[hahalulu]

請問若兩部數碼相機的解像度相同, 而JPEG檔的壓縮比不同. 是否壓縮比較低的相片質素會較好? 若選取用TIFF檔儲存, 相片質素會是否較JPEG檔好?

[Wailamtam]

請問若兩部數碼相機的解像度相同, 而JPEG檔的壓縮比不同. 是否壓縮比較低的相片質素會較好?
是，因為壓縮比越大，相片的破壞率便會更多，使相片質素下降。
若選取用TIFF檔儲存, 相片質素會是否較JPEG檔好?
是，因為TIFF檔沒有壓縮，相片沒有因此而被破壞。

[hahalulu]

若一部數碼相機的解像度高, 而JPEG檔壓縮比大. 另一部數碼相機的解像度較低, 而JPEG檔壓縮比小. 兩部機拍攝的相片 JPEG檔大小相若. 是否表示兩機的相片質素一樣呢? 若是, 那麼應買價錢較平,解像度較低而JPEG檔壓縮比較小的數碼相機?

[Philippe]

這樣是假設鏡頭,處理晶片,CCD及其他規格都一樣.否則最終結果未必係檔案大的一張較好的.
Tiff檔案會勁大而且好似要轉咗Jpeg先可以晒相的.
Tiff的好處是可以承受較多相片改動而不會有太大失真,之後再輸出Jpeg會較直接改Jpeg好.

[dcnut]

還要考慮的是每部DC都有不同的數碼處理過程，經由每部（款）DC的獨特firmware處理後出來的效果都不一樣，因此有所謂某機偏紅、某機白平衡唔準的情況出現。
JPEG本身是一個壓縮檔，每次open和save都經過解壓和加壓的過程，因此即使是很少的改動如橫度變直度，都有機會造成數據流失，只要留意每次save後file size都會有所變更便知。

[Wailamtam]

Re:hahalulu
其實現在各數碼相機的JPEG檔壓縮比應該相差很少，因此JPEG檔壓縮比並不是主要影響不同數碼相機相質的主因。反而像素和雜訊影響較大，所以若選擇數碼相機，最好直接看其相質和試其操控/手感會更好。

[philip5cf]

照我所知最好係用RAW存相就萬無一失啦但係成萬銀D機先有咁暨設備。至於一講到Jpg就無論你點壓縮都係死，睇下死得直唔直。如果你一反去放入電腦就張D相全部做成photo CD，再到做完後制工作後Save做Tiff。咁就可能留得到最好暨效果。因Jpg係你每開佢一次差不多都會流失一次的"亞叔"制度。總之最好就一次過做完後制工作就存作Tiff最好。不過D file大到飛起，好阻定。再講幾多百萬先好果方面就我自已經驗話我聽自從我買左個300D 先知D 六百萬同D 三百萬唔只差左三百萬，而係你再唔想見到D 三百萬像暨機係100%時暨成像。D noise多到你唔想見到。我前陣子同個朋友做後制先知佢架Canon V3 咁差。D noise 大到頭皮咁。搞唔掂，不過你張相唔會晒到咁大呱。

[hahalulu]

philip5cf,
你的意思是每當我開 JPEG檔時, 即使只觀看, 不作任何修放和儲存. 都會有流失?
另外, 你是說六百萬像的相機比三百萬像的少很多noise, 值得買?

[Philippe]

睇下唔會有事的.流失是改相之後save時發生.所以執相一定要執好晒先save.只可save一次.
像素多不是雜訊小的原因,只因為300D的感光原件大.如果係DC仔分別唔大.實際上如果CCD大小一樣,越多像素越易有雜訊.

[hahalulu]

一部較低像素而可儲存TIFF檔, 而另一部則較高像素, 但只可儲存壓縮比較高的JPEG檔. 兩者應選那一部呢?

直接來說, 解像度和壓縮比的關係應是怎樣? 當兩者不可並得時, 應如何取捨?

[dcnut]

現時一般較被認同的說法是高溫度是雜訊的主兇。越多的pixel迫在一塊小小的CCD上，接收及記錄數據時產生的熱力越令影像型成雜訊。300D所用的是APS size CMOS，比一般五百萬用的1/1.8"或2/3" CCD大上好幾倍，加上CMOS本身省電和低溫的特性，雜訊便相對少很多。

hahalulu，大部份的DC都有TIFF，因此選擇時不必擔心這點。如你著重質素，選五百萬像的prosumer機會較合。DC內的最佳JPEG壓縮比一般為1:4，1:6或1:8不等，不同型號有所不同。但大多數以'quality level'來區分，quality越高，壓縮比越細。以500萬像機來計Olympus的5050和5060最高有3MB幾一個file，其他的一般是2MB至2MB幾左右。