[Little Bird]

之前聽左幾位兄台指教後，本來都疊埋心水買A80，但見到S60 有廣角，實在好吸引...但價格實在差好遠...1K!?

買S60究竟值唔值呢?? 請指教 !!!

[uniquelyonce]

無話值唔值0既..如果用錢黎衡量我覺得義意唔大，因為你今日買佐A80返去，搞唔好過多兩個星期話A90出黎，到時候你唔多唔少會覺得 "早知道遲D買啦...就算唔買A90，咁A80都會跌價啦..."

買一部相機係睇自己0既需求點，有朋友鐘意影景當然會選廣角力強0既機、有朋友鐘意影遠景當然選Tele強0既機、有朋友鐘意攜帶方便，當然會選D比較細同薄0既機...

如果你係想一次過買部機返唔再投資落去，咁S60都幾0岩0既，(因為您想加鏡都要起碼買個套筒返黎先..同埋都叫做唔係好正式加上去..) 如果您想加下濾鏡啊...加下其他鏡頭咁，咁A80都叫做幾唔錯...又有轉LCD (不過我見到我一個印尼朋友個部個LCD用唔到幾耐就壞佐...轉黎轉去0既結果呱..)..如果你覺得唔夠wide當然可以加個廣角鏡去彌補....睇你用乜心態去買部相機啦....