[alvinyau]

各位大師幫幫忙^^

如果影人像夜景, 平時用慢快門,大光圈, 唔用FLASH,
影background會夠光, 但人物會因為無flash而唔夠光. . .

如果用flash, 部機又會因為foucs左d光嚮人物身上,
因為測光唔嚮background, background就好暗 . . .

咁點算???
如果用手動功能, set大光圈, 慢快門, 開閃光燈, 會唔會映到個人好光?
其實拍夜景有d乜野要注意呢???

[lambertnh]

慢速同步閃 --- Flash Slow Sync

[dynax7d]

雖然我不是大師, 但是可以給您一點點意見

如果影人像夜景, 平時用慢快門,大光圈, 唔用FLASH,
影background會夠光, 但人物會因為無flash而唔夠光. . .
>>這視乎人物有否現埸光作光源吧, 倘若人物位置漆黑一片, 開閃光是必然了
相反仍有現埸光, 例如街燈, 只要能解決慢快門的手震的問題, 不用閃亦可以

如果用flash, 部機又會因為foucs左d光嚮人物身上,
因為測光唔嚮background, background就好暗 . . .
>>這視乎您採用甚麼曝光模式, 使用快門先決, 甚至全手動就可以解決問題

如果用手動功能, set大光圈, 慢快門, 開閃光燈, 會唔會映到個人好光?
其實拍夜景有d乜野要注意呢???
>>除了慢速同步閃, 亦可以使用閃燈補償修正閃燈輸出量

夜景要注意使用閃光時, 盡量使用後簾同步
因為被攝者絕大部份就會於閃光後, 以為拍攝已完成
若然快門是較慢的話, 極有可能會因為被攝者的移動而影晌最後成像

* 有錯請指~

[tunster]

第一個問題係要知你用0既係 DSLR 定 DC 仔, 好重要, 以下0既 Setting 俾你參考下, 當然視乎情況會有出入.

DSLR:
F11 或更細, Long shutter (eg. 3-4 secs), ISO400, Flash

DC 仔:
F5.6 或左右, Long shutter (eg. 4-8secs), ISO100, Flash

Why 唔同?
幾個原因俾你研究下

DC 仔0既 DOF 多數好深, 光圈大少少都 OK. 不過 DSLR 0既 DOF 好易令到背景 Off Focus. 用細光圈會好0的, 不過要用 ISO, Flash 同 Shutter 0黎補番.
DC 仔雖然用大光圈有利, 不過都有一定 Limit. 我自己用開 A80, F5.0-F5.6 係最安全0既光圈值, DOF 夠 cover 晒全部景, 就算 Focus 0係個人, 背景都唔會矇. ISO反而唔可以高, 因為 Noise 會好明顯. ISO100 算係幾 OK.

[Philippe]

我覺得要影人快門最多兩秒好喇.除非人處的地方旁邊全黑,否則太長時間人難免會郁,人的邊位就會化.

[alvinyau]

多謝大家回應!!!

dynax7d
你答得好詳細呀^^ 但係我係一個初學者, 仲有好多唔明...
1. 慢速同步閃係乜野呢?係咪一個SL+既logo ?
2. 閃燈補償又係d乜? 修正閃燈輸出量係咪即係較閃光燈既強弱?

我同意你既講法, 好多時閃光燈完左, model就以為影完, 一郁就矇,
講佢又唔聽, 聽佢又唔改, set機難, set人仲難, 吹脹 >.<

tunster
我用既只係dc仔, model係sony 828, 我手唔定, 所以有用腳架,
不過我仲有d問題唔係好明...

1.影夜景點解唔係用大光圈? 唔係大光圈可以入多d光? 如果要用iso去補獲,
noise咪會多左囉? 如果細光圈加4s-8s既怏門, model好難頂咁定唔郁呢?

2.如果用細光圈加慢怏門, 例如f.5, 4s, iso 100, 景深又會唔會變得太淺?
影出黎既相, 會唔會人物清, 景就好矇?


又一個問題:
成日聽人講iso值越大, nosie越勁!
予其iso 100都夠, 點解要加入200, 400, 800, 甚至fuji有1600咁大呢?
iso除左可以令本身張相感光度提升之外,仲有乜野好處?
用更大值既iso, 點解唔值接用大d既光圈? or 慢d既快門?

好多謝各位指教 ^^
真係唔識!
真係想學!
真係感激!

[Mr.T]

"1. 慢速同步閃係乜野呢?係咪一個SL+既logo ?"
一般相機用閃燈時, 都會將快門set去1/60s, 1/90s 或者 1/125s, 如果背景好遠, 又唔夠光, 咁太快既快門就會令背景變黑, 用慢速同步就可以解決呢個問題, 因為快門冇呢個限制, 可以set長d, 咁前景就可以靠閃燈, 背景就靠長時間曝光. 至於點set, 未用過828, 唔識, 睇下說明書啦, 呢個都係影相既其本要求黎架!

"2. 閃燈補償又係d乜? 修正閃燈輸出量係咪即係較閃光燈既強弱?"
yes

"1.影夜景點解唔係用大光圈? 唔係大光圈可以入多d光? 如果要用iso去補獲,
noise咪會多左囉? 如果細光圈加4s-8s既怏門, model好難頂咁定唔郁呢?

tunster已經解釋左, 係因為景深問題, 細光圈可以令前景同背景都係景深範圍內, 用太大光圈, 你focus係前景主體, 個背景好可能已經out-fo. 況且, 一般鏡頭既最佳成像都係f8左右, 我影夜景一般都唔會大過f5.6. 至於長時間model郁動既問題, 就最好搵一個model唔會比現場光照到既地方, 就應該可以解決, 因為model郁動既時候根本只有微弱既光線, 係唔會好影響張相既!

