[digi33]

Day 1

我買左部LG錄影機,回家後追台時只能追到畫面,但是追不到聲音.

Day 2

我打去代理(Jebsen)客戶服務部(Causeway)問,但當我還未問完條問題時,條友仔即以一把"未瞓醒"的聲線搶住同我講

友仔:"你有冇試過微調"
我:"沒有"
友仔:"你返去上下10格咁微調再試下,唔得再打來叫師傳幫你"

之後我再詳細問佢有關微條的問題(因之前一晚我在家裏狂試及睇說明書,所以好記得有D咩制同按邊個制有咩menu等),佢都好似唔知邊樣打邊樣咁,只一味叫我番去...................."微條".

晚上回家狂試,並且拿到姊姊家裏再試,也同樣只追到畫追唔到聲,故決定拿去零售處待查.

Day 3

上午,再嘗試打去"Jebsen"荃灣客戶服務中心找技術支援,以下的對話仲精彩.

我:...................講出問題.............................
友仔:"咁情況要慢摱微調"
我:"我已試過,但都不能"................之後我再形容給他聽我是怎樣微調的.
友仔:"都係咁樣慢慢逐個台調,有時亦可能因大厦天綫接收唔夠強,所以調不到"
我:"但我已經試過兩處不同的地方(我家及姊家),都是追不到聲"....以表達冇理由兩處都咁啱天綫接收唔夠強,事實上我不嬲都有用錄影機,之前從來未試過咁既問題

以下lee句精彩

友仔:"我唔理你去過幾多地方,試過幾多部機,我俾你個答案都係一樣,就係要慢慢微調................就算我叫師傅來幫你都都冇用,有時調不到就是調不到"

本來我想小佢,但環境唔許可,只好掛線,當然亦暗下決心返零售處換機.

晚上,去到零售處,個sales試過亦同樣追唔到聲,叫我等一陣,原來佢轉過頭已拿過部新的俾我...................當佢手起刀落正常打開部新的給我check時,我即時就同佢講\"我唔要LG, 我要加錢換Panasonic,最後我就更係拿部Panasonic回家,亦當然成功追台,成功咁幫我女錄"大長今"啦.

總結

代理"Jebsen"的服務態度我已不只領教一次,之前用佢隻JNC MP3已試過壞左拿去修理,結果修理左三次都仍然"過過下歌就Disconnet",還次次都要等兩三個星期,甚至今日取回,明日即拿回去說修不妥都冇得優先,照舊等兩三個星期.

當然今次經歷亦好鬼精彩, 所以我勸大家別買Jebsen代理的產品, 以免受氣.

註:它代理的DC有 "賓得" 同 "Casio"

[sai1234]

PAN D 機好像唔可以burn落 DVD+RW, 只可以BURN DVD-RAM 同 DVD-R

DVD-RW都唔得, 是嗎?

[sai1234]

我之前都有聽人講JEBSEN D 服務其差無比, 睇來是真的..HA HA...
之前我都想過買 LG DVD, 之後都改左買 PHILIPS.

JEBSEN 代理D 車都唔好買好D .....

[yik_cheung]

dcfeverend 你都算好脾氣.. 一般人已送晒海鮮畀佢地啦

[digi33]

sai1234

我買個部係VCR黎咋, 幾千蚊買部DVDR來錄電視好似唔係好值,所以都係買返VCR

yik cheung

我都唔知我好脾氣定鵪鶉,但wer 爛塊面同佢嘈都冇意思,情願寫信去投訴佢.

[victor ko]

多謝dcfeverend兄，提供資料原來JEBSEN 代理咁(勁)嘅，以後都唔洗旨意再買LG, JNC, PENTAX, CASIO品牌物品。另外，會將這個消息發放出去等大家再無需俾血汗錢買嘢都要攞苦嚟辛兼一肚氣。

[Swansea]

Jebsen呢間野真係唔掂，我一向都建議d朋友唔好買Jebsen代理既產品。

[digi33]

數日後,如果這個topic有好大回響的話,我就會send這條link 去俾casio, pentax, LG等原廠既customer advice, 當然, 就係cc 俾jebsen 啦

[文迪達]

sai1234 : Panasonic機係用"減"製式o架,只可以用DVD-R同DVD-RW!!

仲有我公司都用緊幾十部Philips o既DVD player同DVD recorder!!
o的機一有問題打去customer service o度,過兩日就有人上o黎check~~
次次問o左兩句就幫我換o左底板,差唔多新機一樣!!
service幾好~~

[deutsch]

抵屌啦jebsen
呢d雞仔數咪耍你囉
試下用呢種態度對待波子佬丫
比人屌到反艇﹗﹗﹗

[JOE YUEN]

jebsen 啲CS SERVICE 已與時俱進，越來越接近祖國........中的羅湖啇業城內..............的冒牌LV ,CUCCI鋪一樣...........可喜可賀，以後買機可少幾個選擇唔駛花多眼亂。

[digi33]

所以大家要習慣買野時,問下係邊間代理至好買.

[kevinhon]

dcfeverend,

你部機上有沒有調SYSTEM的選項, 有些機system set 錯會只看到畫面, 聽不到聲音!

[sai1234]

"""""數日後,如果這個topic有好大回響的話,我就會send這條link 去俾casio, pentax, LG等原廠既customer advice, 當然, 就係cc 俾jebsen 啦 """"

一定要咁做..

[digi33]

當然有啦..........................就算我唔識............................個Sales都識la.................佢試完都即刻拿個部俾我.

我都set 過好幾部VCR,部部都set 到wo,還有問題不在LG, 是在 Jebsen

Anyway, 多謝你