[zeusho]

個人看到：今天到深水?買CF卡，看見一位朋友到「大一」購買Sandisk 1G Ultra II CF，買之前還問清楚是否「終身保用」(因為在窗廚內用螢光貼紙寫著是終身保用的」，而答覆是肯定的。他付款後才發現CF卡盒上的銀色保用貼紙用英文表明是五年保用，他即時提出疑問，店員才告訴他在香港是五年保用，而在美國是終身保用… (其實Sandisk 的 Extreme卡在香港才有「終身保用」)，那位朋友聽後即時表示不滿意，指他們明顯有欺騙顧客之舉，要求退款，店員方面肯退款，但很「串」的回應：「唔要無所謂，大把人要。」當時其他在場的顧客都靜了下來，看著那個店員，亦有人表示不明白為何這間店舖可以這樣欺騙顧客，有些想買卡的朋友都轉到其他店舖買卡(包括本人)。

[FaNtAsY_CKL]

@@" 咁離譜都有? 搞錯呀.......

..........呢個時候, andy lau 又要出動了!!

"今時今日, 咁既服務態度係唔夠嫁...點知至 arm????.....






係人都知啦~~~~~XDDDDD

[schindler]

吾關andy lau 事
十個andy lau 都冇用

人地根本有心欺騙顧客搵食

好似龍都服務一流
但水貨當行貨
行去永成咁好過
買得安心

[FaNtAsY_CKL]

咁又係BOR~~~~擺左 ANDY LAU 上枱TIM~~~~ SOR LY SOR LY~~~~~

不過聽倒呢D事之後, 小弟都冇咩信心去該舖BUY野LO~~~

費事比人地串啦~~~~~比錢人串我, 唔係我的作風XDDDDD

[HP_HKG]

zuesho 話：「他付款後才發現CF卡盒上的銀色保用貼紙用英文表明是五年保用，他即時提出疑問，．．．」

本人只是議事論事咋，應該喺比錢嗰時要睇清楚個包裝盒上既資料，係五年還是係終身保用，咁先叫正確。其實買方喺交易時應該主動睇清楚物品上啲資料，個賣方並唔係硬要買方買該物品的！本人認為哩個買方唔多醒目囉，當比咗錢之後先同人理論保用既問題，然後又話要退錢，自己搞到自己咁狼狽、咁肉酸、咁唔專業，肯定係買該貨品既新手啦！唉！

[dcnut]

首先，我唔知係咪响美國真係有終身保用，應話係店員老吹？
其實一般顧客應對５年保用已經好滿意，唔會因為沒有終身保用而減低購買意欲(我想該名顧客當然是因為感到受騙才要求取消交易啦！)
最後一點係保養就必定係代理或廠方提供的，冇理由間間都５年保用，淨得你有終身保用架！既然如此，又何必呃人呢？

[HP_HKG]

所以話，個買家極有可能係該貨品既新手囉！五年保用都已經好足夠，反正五年之內該貨品都可能已經被 upgrade 咗質素，轉咗新野喇！

個買家咁心急、咁肉酸，搞到本人打哂冷震！買方係有責任問清楚貨品既資料（包括保用），同時，個賣方係有責任提供正確既資料比買方考慮。極少極少人會因為五年或終身保用既問題而取消交易：五年裡都唔知變咗咩世界啦！個買方都冇遠見，心胸窄，情緒化，唔多大方得體！！！

[loting-hk]

HP_HKG：

我唸你係冇睇清楚個問題係邊。

上面寫道：......“買之前還問清楚是否「終身保用」(因為在窗廚內用螢光貼紙寫著是終身保用的」，而答覆是肯定的。......”

