[dennie]

我想買一部相機學下點樣攝影呀,不過唔知買邊部好呀有冇好介紹呀,大約6000在右啦,數碼定單鏡好呀,假如單鏡我想要10陪光學個鏡頭要幾錢呀,thx

[daveyuen]

呢個價錢真係差不多夠買一部
Canon EOS 300D 呢部單鏡反光機了!
之不過10X 光學鏡頭你要另外比錢買了
還有,DSLR o既世界係唔會用X 黎形容幾多焦距
通常會用mm的,
例如70-200mm等~

[小班長ErikoB]

if係咁我覺得買 p仔 fz20 7590 z50 會好d.....

[daveyuen]

睇佢點用囉,不過佢講得出10x 類, 都應該係要長炮咯
PanasonicFZ-20, KM-Z3(或者就快出O既z5),
Kodak DX7590都唸得過
我自己用緊FZ-20,都唔錯~
z50?你係指CASIO o個部?snap shot 黎咋喎?

[dennie]

我要黎影風景,家庭相,又晾會影model,假如P仔新個部單鏡機呢?個鏡頭20mm-300mm要大約幾錢呀

[dennie]

單鏡機同唔同數碼機可以係個顯視屏睇住黎影相呀

[lmichael]

如果唔影人像,其實DC仔都無所謂,但係一講到影人像,咁單鏡機+大光圈幾乎是指定動作.而且DSLR的跌價速度亦比較慢.所以都係建議你買300D.

[B and H]

要考慮一點, 玩dslr開頭會係好似好平, 但一玩落去, 就.........................

所以除影像質素外, 還要考慮自己的需要, 這個才是最重要.

[wklouis]

若果你選定了使用DSLR的品牌, 一支鏡頭可以用很多年, D人有時覺得係一種花費或幾貴, 但係你計返個使用時間, 其實唔係咁貴, 問題係你買鏡時係咪有用先.

[M1A1]

B and H:

好多人都同你一樣，講玩Dslr初時平，但後來會用多好多。我諗唔一定，要視乎你玩定用部Dslr，玩那一批我都無須多講，但作為一個普通用家，買Dslr純為Dslr的淺景深、高速對焦、極短快門時滯、可用的高ISO相片，如果係咁，一兩枝鏡，加個外閃，己足夠有餘，可以應付一般家庭生活照。

其實DC係影寵物、小孩子時，慢對焦速度、長shutter lag、存相慢等缺點盡露，不能應付快速移動的物體。在此情況下，絕對有需要買Dslr，當傻瓜機用。

[B and H]

M1A1,

如果好似您"禁"的要求緊係ok啦. 但係始終到最後都一定貴過dc好多.

body+2lens+external flash都應該起碼過萬.

淺景深---------->最好快鏡

高速對焦------->nikon最好要afs, canon最好要usm, sigma最好要hsm

我唔知您要唔要腳架和相機袋, 如果要, 腳架和相機袋又貴一啲.

所以我最後說還要考慮自己的需要, 世事無絕對既, 您話係唔係??

其實買dc又好, prosumer dc又好, dslr又好, 如果您有要求, 一樣好花錢. 如果玩dc常常換機, 咪一樣.

[lmichael]

仲有一點要考慮, 就是如果買DC, 第二時想玩好o的, 就可能買過部機, 不過如果係DSLR, 想玩好o的,買多枝鏡就得.

初學的話, 一枝Kit lens就夠, 以後想好一點, 買枝小黑(2千至3千), 就長鏡同人像都得, 而更重要的是, 現在DSLR一o的都唔貴,都係一步到位比較好.

其他非電子同光學的Accessory, 例如,腳架,直角觀景器, 相機袋......,真係豐儉由人. 我都用好多國內配件.

[M1A1]

B and H:

我又冇話買Dslr一定唔會係將來用多好多錢，我都係提出用家會當Dslr係傻瓜機用，尤其是現在入門的Dslr價錢接近甚至和prosumer機一樣價錢。至於你話相機袋同腳架就Dslr同prosumer機都要買啦，如果個用家要的話。但係鏡就唔一定兩枝，好似Imichael話，kit lens也可以，至於外閃，有需要的話，以Canon為例，都係千幾元就有原廠的。

你係有講要考慮自已的需要，你冇詳細講，但之前你又話買Dslr會使多好多錢。我怕其他人唔明，被嚇怕，所以將事實的另一面講出來。

仲有，呢個唔係我的要求，確實係有人有咁樣的要求。我唔會將自已的需要和價值觀套在其他人身上，我只想提供客觀的意見，給其他人作決定。

呢個世界好多事物也會有玩家同用家之分，包括車、HiFi......。

[man24]

如果用$6000,買部入門dslr 好過買高級prosumer機,一來以家d 入門dslr 都跟一枝鏡,第時買多支長鏡就得,如果你由prosumer升上dslr,又要賣左去再買dslr,果度d錢都夠買多支鏡. pentax ist Ds 算係入門級最好的一部，又夠細，顏色夠sharp

[limancho]

買DSLR重有一個好處，就係當你買支新鏡頭既時候，就好似買左部新機咁。相片既質數都唔同，好有新鮮感。就算幾百蚊支定焦鏡都可以好靚。