[wing2010]

我今天從網站看到兩份samples:

A1

http://www2.konicaminolta.jp/english/products/consumer/digital_camera/dimage/dimage-a1/sample.html
(左上方的人像相)

S50

http://www.dpreview.com/gallery/canons50_samples/
(第13張人像相)

當兩張相都以full size來觀看, 好明顯S50的相片質素仲好過A1! Minolta花少大量人力物力去研究甚麼3D追焦, 防手震, 郤搞不好成像質素, 真令人失望!

[pk0556pp]

點解你唔用返dpreview.com嘅A1samples比較？

[wingmak]

你有無睇過d相係用幾多快門影架？
A1的相係用(1/80, 1/40, 1/160, 1/30, 1/320)多數係較慢的快門
S50的相張張係用幾佰份之一，多數係較快的快門

當然有分別，唔關部機事

[BIG HEAD MAN]

評論相片質素,不要盲目只從網上定論,用家親身體驗先至實際!

[haiqunchen]

甘樣得看法好片靣著
f200，f300係列都是使用gt鏡，本身的相片質素都不比s50差，雖然a1不是f200，不可以簡單甘比較，但是就各個論墰的sample來講，a1不會比f係列的成像差啊
如果相片是在相同情況下炤齣來的話，可比性會大些，單單從不同地方的相就話a1比s50差，不公平咯

[@香港熊@]

竟然拿a1的原圖和s50 的小圖比.....真是..........
我認為A1個張靚D wor

[wuky]

等等DPReview的full review才下結論吧。
不過，A1的offical sample又真係嘛嘛。

[wuky]

有誰知道minolta係中環IFC mall的show room
有A1實物試玩嗎？

[kyohsey]

你有冇用過A1?你單睇張相就咁下結論
我用緊A1 ，就唔覺比S50 差

[daimonster]

Wuky,

The showroom in IFC was closed and moved to the Quarry bay office.....

[Velsper]

你話minolta d機相質(銳利)比canon差, 我唔會否認(甚至有d認同)
(我有D7同F100... 也覺得A1相質唔係好D7好多)
不過用左咁耐,我冇乜聽過minolta鏡頭出名銳利(才疏學淺),
而且5mp又唔會100%大睇相,問題唔會好大.

相反,A1所有的(新增)功能, 係其它prosumer 機冇既. 28-200mm 2.8-3.5鏡的方便,更加係一機通行. 所以單就相片而評論一部數碼相機, 我覺得唔夠全面.

[wing2010]

趕左幾日功課, 今日終於得閒上黎. 先回左較易答既回應先.

回BIG HEAD MAN:

如果連相機網站既Official sample都唔可以說服我部機既相係掂既, 咁我又點會願意花八千大洋去親身體驗下部機係咪掂呢? (而且, 我都睇過晒呢度全部有講A1既人既profile, 都無人post過A1既相上黎.)

回@香港熊@:

我post上來那條link是那幅相的位置. 你開入去, 下面有個位可以click入去睇原圖. 希望你唔會誤會我會那麼笨拙, 用小圖來比原圖.

回pk0556pp:

原因我會在下面講.

回wingmak, haiqunchen, kyohsey:

首先, 我要強調, 我唔係專業攝影師, 我只係一個鍾意影相既業餘人仕. 所以我唔會好清楚, 一個靜止的影像, 用較快的快門和較慢的快門來影, 會有多大的分別. 另外, 我亦從很多渠道中知道, 就算部機話佢用幾好質素的鏡片, 其實都只係講緊其中一塊起, 兩塊止咁大把. 兼且, 靚相唔係只源於靚鏡. 如果出黎既相唔得, 就算佢塊境靚到識飛又如何?

言歸正傳, 我會覺得A1既相片質素唔及S50, 係因為有下列既原因.

