[阿威]

各位好!我o係上星期買左部Sanyo Xacti VPC-J2,即係哩部: http://www.dcfever.com/cameras/specification.php?CameraID=341
有幾個問題想問:
1,唔同o既環境之下,iso應該點樣較呢?部機可以較自動/50/100/200/400
2,部機可以影0.3m/2m/3m/6m (m=百萬象素),但我發覺2m以上o既相放入電腦之後都好大張,我想要o既size其實係大約0.3m同2m之間.
問題:其實要咁大m有咩用?係唔係用6m影相,o係電腦再縮細返做0.3m o既size,比起就咁影0.3m o既相靚d?
3,連拍其實有咩用?如果要拍d郁o既野,唔係指片比較實際咩?
4,basic mode同expert mode有咩分別?咩時候/環境用邊個好d?

問住咁多先,遲o下再加問題,唔該晒各位!

[Philippe]

1.iso越細相片質素越好,如陽光下快門夠快或影夜景有腳架唔驚手震的話應盡可能用iso 50.但如果用閃光燈的話太低iso可能會前光後黑.建議用iso 100,至於iso 200或以上會增加雜訊,只在冇辦法下先用.
2. 你應該搵個好一點的睇相軟件,即係可自動fit張相去畫面的.2m足夠晒3R,3m足夠晒4R.至於6m係插值,用電腦都輕易做到,唔係咁建議用,只會浪費記憶卡容量.
3.連拍有兩個用途,一係就好似你講咁拍啲郁既野.效果唔同拍片因質素較高.另一用途係包圍曝光,拍多幾張唔同曝光值或色溫的照片去揀一張最好的.
4.呢個唔知,通常basic mode冇乜設定,方便啲.expert mode有多啲設定去適應不同環境,但較耗時間.

[阿威]

唔該晒!但我對於第1同第2條仲有d問題:
1.iso越細相片質素越好?咁我係唔係應該o係朝早一直用50?影夜景冇腳架就用100?定係較自動好d?
2.好o既睇相軟件...而家我用acdsee,都ok.
6m係插值,即係咩?唔明
而原本個問題:
係唔係用6m影相,o係電腦再縮細返做0.3m o既size,比起就咁影0.3m o既相靚d?(或者6m轉做3m來問)

[EdwardCCP]

咁連拍係咪愈快愈好?

[Philippe]

1.iso 50係質素雖然係好,但因感光度低所以快門較慢.容易手震,一定要光線充足或固定相機先可以用,其實iso 100一樣有同樣問題,但程度低一半.實際上呢,如果iso 50唔夠光的話, 多數iso 100都會唔夠光.咁你可能會話咁不如用iso 50咪得囉. 都可以咁講, 我覺得最大問題係閃光燈照片.一用閃光燈相機快門會自動跳去1/60s防止手震,對背景曝光不利.室內的話,iso 100可能人夠光但背景好暗,iso 50的話可能黑晒,如果用低角度影的話,可能人身夠光面已經唔夠光. 至於影夜景由於有腳架用iso 50較好.但留意有部份相機的Auto mode最長曝光時間只有1s,或有需要自行設定用長快門
2.acdsee係OK的,應可選擇fit window.相唔會太大要pan來pan去.
3.睇翻相機規格,有效像素只是3m,6m只是相機用軟件在空位加啲假像素上去.用photoshop一樣做到.用相機做就會用咗啲記憶位,影唔到咁多相.影6m轉3m我認為唔會靚過就咁影3m,可能仲衰.
至於連當然是愈快愈好.

[阿威]

3,其實我係問如果我用3m影一張相,2m影一張相,再將兩張相縮細到同一size,咁邊張o既積數會好d?
Sanyo Xacti VPC-J2 http://www.dcfever.com/cameras/specification.php?CameraID=341 o既有效像素係320萬像素,咁影6m o既相咪冇用?影3m就最好?

新問題
5,"白平衡"入面有得教晴天,陰天果d,但"螢光燈","白熾燈"同"單鍵操作"又係點用?
6,"測光方式"入面有"多區域","中心點"同"點",又係點用?
7,"點距焦"有得揀開啟同關閉,點揀好?

謝!

