[ak47ml]

請問你們對Leica Diglux 2點睇?小弟對此機有興趣,請問各位有沒有人用過它的數碼相機呢?較果怎樣呢?請賜教!

[demon_toshi]

部機都未出街，如果有人用過既話，（除非德國班工程人員）否則就係吹水亂咁狗嗡，不過我一定會買，因為我鍾意儲leica 數碼相機

[ak47ml]

請問demon_toshi, 點睇Leica Digilux 1呢?不知你有否買呢?

[demon_toshi]

我伯爺，老豆，我三代都係ＬＥＩＣＡ　ＦＡＮＳ，我影相就屎過不碪啦，不過ＬＥＩＣＡ近年出果幾部數碼相機我都有買，因為我鍾意儲呀麻~_~

你問我LEICA DIGILUX 第一代，我可以答你唔怕大部既話已經可以，佢既鏡頭做得好好，不過因為佢出左都就快２年，所以佢ＺＯＯＭ得唔夠勁都可以接受，佢都幾易用不過部份制就唔算太就手，仲有因為佢個名叫LEICA既關係，原廠配件唔駛講就梗係貴好多，只有你接受到個價錢，豐澤現家行貨賣＄６６００好似，咁就可以入貨架啦，因為第二代佢稱為全手動數碼相機，我諗唔過萬都要９千架啦！＄６６００買一部４００萬左右既機要剋服心理關口，情況等於我用６千幾去買LEICA D-LUX(300萬)一樣，不過佢幾貴我都會買既^^

但係有一樣野你可以參考，PANASONIC DMC-LC5其實係同DIGILUX第一代一模一樣，唔同既只係顏色同牌子名！其他野連制都係一九樣，但係價錢都差成２千幾，水貨賣３千尾咁上下，如果你想試下可以去新世紀廣場PANASONIC專門店試玩完先去買水貨

ＯＫ！係咁多，我只能同你講價錢，因為我完全無影相技術可言，咩機去到我手影出黎都係垃圾或者鬼上身