野FULFILL唔到你.
但如果齋計一按就拍出來的原廠設定,300D出來的畫面要比10D SHARP
和靚,10D就要你自己調一下.
色彩還原方面,如果你一向玩開傻瓜數碼機,一開始你會忍受唔到單鏡機
的所謂真實還原.又唔夠SHARP,顏色又唔夠奪目,平平凡凡的.
但不用多久,你就會發現到,所謂忠實的還原,就是該如此...

[mini_mashimaro]

咁我想問用dslr機色彩還原又唔夠SHARP,顏色又唔夠奪目,平平凡凡的，咁用dslr影o既相，張張都要用software執?
咁咪好煩?
我未用過，可以指教下嗎?

[lunerelf]

其實,佢地唔係唔夠SHARP,而係比較上很中實地還原.
一張成像出來,你完全唔執,拎去晒相舖晒出黎,基本上
同菲林影係好似的.
我地一直玩開DC,基不多所有由SNAP機到半專業機,
都沒有原本直接記錄在CCD上成像給你看,而是經過
了DC內的處理器,加SHARP,加色,加對比,就像DC內置了
一個小型PHOTOSHOP,所以東西出來色彩豐富到不得了.
但係現實世界並唔係咁.
我相信大部份人都會比DC催眠了,接受不了DSLR的所謂
忠實還原.但只要你跨過了第一關,慢慢的,你會發現,原來這
樣的相片,才最感動,而不是糊糊的給妳加了大堆顏色的假像.
情況就好比比了粧的美人,和不化一點粧,充滿自然美的美人...

有人不愛後制,覺得麻煩,但其實這是雙刃劍.DSLR給你權力,
自己決定相片最後如何,如果你要懶,想別人幫你決定的話,
那一般DC是比較適合的...^_^

[mini_mashimaro]

咁我想問o的大師傅用slr 影完o的靚相，咁個樣都可能唔係我o地睇到佢o既作品o個時咁靚，其實係執過晒?

同埋我想問用slr/dslr o既相真係多數都要執先會靚?
有冇得影o個時同出o黎o個時都係咁靚唔洗點執?

我係新手，咩都唔識，成日覺得執相好似變左唔係真真實實咁影到當時o既景象咁，但係係咪個個大師傅都係影完張張執o架?

請多多指教!

[~ Bird ~]

mini_mashimaro : 我用菲林機的 !!! 我都冇本事自己沖相 ~~~~~ 我雖然唔係大師, 但出來都有唔少好作品 !!! 所以唔一定要執過相先叫做靚 !!! 咁當然如果執得好就錦上添花啦 !!! ^_^

[lunerelf]

mini,

你問的得好,事實上,大師嘛,沒有數碼時代,仍一樣有黑房技術,拍攝時一樣有
一大堆濾光鏡比佢用,所以,拍出來的,是否一定真實呢?這真是可圈可點.
而事實上,相片本身的先天因素,已經係唔可能有所謂真實的東西了,因為我地人眼可以感受到約十三,至十四級的動態範圍,但菲林只有5級,數碼就再差一點.
所以,只要拍出來的東西,愈接近我們肉眼所親見的,我們便可以說他接近真實.
其實,我最初由G3轉左去10D,我真係接受唔到10D個D成像,日日拎住以前G3
個D靚死人的照片(以前一直覺得G3色彩還原好的不得了),差D想丟Q左部
10D.後來,拿回以前的相簿,突然若有所悟,立刻拿出10D沖成照片的相來看
(那些照完全未做過後製,直接拿去沖晒的),發現10D的色彩和表現,像極了
以往一張一張的照片,那刻的感動真的難以言喻,一直想買回G3的衝動剎
那間煙消雲散,10D變成了我的最愛.後來上去知名網站dp-review討論區,
才發現無數人都像我這樣走過來,從接受不了,變成愛死了它,直至這刻,我
還沒遇到一個最後不接受10D等DSLR的表現的朋友.如果你踏出了那一
步,你很快也會和我一樣,親身經歷那個轉變的過程,特別是你在後製過程中
,發現很容易便可以把10D的照片轉的和717的色彩,或G3的色彩差不多的
時候...

你說不喜歡後製,總令你覺得好像把真實的東西改變了.事實上當初我也會
這樣想,說服不了自己.但當你明白到,事實上所有DC都是內置經過了無數
後製才呈現在你DC的LCD時,那,和你自己去修改了,有甚麼分別呢?大家都
是改變了真實,只不過一個是你可以選擇改或是不改,另一個是你必須接世
它為你固定修改了的世界罷了.

最後,10D的畫面,就算你不經後製,也不會難看的,只要你看舊照片時不覺它
們難看,10D會令你非常感動,特別是當你用便宜的六百多元,添置一個CANON 50MM F1.8定隻鏡時.它的表現,會令你感動的流出淚出.超淺的景深,
銳利而自然的線條,這才是拍照!

P.S.如果你真的接受不了很真實的色彩,其實10D裡可以讓你先決定銳利
度,反差,光暗,飽和度等,你橧加了它們,拍出來的照就算不加後製,也不會比
其它DC遜色.只不過你很快會寧願不用它就是了. ^_^

[stocklaz]

其實無論如何, 都沒有辦法做到 100% 的正實色彩還原的, 不論係 ccd, cmos, 還是菲林, 都只是模擬.

兩個觀點, 第一, 你視攝影為反映真實現象的紀錄, 要追求的就是真實, 但何為真實?? 人的肉眼是不會看到淺景深的效果, 那是否一定不會影??? 還有很多問題, 色彩也還不了最真實的, 所以很多紀錄相都是黑白的...

第二, 你視攝影為一門藝術, 所以真實不一定要, 反而當中所帶出的感受, 角度, 或表達, 比起一切更重要...