首先, 張相係M記放上黎既. 佢一定係最熟悉呢部機既優點同缺點. 咁, 一間設計呢部機既公司, 搵一個(甚至可能幾個)最professional既攝影師, 安排最善於發揮呢部機既環境, 然後用呢部機去拍一大堆人像相, 再從中揀一張最滿意既放上自己公司既網站去做official sample, 遊說消費者去購買呢部機. 咁, 我係咪有理由可以相信, 無論呢張相用咩方法, 角度, 光圈快門等等, 呢張相已經係呢部機最best既performance呢? (除非, 係部機掂, 其他因素(如攝影師)唔掂啦!) ? (反過來說, M記也一定明瞭這點, 所以不是最好的, 我想他們都不會放上來)

第二, 當我事但係一個網站入面, 搵一張唔知從咩來源攝得既相片(相同像素), 去同呢部機最best既product比較, 而我仍然覺得呢張相唔掂, 咁我得出上面subject既結論, 算唔算唔合理呢? (不過, 咁岩dpreview仲未有A1既sample可以用黎做比較, 算係有少少美中不足啦!)

第三, 其實除左呢張人像, 你地都可以用full-size睇下其餘果三, 四張sample (不過要先睇過S50果張sample先, 有比較先至會有較深刻既感覺), 當你地仔細睇既時候, 你地或者都應該會發現, 果堆sample既畫質同紋理, 其實都係唔夠清晰同銳利的. 當然, 好似velsper咁講, 可能大家平時唔會用100%去睇相, 但係呢個唔係問題既重心(而且, 如果d相要用細size黎睇先靚, 咁我不如買部4m機算啦, 駛乜俾咁多錢M記賺). 我只係想話「A1既相片質素, 連S50都不如」罷了. 至於是否全面既問題, 我只係識講: 無論相機有幾多function, 最重要都係出黎張相要靚. 如果張相唔得, 我相信唔會有人為左function去買一部(貴)機. (velsper, 我只係有話直說, 如有得罪, 請勿見怪)

第四, 我雖然唔識咩高深既攝影理論, 但為左偷下師, 我大大話話都係呢個網睇過數以百計, 甚至千計既相 (尤其係大家post上黎果d, 其他網站未計). 張相得唔得(剩係講畫質), 我諗我用直覺同經驗黎分都唔會差好遠 (我相信, 你地都會有呢種經驗). 而且, 我以前曾經用開S45, 所以當時當我一望落A1既sample度, 我個眉頭已經開始鎖緊, 當我望晒咁多張sample, 再望完S50果堆同我自己以前用S45影落果堆, 我已經可以好確定, 果幾張sample真係一d都唔掂, 我仲好慶幸, 自已仲未拎錢去進貢! 仲記得當日, 當我睇完部機既功能介紹, 我都好似一般發燒友咁, 熱切期待呢部機, 仲四圍去格價. 不過而家, 我都係合埋雙眼等DMC-FZ10了(價錢平兩成, 功能FZ10稍遜, 但係d sample睇落都幾好, 又可以加鏡)……..

最後, 多謝wuky同velsper認同我既觀點. 畢竟, 買了這部機的朋友, 看到我的subject一定會覺得心有不甘吧……呀, 我仲要聲明, 我同cannon一定都唔熟的, 我只係想表達一下自己果種其待越大, 失望越大既感想吧!

by the way, 睇過咁多相, 我覺得5050, 5700同300d既成像真係好正, 唔知你地有無同感??

[crazyleaf]

FZ10 d sample睇落幾好? 唔係下嘛, 你係邊度睇呀
我睇過佢d official sample, ISO50已經勁多noise, ISO100仲......
A1 d sample好過佢幾十倍喎

[rrc]

回wing2010

睇過你兩條link有關人像o既sample, 首先我真係唔多明你點睇到s50o既sample比aio既sample好喎!因為由此至終你都無詳細講過ai幅人像點差法, 你只略略講過其他a1o既sample紋理比s50差!