[Philippe]

3.如果係縮小的話,分別會睇唔出.事實上真係影3m係最好.插值係照顧唔用電腦的用家.實際上就算係晒相都不是大像素就好的.街外晒相係300dpi.可看下表最高品質所需解像度.
3R 3.5”x 5”要 1050x1500
4R 4”x 6”要 1200x1800
5R 5”x 7”要 1500x2100
8R 8”x 10”要 2400x3000
12R 8”x 12”要 2400x3600
過大的解像度並不會提高品質,因為晒相機已出盡.
5.由於相機的自動白平衡係跟據現場光源判斷,多過一種光源就好容易出錯.預設白平衡就係由用家自行判斷,例如晴天用晴天白平衡就冇咁易出錯.螢光燈或白熾燈我相信你要睇睇說明書,我相信其中一個係光管.單鍵操作即係手動,因有時判斷唔到屬於那一種白平衡或覺得預設值唔啱心水,就要用一張白紙或黑紙置於拍攝光源下作標準,相機對住一按就成.
6.至於測光,以一張有人有景但人背光的相為例.多區域會以整體為主,即係背景唔會爆光.但人會曝光不足.中心點會以對焦時中央部份為準,放棄其他部份,如果是人的話,人會曝光正確,但背景會爆光.至於點測光則是再收細測光範圍,例如人有一半給太陽照到就可只測暗部.
7.點距焦我唔知係乜,有冇英文的.

[阿威]

5,螢光燈 fluorescent
白熾燈 incandescent
7,點距焦係spot focus,個logo係AF-S

謝~

[Philippe]

5.蛍光燈即係光管,白熾燈真係未聽過,相信係光管的另一種,因為有些機有兩種光管白平衡的.最好自己試試冇偏色就用啦
7.相信係縮小對焦位置,我部機都有得揀對焦方格的大小,預設係大方格可方便對大件物體,不過有時要係啲窿窿隙隙中間向後景對焦就要縮小對焦範圍.

[阿威]

謝~
不過我都唔係太明第7
"點距焦"只有得揀開啟同關閉,點揀好?

[Philippe]

可能我解釋得含糊,普通影相多數係對前景,所以用大的對焦窗就會冇咁易對錯,有啲傻瓜機的智能對焦甚至只對前景,仲要買廣告話唔驚對咗兩個人中間搞到對錯焦.
但有時真係要對兩個人中間對焦窗太大就會阻住.這時縮小對焦窗就有幫助.
先聲明,我只係照字面估"點距焦"的意思,未必啱的,你最好試試.

[阿威]

謝~

[阿威]

再一次唔該晒!
而家我係用iso50,3m,sfine來影相,多數都係影朝早o既相,但我發現我部機只要有小小手震就會影得唔清(只係少少)
係哩一種機o既問題定係我o既問題,定係setting問題呢?
同埋而家買一張256mb o既sd卡要幾錢?512mb又幾錢?大約幾時會便d?
唔該晒呀!謝~

[Philippe]

iso 50算係超低感光度,條件係必須光線要充足先唔會手震.你試吓烈日當空去影就一定冇問題.
手震問題有幾個方法可以用. 使用前請睇吓相機有冇手震提示燈,通常係紅色,快門慢就會閃閃吓.冇這個功能的話可開啟自動閃光燈,會閃代表會手震.
1. 提升至iso 100.快門速度可以快一倍. 不用太擔心雜訊問題,iso 100對數碼相機來說仍算是低iso.
2. 盡量唔好zoom.用最廣角端影,因最大光圈數值不會變小而且手震的影響較小.
3. 用腳架固定相機.
4. 如果影近景,開啟閃光燈放棄遠景.
5.用一個較好姿態持機,手盡量唔好離身體咁遠.這方法平時要多習慣但唔建議作唯一方法,因為效果唔肯定.
6.用iso 200或甚至iso 400.雖然雜訊一定會較明顯,但點都好過手震.有時雜誌見到好多雜訊的偷怕照片就係用咗高iso影,因為真係會有環境係乜方法都用唔到的.

256mb SD卡由五百幾到六百幾都有, 512mb我冇留意. 幾時會便d我就真係唔知喇.

[阿威]

謝!我遲d會試下轉用iso100來影~
256mb夠嗎?我有時會用來拍片,因哩部機拍d片都ok好~