個買家不是因為那五年的保用問題而要求退款退貨，而是店員的欺騙顧客之舉。

沒有終身保用就不要欺騙顧客。

[johnli]

香港話哂都叫做購物天堂, 唔係大陸D XX商業城, 如果我無問都話姐, 問左, 你仲俾D錯誤信息我, 是十分有問題, 俾我都唔買啦, 這是原則問題. 如果我在XX商業城買嘢, 咁就一定金睛火眼咁啦.
為何大陸咁多人要來香港購物, 不是為平少少錢, 而是香港的東西有保証, 如果香港D啇店仲係咁做嘢, 而我地又姑息佢地, 遲下港香人買嘢都步步為營, 外人就更加唔使講. 香港遲早玩完.


zeusho兄,
你好像推介果呢間店??嘿嘿

[wshdickens66]

我又唔同意HP_HKG兄台所講，終身保養就終身保養, 乜野叫做五年保養已足夠呀又, 五年後乜野世界大家都唔知, 買野就條係希望件物件能一路保持效用, 況且貨物係要有買點先至能有競爭力, 先至能吸引買家, 而終身保養就是廠方對照顧既承諾, 亦是此貨物的買點, 如果係只得五年保養0既話, 那麼購買人未必會選擇此牌子記憶卡(當然價錢亦是其中考慮因素之一), 其他比此牌子優勝的卡而亦是五年保養多的是啦., 而個 sales冇適當地講解保養問題彧為做成生意而搏客人唔留意, 這樣就一定唔岩啦.

[wshdickens66]

我非常支持 loting-hk 同johnli兩位兄台所講

[HP_HKG]

To loting-hk:

本人已經睇清楚個題目，之後就該買方同賣方既行為發表評論。因為本人係屬於「醒字派」買家，極少會因為五年同終身保用既皮毛條件而取消交易。就此事件而言，本人會認為該買家喺事件中極之狼狽、肉酸、心胸窄、唔大方得體同埋好小家囉。雖然該賣方既銷售服務態度係有問題，但本人認為買方理應主動問清楚貨品既資料然後才交易先至算正確，況且賣方並唔係指定買方要買該貨品既，再加上成個電腦商塲唔係淨得哩一間舖頭賣 CompactFlash Card ，個買家應該睇多幾間、問多幾間之後先進行交易先啱！

本人覺得該買家好肉酸、好小家囉！

[loting-hk]

HP_HKG：
請再多看幾次以下文字再發表言論都不遲：
“......買之前還問清楚是否「終身保用」(因為在窗廚內用螢光貼紙寫著是終身保用的」，而答覆是肯定的。......”

也希望你看看以上其他兄台所講。同時你的言論、用詞是否過激？

[schindler]

HP_HKG

你真係有問題

你睇清楚人地寫乜先喇

看見一位朋友到「大一」購買Sandisk 1G Ultra II CF，買之前還問清楚是否「終身保用」(因為在窗廚內用螢光貼紙寫著是終身保用的」，而答覆是肯定的。

人地之前有問過架

如果係一個誠信好的店舖
應該係人地未買時告訴他在香港是五年保用，而在美國是終身保用

現在不是五年保用定終身保養夠吾夠的問題
係間舖吾老實的問題

五年保用,人地覺得價錢好都冇問題

賣方有責任提岀事實
但係宜家人地俾左終身保養的價錢
五年保用的服務

形同係商業詐騙

真係吾明點解會有大學教出D咁既大學生
本人覺得好肉酸囉

[johnli]

To: All

我覺得當事人都幾愚蠢.

試想; 你在人地店內, 錢在人地手中, 局是人地設定, 人是人地多(假設), 咁樣你仲夠膽出聲.
如果人地死唔認數, 聲大夾惡, 咁佢咪十分狼狽、樣子肉酸、令人覺得心胸窄、又唔大方得體同埋好鬼小家(一百幾十都阿芝阿咗, 食餐飯都無咗啦).

但是從另一角度睇;
此人遇到不公平, 不公義時, 勇敢面對, 果斷堅持, 無懼面子, 本著原則, 去爭取個人權利, 不正是大多數香港人所欠缺的嗎(包括本人, 我多數會用 "是但啦" or "求其啦"去了結此事)?

對此, 我們應有所啟發, 不要讓這些問題商店得米, 顧面子, 怕"唔好意思", 只會中正他們的下懷.

一個人"醒", 最多只可以明哲保身, 對其他人一D建樹都沒有, 返而面對及把事件提出來, 可以令更多人得益.