斷章取義先, 我假設你比較兩幅人像用同一原則, 銳利與紋理, 如要比, 我得出o既結論都係兩幅相差無幾, 有幾個比較重點要注意, 否則根本難以比較, 一.相中人特點, 如皮膚,衣著等, 二. 景深問題, 三. ISO問題. 如果唔排除這些因素帶來o既差異, 你的比較好難會中立!

好! 我既比較開始, 首先a1o既人像model明顯比s50o既年青得多(笑), 皮膚也自然滑溜得多, 你要比紋理, 咁更係s50好, 因為model本身問題, 要比紋理或銳利度, 可用毛髮, 但在這兩張sample, 唔可以用頭髮....

因為第二點 - 景深問題. 如知道a1同s50o既spec, 應該知道前者ccd size比後者大, 亦會產生較淺景深(正如咁多人買dslr影人像貪個淺景深道理一樣), 影人像焦點通常在人物眼睛, 這兩幅samples亦唔例外, 從眼睛, 眼睫毛去睇, 兩這分別也不大. 衣服o既道理一樣, 再者, a1o既focal為117mm, s50為72mm (eqv to35mm cam), 所以a1 sample由於景深較淺關係, 衣服紋理自然無s50咁detail, 但呢個並唔係畫質問題.

第三點, ISO問題, ISO俞大, 畫像俞粗, 從sample中只知道a1用了iso100, s50用幾多根本唔知, 因為張相睇唔到exif, 但估計應該為iso50, 因為這是canono既default rate, 都會影響兩幅相畫質.

你地咁鍾意100%睇相, 我crop了原圖兩張相的眼睛, 大家可再看看比較比較, 看看a1是否真的比s50差呢?

最後, 始終等dpreview出a1o既review到時比較才較客觀, 就算s50 sample中也有很多很差的地方, 如第二張sample中的紫邊我相信有a1o既gt鏡下係唔會出見o既!

a1crop
http://hk.geocities.com/rrhkrrhk/a1crop.jpg

s50 crop
http://hk.geocities.com/rrhkrrhk/s50crop.jpg

[wing2010]

回rrc:

[一笑] 謝謝你的回應. 我的確係無辦法從專業既角度去詳細講A1張相有幾好有幾差, 因為我都講過我只係一個普通的消費者. 我所能說的, 就是我用眼看到的. 講番你既回應:

基本上, 我唔會要求兩張相用晒同一條件先做比較. 因為我既題目係「邊部機做得好d」, 而唔係「係同一條件下, 邊張相質素好d」. 當我想買機既時候, 我唯一既考慮點會係前者, 而唔係後者. 如果S50有本事用ISO50來影相, 而A1最叻只可以用ISO100黎影相, 咁我話A1(係呢方面)技不如人亦都係事實, 係咪?

至於你所講景深等等規格性同結構性既問題, 我亦於上文提過. 我唔會理佢用乜野方法同方式去整張相出黎. 總之佢post得張相上網, 咁即係代表用佢部機, 出黎張相既performance就會係咁(我相信M記亦好清楚呢個道理). 如果佢拍完晒咁多張sample之後發現有另一張相比post果張好, 斷估佢都會揀好d果張, 係咪? 然後我用它(們)來和其他機既sample比較, 咁我相信這已經是多數消費者的做法. (如果你要話唔公平, 我都無辦法. 世界本來就係咁. 我唔會理你用咩功能拍張相出黎, 總之你張final product唔夠人好, 就係唔夠人好. 你同我講張相唔得係因為咩咩原因, 咁其實都係講緊你張相唔得, 就係咁現實)

至於你話我講唔出咩唔好, 呢樣我就真係唔識得點樣用專業既方法去話俾你知, 原本我想俾d cut細左既版俾你睇, 不過唔知點解相片唔可以paste入個message度(我見過有人係呢個forum既message貼過d相上去, 但我自己做又做唔到). 我又無網頁, 如果有人知道點樣可以做到, 請指教!

最後, 至於你文中附上的link, 我也曾上過, 但geocities話無呢兩個pages, 唔知係咪upload有問題呢?