[M1A1]

今日想買部S1 IS，去左Causeway Bay的DC Fever，問位哥哥仔，S1行貨幾錢，點知佢竟然話呢部機係outdated，仲己經out左好耐，我嚇了一跳，即時唔知點反應，out左好耐？唔係嘛，Canon有後繼機出左咩？我每日都上dpreview同幾個DC的newsgroup/forum，都唔見有傳聞，正式announcement更加冇。

他見我懷疑的眼光就向我進一步解釋，因為KM的Z3像素又高過佢，相又清過佢，價又平過佢，又送乜送物，所以現在己冇人搵冇人買呢部機喎。仲話行亦冇心機賣呢個model，所以個價仲定係$3980的偏高價都唔理。

S1的畫質絕對好過Z3，但價錢就真係輸蝕。S1因為行定價太高，所以先少人買行貨。但就比佢講成因為少人買，行都唔想賣，所以唔減價，倒果為因，呢位DC Fever的哥仔的logic真係有問題，而且對S1和Z3的評價也太武斷，其實因為個定價，所以行唔夠水賣，DC Fever又唔賣水貨，所以DC Fever根本唔想賣S1，照講真相就得啦，唔好老點，商譽重要一些啊！

轉頭去左Wanchai的DCC，S1的水貨賣晒，連display果部都賣埋，早幾日仲見有兩三部喎！S1己經out左好耐？

[jamesjames]

其實相機係最主要黎影相唔係追潮流! S1 IS點解未出後繼機o既原因我估呢部都係一部幾穩定o既dc黎. 所以canon未有諗住出後繼機種.
其實兩部都係好機. 視乎個人需要同觀感. 因為色彩方面比較主觀.

如果講out,不如佢話dslr out仲好. 又大部又無moive拍仲唔可以用lcd作觀景器,影出黎多數仲要偏灰暗........咁樣又唔見d人唔用佢! (我自己都用緊300D)

所以我成日都話自己買機前多做少少功課. 睇定邊部(邊類型)就唔好三心兩意. 唔好立亂信sales果d[隨口嗡,佢自己就有金執]o既說話!

[Mike Chan]

好奇怪，Canon 自己都冇咩點谷(promote)呢部機！其實一直以來Canon的廣告都唔係咁全力sell呢部機，最近直頭冇晒聲氣，唔知俾唔俾到的啟示你呢？

[49x]

部機本身係唔差,只係config差少少,都見唔少人用
如果佢肯加埋hotshoe同加到400萬像以上相信可以更歡迎
(期望有S2時又有呢d功能啦=.=")

[SiegfriedDK]

um.....好主觀原因

因為部野咩都好, 就係樣衰.....

唔好打我, XDDDDDD

[lokxp]

300M out左好耐
有錢都買400起 la

[douglas_hkc]

我自己本身都係s1用家~
相機呢家野成日都有新款ga啦~你接受到佢的好同壞處就去買啦
不過如果你唔急住買不妨等佢出後繼機
s1點解貴..佢的is同usm都值啦~

你覺得接受到去馬~唔好咁易受人影響

[鬼火]

其實部機除左movie同is比較出眾之外﹐其他都唔係太好(個人意見)
我覺得可能係對手太強:
1) O記C770有4百萬像數﹐色澤又唔錯﹐加上O記經驗夠﹐始終做左好幾代
2) 要求再高者可能會揀FZ20什至8800

我覺得is Panasonic同KM D機都有﹐如果要影movie﹐不如買部DV好過啦

[M1A1]

其實我不單止冇受呢位哥哥仔影響，我反而好懷疑佢的logic，亦對其up得就up的態度有些反感。

我本身己下定決心想買部S1，因為做左幾個月的功課，所有S1的缺點己接受到，S1的相係soft了一些，但可以係相機的setting中推高，Z3的noise多了一點，長tele的最大光圈也沒有s1的3.1大，自已一定唔會選Z3。我也明白清楚自已對相機的要求，我去DC Fever只是想知行貨個價有冇跌到，若果和水只是相差幾百蚊，我就會買行，如果仍是過千(行$3980水$2680)，我就會去DCC買水，所以後來我去DCC真係想買機，唔係淨問價。

我等了好幾個月都唔見有S1的後繼機，其實除非係noise的處理技術上有重大突破，否則多些的像素就要大一點的鏡頭，以維持3.1的相對大光圈，但到時S1的size又會變大！大家看看P記的FZ系列和KM的Z3便知。

