[i-Lens]

各位用Canon A series數碼相機既朋友們，有交流區喇~

有鑑於呢度唔見有a70, a75, a80既討論交流區，而Canon討論區討論所有既canon機，太大路，所以我一次開晒A series，等大家慢慢傾A系啦~

[i-Lens]

我都係a系既，我用既係a80，等我身先士卒，講下我對a80既睇法啦~

我覺得佢大約3000既價錢，有光圈快門先決，手動曝光等專業既功能，可以俾初學者由入門去到較高階既攝影水平，係入門新手而又有心學習攝影既一個唔錯既選擇~

不過個人覺得佢個LCD真係細左少少...........
仲有，冇電量顯示，只有差唔多用完先有...........

唔知幾時先有firmware俾我地a80既用家upgrade呢..........？

[yamamoto]

我係a60用家,早兩個月用$990係華仁會買,水貨.
同意a系機畀新手用真係無錯,不過a系機有無得影raw/tiff檔比較失望,而且對焦十分慢,加上個view finder十分唔準確,加左鏡頭就用唔到,比較上覺得曳d.
所以用耐左就好快會覺得唔夠用喇.

[i-Lens]

$990都幾平喎

我都覺得冇raw影比較失望，不過始終都係入門機，要同prosumer有番d距離。對焦就真係幾慢。個光學觀景器極之唔準，本來以為係我自己果部既問題，原來yamamoto你都係..........

不過我覺得a80在我黎講都夠用~

[philip5cf]

嘩！大佬你一千蚊有找重係度講風涼話。應該恭喜你啦。

[i-Lens]

yamamoto：

upload d相上去作品發表區俾大家欣賞下啦，一齊討論先有進步嘛~

[snakee]

我都係用a80呀，佢拍出黎相片質素唔錯，有一次去旅行，因為唔夠save card唔夠大，局住用78萬像素影相，後來朋友迫我要曬a4 hard copy，諗住實有格格啦，點知一d都冇，仲好鬼柔和，有人仲以為係菲林機影出黎，完全出乎意料。

佢基本功能都差唔多夠用啦，我影日出、日落都冇問題，大家可以到我網站睇睇用a80影出黎既相呀。http://www.geocities.com/miumiuchee 黃山和甘肅兩part都係出自a80，緬甸就係用canon eos 5。

不過我贊同i-lens講法，太慢，對焦唔夠準，mon太細，張相手震左有時都唔知。仲有，最不滿既係，鏡頭焦距竟然比a70仲要窄，呢樣退步左，真係不解。亦由於咁，我決定今日買300d啦﹗

[jasoncckk]

我用A75, 我覺得係晚上影d 相質總是普通, 可能係我唔識影啦=.=

[philip5cf]

會唔會又係個auto ISO 作怪呀？

[kfai]

影夜晚人像相，o的相的 white balanace 好唔準。時常偏黃。你們怎樣 Set 呀！

[philip5cf]

咁你每個式試一野睇下有冇分別。

[jasoncckk]

我都唔知 -.-|||

有冇人都係用A75 ,但影夜晚人像影得好, 有既講講呀????

[louislsh]

女友用 s40，我用 a75，如果手夠定，撥去「夜攝人像」即係慢速同步，a75 好過 s40。

[kchken]

我有部A40..d真仲靚過我個部Sanyo J2....-_-"..又實d...又有P, M mode 真係好好玩

[wkcjacky]

影親夜晚總會有編黃...
調番好個w/b咪得lor