[os_beginner]

點解個個都咁講？

Prosumer DC有佢既好處，DSLR亦有佢既好處…點解個個都會咁講呢？ :'(

[巴斯光年]

自己覺得部機適合自己用咪得囉! 正如你所講, 各有各好處.

[tomat]

os_beginner:

咁有無聽人講過:

- "買得DSLR，不如買Prosumer啦！"
- "不如放部DSLR，Keep住部Prosumer！"

小黑小白咁貴都有人買，唔通大家都係傻仔？每件事都有原因，玩過你就知！

[CYY]

我覺得兩者在質素、價格和功能都有所不同，不應這樣比較：

1)雖然prosumer dc的價錢跟入門級d-slr很接近，但很多已包括了一支高質素的鏡頭，例如是nikon的8800，minota的A2，panasonic的Z20...等，都有一支7X至12X的防震鏡頭。

2)prosumer dc雖然不算大部，相對d-slr來講卻細得多，而且可以一機走天涯！

3)prosumer dc的功能比d-slr多,例如是扭mon！

但假如你要求的是對焦速度、影像質素和擴充空間，那麼d-slr當然是你的選擇！

我半年前已買了一部prosumer dc，但最近我仍決定買多另一部prosumer dc（兩部加埋已經夠買一部入門級ｄ-slr了)因為我覺得prosumer dc 比較附合我的需要d！

[ackl]

DSLR係無底深潭
但DC就始終係DC, 要加o野貴極有限

你有家底敗得起鏡頭閃光燈CLICK-CLACK
就買DSLR

唔係, 就安安份份用返DC, 基本上影出來,
晒出來有乜分別? 如果你個BUDGET係
"DC 級"你就唔會覺得唔足夠。

仲有都係果句, 器材幾靚係次要
識唔識影相先係主要, 見到個拎住部十皮o野
o既相機o既人只可以話佢有米, 推論唔到佢識影相...:p

[i_wakeup]

ackl兄

講得好, 最正係最後果一段.

[philip5cf]

其實已經好似講到用咩野筷子去食野而唔係好唔好食或者食野暨用意啦！影相；係相呀！唔係你坐係架 F1上你就係冠軍架！咪成日係度講邊架 F1 拉暨花靚然後去買架或者整架似暨啦！明白你想要暨目的而做你應做暨先係最重要暨！我多咀！

[zeusho]

To ackl朋友：

我有少少不同你的意見，因為DSLR的鏡頭、閃光燈等是視乎你繼不繼續購買，正如你購買DC一樣。使用DC (如Canon G-6)購買配件一樣可以很貴，決定權在你的手上。只要視乎自己的需要及能力而購買便成。我很多朋友買DSLR後只使用標準鏡頭，因為他們喜歡其的反應速度、成價，不介意大部些少，去旅行使用就一樣方便，DSLR也是一個好選擇。以後發現自己有更多的要求，能力又可以的話，才繼續購買鏡頭及其他配件就可以。

[patwong]

其實買晒兩樣試下就知

方便-Prosumer
質素-DSLR

[walkingfuture]

我都幾同意 zeusho所言。DSLR唔一定係要有家底先買得起﹐有好多DC都可以貴過300D/DSLR。

我的見解就係﹐要視乎各下需要同要求。究竟係要求輕巧易容呢﹐還是講求高質素﹐速度等呢?各人有各人喜好。要知道的就係針無兩頭利。輕巧細細部預左質素唔可以同DSLR比(因為sensor size都掙好遠)。相反﹐用得DSLR就要預左要學習同練習﹐而且唔可以懶﹐後期製作係需要(但非必要)的。

但係要清楚一樣野囉﹐渣住DSLR唔一定靚過DC架!! 價錢就平有平玩﹐貴有貴玩囉~ 相機係死物黎﹐唔識得影相﹐識得影相果個係你自己~。

不過﹐以長遠計﹐其實DSLR係抵玩D架! DSLR所有配件都幾乎可以用響下一部body。如果body懷左﹐基本上只係換body就得﹐質素好大部份都depends on 配件(如鏡頭﹐閃燈等)。但係一般DC懷左就係懷左﹐除非買返同一部或系列﹐否則配件好難用得返。

小小意見

[巴斯光年]

os beginner,

都係個句, 睇自己需要同喜好啦!
不過記住, 相機只係輔助, 要影靚相都係要靠自己.

[awylee]

本人都相當同意 zeusho 及 walkingfuture 兄的言論, 其實自己本來是用菲林單鏡機的, 當數碼機出到300萬之後就買了數碼機, 用了幾年後發覺如果我要方便同快捷, 最細的咭片機就成了我的首選, eg IXUS40, FX7, 因今天的所謂咭片機已經去到非常高的質素, 隨時捕捉珍貴鏡頭都一D唔失禮,

另一方面, 我如需要影高質素的相片, 對焦要快, 閃燈要夠力, 什至可以換鏡頭, 那 DSLR 相信會比 Prosumer 機優勝, 而事實上當兩者的價錢相差不遠的話, 我自己會想買 DSLR 多過 Prosumer 的

[philip5cf]

我亦想發下嗡風，我少年時玩過 Nikonmatic 記者機(重係度)！到數碼機出現先再有心機影番下野，好老實亦偏心 d 講普通數碼機重未令我覺得重拾以前菲林暨質素！為左唔想成日再 upgrade 就等到終於 300D 暨出現！雖然！重係未！一百個 % ！不過真係值得高興佢暨表現！已經唔使我成日心思思，因除左鏡頭之外，冇乜野要買咁囉。再講 prosumer 對我呢講真係冇乜理由走番轉頭！又唔係好平到我見手鬆就換一舊暨程度。愚見！

[setzer]

Prosumer DC唔湯唔水,一部DSLR+一部輕巧DC至好.

[M1A1]

setzer:

I agree with you.