相信Canon暫時未有相關的技術，所以短期內不會出到部S1的後繼機，而10X也不是主力產品，所以?都唔會投放資源做R&D，事實上，C記其他的產品己經好好賣，S1也有其質素上的優勢，如果價格可以如外國般下調就不會out，你睇水貨S1的貨去得幾快就知！不過Canon香港行對待S1的心態就真係不敢恭維啦！

[douglas_hkc]

因為s1出的時間好搞笑
當部部機出緊4~5mp時佢返轉頭出3.2
可以話係將價就貨
佢怕賣太貴d人寧願買g5+鏡都去到7x(果時未有g6)
賣太平佢又回唔到水(我指行貨~我都唔明點解水貨同行貨可以差咁多)

我記得之前係fever有人講過canon今年內會推20部新機而家只係出左16部
唔太急買不妨等到過埋聖誕
(要影燈飾就冇計,因為我上年都係咁先買左部s1)

[neddylo]

像素係幾多冇話out 唔 out 既
3.1 mp 晒 4r 都好夠
睇下各位接唔接受得到既o者

[gary lee]

我都买左S1，我觉得3MP真系够晒用，除非你成日要晒D大SIZE既相.
但唔明点解香港行货仲系卖到甘贵.大陆行货都系3600rmb左右.

[darrens]

Canon兩架最失敗之DC
Pro 1&S1 IS
前者因用了同L lens同級鏡片以至冇得減
後者則是3.2MP, no hotshoe, IS成本不合乎原則
S1 IS之下場會似Pro 90 IS,叫好不叫座

[hippo]

S1 IS 手工一定好過 Z3. 只是價錢問題.

[靚蝦王]

m1a1:
其實我同你一樣, 諗住買s1, 但係始終佢都有佢既缺點, 架上之前又有人話s2/s3 就出, 所以我就冇買到, 諗住一心等s2/s3, 不過, 而家我都諗住一係買a200, 一係fz20 lu...講講我concern既野~

好處~
s1is : 細, 大光圈, movie 超正, usm, zoo一到380mm, 用cf card, 用aa電, noise reduction(NR) 1.3s後就有
fz20 : 大光圈, 靚鏡, 解像力強, 36mm-432mm(好過s1, 432mm 好正), 有對焦輔助燈, 內閃強,
marco 強, 黑色, lcd 2"
a200 : 28mm-200mm, movie 強, 用1cf card, 8m , (nosie 好似好左), ccd 大
2/3"
壞處~
s1is : 冇對焦輔助燈, 冇marco( 都到10cm), 最wide得38mm, , lcd 得 1.5",
ccd 得1/2.7, 解像力同noise控制都唔算太好, cover 唔掂, 得3m, 冇得
加外閃
fz20 : 幾大, ccd得1/2.5, 夜晚難對焦, 用sd card, 最wide都係唔夠36mm), 唔
知佢幾時先開NR, 最長得8s快門, lcd 唔可以反
a200 : "貴"(對比s1同fz20), noise 都係多, 冇對焦輔助燈(夜晚對焦難), 唔知
佢幾時先開NR, awb 唔掂,要成日用手動,

for s1, 我係想要對焦輔助燈, 同埋38 mm 我一定要加鏡(好煩) , $3480 + 鏡屏~$700) + 轉接環(~$250 原廠) + uv + 蓋 = ~$4500, 用4500 買3m機好似唔係咁值, 所以我嗰陣諗住等s2/s3~
for fz20, 最唔接受係個movie 同埋8s 快門,另外我用開cf card, 又要買 sd card reader, 36mm 我都係驚唔夠wide, 可能最後都係加鏡... 但~$4280 都可以接受(if 唔使加鏡的話)
for a200, $5780 好貴, 冇對焦輔助燈又難對焦, 200mm + f3.5 驚淺景深難做, 但28mm 夠wide唔使加鏡(但見到d post話28mm變形), 對佢質素有d保留, 因為minolta 機d noise太多>_<, 個size 始終都唔係咁方便衣對比s1)

經過兩個月既慮, 出左a200之後我而家都係諗住買a200, 博佢d noise 唔太勁, 我諗住2 個星期後先買(因為考試), if 呢段時間見到a200 d 相既sample 唔ok or dcpreview 出左review 見到佢既評價同a2 差唔多既話, 我就會去買fz20 ( or s2/ s3 is 出的話我都會改變主意, 不過我諗出既機會都唔大...)