"2.如果用細光圈加慢怏門, 例如f.5, 4s, iso 100, 景深又會唔會變得太淺?
影出黎既相, 會唔會人物清, 景就好矇?"

越細光圈係深景深喎??

"又一個問題:
成日聽人講iso值越大, nosie越勁!
予其iso 100都夠, 點解要加入200, 400, 800, 甚至fuji有1600咁大呢?
iso除左可以令本身張相感光度提升之外,仲有乜野好處?
用更大值既iso, 點解唔值接用大d既光圈? or 慢d既快門?"

一般情況下, iso越低越好, 但係點解要有高iso??? 因為環境唔夠光又唔想或者唔可以用閃燈囉, 例如想影現場光既氣氛, 或者用最大光圈加閃燈都打唔到咁遠, 都會用高iso去維持返一個快d既快門時間, 好似影演唱會就係一個好好既例子!

希望解答到你!!!!

[dynax7d]

1.影夜景點解唔係用大光圈? 唔係大光圈可以入多d光? 如果要用iso去補獲,
noise咪會多左囉? 如果細光圈加4s-8s既怏門, model好難頂咁定唔郁呢?
>>如無意外, 他的做法是希望景深增長, 確保人與景皆清晰的效果
我建議先用F2.0試一張看看效果, 因為DC景深頗長的
28mm底下大光圈未必會破壞了構圖的美感
否則就逐步收細再拍, 以獲取一個參考數值, 之後再以ISO改善快門速度

如果用細光圈加慢怏門, 例如f.5, 4s, iso 100, 景深又會唔會變得太淺?
影出黎既相, 會唔會人物清, 景就好矇?
>>或許您誤會了一些東西, F的值越小是代表大光圈, 大光圈的景深是淺的
例如828的最大光圈是F2.0, 那28mm底下, F2.0就擁有最淺的景深
以上述的F5來比較, 景深不算淺了(還要是DC的F5呢)

予其iso 100都夠, 點解要加入200, 400, 800, 甚至fuji有1600咁大呢?
>>因為有些情況ISO100並很難使用高速快門
例如我會用ISO400加上1/4000的快門於室外拍照
雜訊一般會在暗位被發現, 光線充足情況下使用高光度其實亦有一定用途的

iso除左可以令本身張相感光度提升之外,仲有乜野好處?
用更大值既iso, 點解唔值接用大d既光圈? or 慢d既快門?
>>光圈亦有上限, 或者不能用大光圈, 有些情況亦不能用慢快門
那就只能推高ISO了, 高感光度的好處就是能採用更快的快門

* 有錯請指~

[tunster]

高 ISO 有好多用途, Like.....

當你0既光圈開盡, 但又要快 Shutter 0個陣就要開大0的 ISO, 由其係室內影 Event 0個陣

又或者你影室內運動, 好多時 Shutter 唔夠快, DSLR 0既用家好多時要用到 1600 或以上先頂得住.

[Philippe]

如果你係用828.因為用高iso會有好多雜訊.我見議你最盡用到iso 100.光圈唔好細過f4.仲有一樣好緊要係人物唔好太近鏡頭,2.5m至3m度可以保持人唔好太細,景深也不會因為人太近而變得太淺.仲有係唔好zoom,用最廣角加深景深.
我也頗喜歡影夜景人像,我通常的設定是iso 80,快門保持在兩秒內.光圈3.3,背景暗時甚至會用2.8.背景光時會用f4.人物距離2.5m至3m,如果沒有配備外閃,這是最好的距離.f4或再細光圈,內閃有效距離會得翻好短,人一近景深就會淺.
我經驗是光圈3.3已能提供足夠景深.2.8會稍差,但還可接受.f4已經利到會拮肉.

[alvinyau]

嘩 . . . 感激~~~~~~~~~~!

好開心呀,學到好多野, 以前一直有誤解既理論, 而家清楚好多喇!!!
仲以為, 光圈大, 可以避免手震, 所以以前影親夜景都會set到最大,
shutter就可以就返去2秒左右, 但係睇返以前d相, 好明顯係backgroud
out focus, 加上我唔開閃光燈, 避免人物光, background 好暗, 所以d相
唔靚, 或者, 我會多d試用下100 - 200 既iso去幫助夜間拍攝, 睇左咁多位
師傅教導, 真係明白晒喇 . . . . . .

越來越鐘意攝影, 原來光圈,快門, 仲有好多setting係可以咁多變化^^
就黎中秋喇, 香港有邊度地方最有中秋氣氛? 值得一拍呢?希望大家
"中秋節快樂, 拍多d靚相 !!!"

[Philippe]

光圈大係可以縮短快門,但係兩秒或十秒都冇乜意義.一定會手震,所以都係要用腳架.
我建議最好去下文化中心影夜人像.一來中秋多數有啲花燈攞下,如果唔係正日冇咁多人仲好.因為靚景都好多.可以影下海,星光大道.周圍影相的人多氣氛好而且地方大唔駛爭景拍.

[莫須有]

仲有1個好地方-山頂
及最好試多的不同曝光時間

[kingkonghk]

我有個簡單方法同大家分享

拍攝者手拎住支外置閃, 機身唔開閃燈, 用s mode曝光5sec.咁上下, 被拍者盡量保持唔陏, 開時間制, 當快門開時, 自己心數大約4秒左右就人手按閃燈, 效果ok架, 你仲可以走唔同角度, 就返個人影唔好咁現添. 唔駛好似用機身閃直射咁呆板. 時間掌握可以試多幾次就得, 好易.

[tunster]

2nd Curtain flash...效果係一樣0既, 不過要有錢買個 Slave 先...hehehe